Lukas 16:15 - Intas Etipup

¹⁵ Is ika ehele ra aien, Eka idivaig ilpu atimi upene aijaua an nuhup o atimi; ja et ato inliinmopomia a Atua: et has acen nitai ineig an nuhup o Atua, era tas upene vaig atimi.

Lukas 16:15 Iomraidhean Croise

1 Iji Tas Eled 29:17

Ek lep ato ainyak, ak Atua unyak, mika na ahilek inliinmopoi atimi aiek, um imiacitak nedo atoh. Ek idim tup ahtai ainyak itai iji igki asega an liinmopok inveijec im inliinmopok upene: ek mun lep imiacitak ainyak, par almoi ilpu atimi an pece unyum iji igki igcaki nahtai vaig itai vai euc irai liimopora upene.

2 Niji Tas Eled 6:30

namu atahaijeg aiek an nohatag, an nuarin amen unyum, um jim imiehva nedo has, um aru ira atimi asega et idivaig nedo asega ura, na ato inliinmopora aiek; (na ato inliinmopoi atimi aiek ache:)

Saam 10:3

Vaig inig nikavaig, era tas emda vai inmerit u inliinmopora a ilpu atimi auatatimi, um acis yi alwai ilpu atimi has ira ra itai et amcel vai ra a Ihova.

Saam 49:13

Et tup ethi ache namen ura im nedo ahnag ura, ja era imiacitak intas ura a ilpu mapora. Sila.

Saam 49:18

Nikavaig, is wat umoh aien, is imiahpas yin aien: erupu lep imiahpas euc natimi, nau wit ago nedo upene vai euc aiek.

Saam 7:9

Ek ika ainyak, Etmu tiih nedo has o ilpu atimi auatatimi; jam ikni aktit ilpu atimi upene aiek: et idim ahilek inliinmopoi atimi im naktaktai ura a Atua inig, et atoh nedo o un.

Niji tas Arapakau 16:5

Et amcel a Ihova va atimi asega iji ig et ijinies inliinmopora ara: el era atau jipe ara, uhpu eti udei neruvaig imi ra.

Niji tas Arapakau 20:6

Era efehtas va nedo upene athiathi ura natimi et ahinag: ja natimi inig yek eda et inveijec aien?

Niji tas Arapakau 21:2

Et aktaktai tah mika et upene nedo asega o un: ja et ahilek inliinmopoi atimi a Ihova.

Jeremaia 17:10

Ek Ihova ainyak, ek ahilek inliinmopoi atimi ainyak, um ato naktaktai ura, mika ki alupai atimi asega et idivaig nedo ura, um idivaig nohwai nauritai ura, yi athi um athi ehni.

Malakai 3:15

Im lep inig, inta ika akaija era mun ahesmoij a ilpu atimi ijinies inliinmopora; er imiaridjai ra sji igki era ago nedo has ara; er idim imiatamai ra sji igki era oop Atua ara.

Madius 23:5

Era ago nedo asega ura ara mika eri alum ra natimi: era ago lecan nuari apelumai ura ara eris aged alaigaheni iran, um lep alupas intid irai apelumai ura;

Madius 6:16

U Im lep ineig, aku wit atwakam aijaua, jim imtimlai va nesganimtamia aijaua um idivai ilpu atimi efaifa: era auahas nesganimtara ara, mika eri ika atimi era atwakam ara. Et inivaijec ineig ek asaig ehelemia ainyak mika, Era mun leh nimtan imi ra ara.

Madius 6:2

Na wit ahtai niji itai tup ahtai aiek, jim ahlai intoho um uhup iram, et idivaig ilpu atimi efaifa, era ago nedo ineigki ara irai eom alaigaheni, im lep irai efalaig, mika eri imyiahpas ra natimi. Et inivaijec ineig ek asaig ehelemia ainyak mika, Era mun leh nimtan imi ra ara.

Madius 6:5

¶ Na wit alaigaheni aiek, jim idivaig ilpu atimi efaifa: era merit ara natidaivaig um alaigaheni irai eom alaigaheni, im lep irai ihtag u efalaig, mika eri alum ra natimi. Et inivaijec ineig ek asaig ehelemia ainyak mika, Era mun leh nimtan imi ra ara.

Lukas 10:29

Ja is merit aien mika eri aktaktai upene vai yin, um ika ehele Iesu, Natimi eblaamnem unyak di?

Lukas 11:39

Is ika ehelen a Natimarid, Ak ilpu Farisi, eka ago adicinadicin inyipin nipjinitai itac aijaua im lep naplet; ja et ohua inliinmopomia aijaua va niji itai eris atoraliak, im nedo has.

