Lukas 16:22 - Intas Etipup

²² Is um mas nihki natimi iyehki, eris apos pan yin a ilpu agelo, um ati yin an riti Ebraham: is um lep mas natimi ikni itai iyehki, eris um atelmoi yin;

Lukas 16:22 Iomraidhean Croise

Nitaasviitai u Job 21:13

Era eklim amen upene ara irai iji adiat, jam asuol an nehpanitai an nasvapnise an nesganimtai atimi.

Niji tas Arapakau 14:32

Er auroauro um auahas ilpu atimi auatatimi an nedo has ura: ja era emda a ilpu atimi upene, um aitgaig itai upene an mas ura.

Natimi Efehtas 8:10

Im lep inig, kis mun ecet ilpu atimi auatatami ainyak, eris atelmoi ra, natimi iji ig marom eris apan an neom itap ara um adumoij pam,; eris ahnag ira ra an maliyum iyehki eris ago nedo inigki iran ara: et lep takitai nitai inigki.

Aiseya 14:18

Era asjeuc a ilpu atimarid u nup urai iji pece an natimi alupas ura, ara asega marom, irai etheso ura, athi um athi ehni.

Aiseya 22:16

Inhe nigki ehelum eagko? Di nigki ehelum igcaki, mika as ahti netheso imi euc aiek igcaki an nij, et idivaig tah et ahti netheso imi yin aien an nuarin ijinies, um wud ugyit an nij inuarin amen imi yiu?

Madius 18:10

Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nobatag a ilpu agelo ura irai iji adiat an nohatag.

Madius 24:31

Etpu abrai ilpu agelo o un aien, mika eri ahlai intoho esjilid ara, um asjapicnaig ilpu atimi ehtai ra o un irai iji uarin asega, ahes an nahaijin nohatag um yetpan an nahaijin.

Madius 8:11

Ek asaig ehelemia ainyak mika, Erupu ahes an ridjai o un natimi inyi ahinag, im lep an nete o un, um han ateuc ehele Ebraham, im Aisak, im Jekob, an nelcau an nohatag:

Markus 8:36

Et eti upene vaig tah natimi inlehvaig nobohtan asega, um auahas nesgan.

Lukas 12:20

Ja is ika ehelen a Atua, Ak natimi ahnag, uhpu atipagki nesgam iram an nepeig ineigki; etpu ohuun nitai iji eigki a di as asjapicnaig aiek?

Lukas 16:21

is ahvig aien nuari itai hegaig is etjo itlian nitai hag o natimi ikni itai iyehki: eris apan kuri um eluon inmacop iran.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 13:23

Is asgeig an riti Iesu natimi atahaijeg yin is ethi, is aiyu inliinmopoi Iesu vai yin.

Joanes 21:20

Is ahidai yin a Pitrus, um alum natimi atahaijeg Iesu iyehki, is aiyu inliinmopon aien vai yin, napitac yin vaig; aien aigki is asgeig an ritin aien u inhag iyehki, um lep ika, Ak Natimarid, etpu aniv euc a di?

Ilpu Hibru 1:14

Era esgai itai ara asega par aheca, eris abrai ra mika eri apan ara um auritai vai ra sji eigki erupu leh nimyiatamaig ra ara.

Ilpu Hibru 2:14

Va nitai ineig, et idim eteuc nohui ilpu hal o un, im lep inja ira ra, et idim ucco, is lep leh nohun aien; mika yi auahas natimarid an mas, Tiapolo marom, vai inmas o un;

Jakobus 1:11

Et wat aridjai nagesega um esjilid nihlup, et idim imlai nefelelecai, et lep aijis intisian, um ti neklim upene o un is elwa; et idim ucco, etpu imlai natimi ikni itai irai iji edo o un.

1 Pitrus 2:24

is lep leucse nimtan nedo has uja an nohun aien an nauincai atgeig, mika ti umumoh u nedo atoh akaija, an nemesmas uja an nedo has: “eka cehcehe aijaua va naredei yin.”

Nitai ehvaig 14:13

Kis lep atahaijeg nohran tah an nohatag ainyak, is ika ehelek, Namu aged aiek, ika, Era mun ahesmoij a ilpu atimi emesmas, era emesmas ehele Natimarid ara, um uhum pan itu: Maiya, et ika a Nesgan Upene, eri atumop ara va niji auritai ura; etpu lep apitac ra niji itai ura eris ago.