Lukas 16:17 - Intas Etipup

¹⁷ Inyi yetpan an tid iran nohatag im nobohtan, ja inyi ti yetpan an tid iran tah nuarin haklin an tas alep.

Lukas 16:17 Iomraidhean Croise

Aiseya 40:8

Et imlai nefelelicai, et eijis intisiaicai: ja etpu amen irai iji mesese intas o Atua uja.

Aiseya 51:6

Akumu anani nesganimtamia an nohatag aijaua, um aespan nobohtan sepamki: eh mun ahlaadaig nohatag et idivaig nadran cap, etpu mutit nobohtan et idivaig napelumai, etpu idim uco, erupu emesmas a ilpu atimi amen iran: ja ekpu imiatamaig atimi ainyak irai iji mesese, ekpu lep ago nedo upene ainyak um yetpan irai iji opan asega.

Madius 5:18

Et inivaijec ineig ek asaig ehelemia ainyak mika, Inyi yetpan an tid iran nohatag im nobohtan, ja inyi ti yetpan an tid iran tah nidan tintin, im lep tah nesganimtan nidan tintin an tas alep o Atua, um uhum pan naopan iyehki eri ago ehni asega.

Lukas 21:33

Etpu yetpan an tid iran nohatag im nobohtan; ja inyi ti yetpan an tid iran intas unyak.

Nupu Roma 3:31

Inta auahas intas alep akaija va nimyiisjis ninivaijec uja, ka oʼo? et idim eti ucce; inta idim ati ipjin intas alep akaija.

1 Pitrus 1:25

ja inyi amen intas o Natimarid irai iji mesese.” Intas neigki, er asuptecnaig ehelemia an tas-upene.

2 Pitrus 3:10

Ja etpu yetpam nadiat u Natimarid et idivaig natimi ehneg itai an nepeig; etpu yetpan an tid iran nohatag an nohran inyi alupas inmotjan, etpu ataigataig nohuu iji itai an cop alupas, uhpu lep atnamud nobohtan im niji auritai iran.

Nitai ehvaig 20:11

Kis lep ecetai dorona is ethi ainyak, is alupas um ahi, im lep yin is ateuc iran aien; is apohod u nobohtan im nohatag vai yin; eris eti ecetai tah anuarin ineig inyi amen iran.

Nitai ehvaig 21:1

KIS ecetai nohatag mat ainyak im nobohtan mat: is apan nohatag uhup im nobohtan uhup; is lep ti injop.

Nitai ehvaig 21:4

etpu yiri nidi nimtara asega a Atua; inyi ti lep eteuc inmas, im nehteigtaig, im intaig, inyi ti lep eteuc nohocred: et mun ti niji itai itu.