Lukas 18:11

Is aiji a Farisi, um echim alaigaheni, um ika, Ak Atua, ek naaurineig vai euc ainyak, ek eti idivaig tak atimi ainyak, ilpu atimi atoraliak itai, im ilpu atimi auatatimi, im ilpu atimi ago ingaijid, im lep natimi akwanaham ineigki:

Lukas 18:14

Ek asaig ehelemia ainyak mika, is apan an neom o un natimi ineigki, eris ika uhmu eti aru nedo has o un, ja eris ika uhpu aru nedo has o natimi iyehki: aien et ika aien et esjilid, etpu upoupo aien; ja aien et ika aien et upoupo, etpu esjilid aien.

Lukas 18:21

Is ika aien. Kis apos ji eigki asega ainyak an halav unyak um uhum pam naopan ineig.

Lukas 18:9

¶ Is ecsipece aien ehele atimi iji eigki eris ispara imyianiv ra nedo atoh ura ara, um amcel vai tak atimi:

Lukas 20:20

Eris imyiiris yin ara, um abraig pan atimi efaifa, mika eri aminjinai yin, jam idivaig atimi inivaijec, um tasehlek tas o un; eris ika ara eri atceijai yin ehele natimarid an pece, mika yi tas alep vai yin aien.

Lukas 20:47

era atoraliak inpadiaig o ilpu takata eris emesmas a ilpu atamnyura ara, um alaigaheni opra par adahpoi nedo ura: etpu esjilid nohocred ura.

Joanes 2:25

is eti ika aien yi pu asuptecna atimi tah ehelen; is tup ispun ato inliimopoi atimi aien.

Joanes 21:17

Is ehceseij ika ehelen aien, Ak Saimona, inhal o Jonas, et aiyu inliinmopom aiek vai nyak, ka oʼo? Is ohocred a Pitrus vai intas o un, nikavaig, is ehceseij ahodai yin aien, um ika, Et aiyu inliinmopom aiek vai nyak, ka oʼo? Is um ika ehelen aien, Ak Natimarid, na ato niji itai asega aiek; na ato aiek, nikavaig, et aiyu inliinmopok ainyak vai euc. Is um ika ehelen a Iesu, Alayi siip unyak aiek:

Niji auritai o ilpu Apostolo 1:18

Is auanimtan nuarin-nobohtan a natimi ineigki an nimtan nedo has o un; ja is par etjo aien, is ahpati nipjinetgan, um elel nauintin asega:

Niji auritai o ilpu Apostolo 1:24

Eris alaigaheni ara, um ika, Ak Natimarid, na ato inliinmopoi atimi asega aiek, namu asuptecnaig aiek natimi ineig ira rau, nai merit vai yin aiek,

Niji auritai o ilpu Apostolo 15:8

is lep tas upene ehele ra a Atua ineig et ato inliinmopoi atimi aien, um alupai ra Nesgan Upene, is idivaig is alupai caija aien;

Nupu Roma 3:20

Vanitai ineigki eri eti ika et atoh nedo o un tah an nuhup o un va nimyiaiji intas alep: er idim ato nedo has o atimi vai intas alep.

Nupu Roma 8:27

Aien et ahilek inliinmopoi atimi aien, et ato inmerit o Nesgan Upene aien, et idim ugni itai vai ilpu atimi upene aien et idivaig intas alep o Atua.

1 Nupu Korindus 4:5

Va nitai ineig akumu jim fi auroauro aijaua um ahilek tah nedo va atimi, jam aitgaig napam o Natimarid, etpu ehvaig nitai iji eigki aien er adenaig an naupat, um asuptecnaig naktaktai u inliinmopoi atimi: etpu imyiahpas atimi asega a Atua an naopan iyehki.

1 Pitrus 3:4

jam yecrei inliinmopomia er eti ecetai, an nitai incig inyi ti muttit, nikavaig, nedo erop um eigpa, et upene acen nitai ineigki an nuhup u Atua.

1 Pitrus 5:5

Etmu idim ucco, ak ilpu takuras, akumu imyiaiji intas o ilpu atimi tas alep aijaua: akumu lep upoupo jipe vai caua aijaua asega, um ahid nedo eropse imi caua: “et idim ahcadai ra a Atua et ijinies inliinmopura ara, ja et aiheuc vai ra aien et upoupo inliinmopura ara.”

Nitai ehvaig 2:23

Ekpu auahas ilpu hal o un ainyak an mas; erupu ato a nup urai ekalasia asega mika, ainyak aigki ek ahilek naktaktai u atimi ainyak im inliinmopura: ekpu lep aru iramia asega ainyak yi idivai edo unyimia.

1 Samuel 16:7

Ja is ika a Ihova ehele Samuel, Namu jim alum nesganimtan aiek, ka nijinies iran; ek eti merit vai yin ainyak: et eti almoi a Ihova et idivaig nalmoi u atimi; era almoi nesganimta atimi natimi, ja et almoi inliinmopora a Ihova.