Lukas 16:14 - Intas Etipup

¹⁴ ¶ Eris lep atahaijeg nitai iji eigki asega a ilpu Farisi, eris merit vai padiaig ara: eris imyiafakahcil yin ara.

Lukas 16:14 Iomraidhean Croise

Saam 119:51

Era mun imiafakahcil alupas nyak a ilpu atimi et ijinies inliinmopora: ja ek mun eti imipalea intas alep unyum ainyak.

Aiseya 53:3

Eris amcel vai yin natimi um udei yin; is atimi ohocred aien, is ato nemehe aien: um idivaig tah is adahpoi nesganimtan aien vai caija; eris amcel vai yin ara, ja intis eti ecen vai yin akaija.

Aiseya 56:11

Era hag alupas kuri iji ehki, et elika vai ra par ika era geije ara; im lep inig, era idim eti ato a ilpu atimi asgi siip iji ig par ago nedo arapakau: era adumoij pan ara asega irai efalaig ura, era aktaktai itai ura ara asega, athi um athi ehni.

Jeremaia 6:13

Era idim aktaktai alupas niji itai an nobohtan ara asega, ilpu atimi alupas im lep tup natimi; era lep ago nedo efaifa ara asega, ilpu profeta im ilpu atimi ahlap.

Jeremaia 8:10

Va nitai inigki ekpu alupai ilpu atimi an taka uarin ilpu ehgara ainyak, im ilpu atimi atoraliak itai niji uarin obohtan ura: vaig inig nikavaig, era aktaktai alupas niji itai an nobohtan ara asega, ilpu atimi alupas im tup atimi, era ago nedo efaifa ara asega, ilpu profeta im lep ilpu atimi ahlap.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Madius 23:13

¶ Ja aʼa, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka atapanes nelcau an nohatag va atimi aijaua: eka eti apan iran aijaua, eka lep acaiji ra aijaua era apan iran ara.

Madius 9:24

is um ika ehele ra aien, Alau ijo aijaua: et eti mas natahaig ineigki, et umjeg aien. Eris um imyilav yin ara.

Lukas 12:15

Is ika aien ehele ra, Akumu almoi aijaua, um aminjinaig caua, um jim has iramia itai: inyi ti umoh tah natimi vai padiag alupas et ohuun aien.

Lukas 20:47

era atoraliak inpadiaig o ilpu takata eris emesmas a ilpu atamnyura ara, um alaigaheni opra par adahpoi nedo ura: etpu esjilid nohocred ura.

Lukas 23:35

Eris aiji atimi um almoi. Eris imyiafakahcil yin ara, im lep ilpu atimi alupas, um ika, Is imyiatamaig tak atimi aien; el et Kristo aien natimi is ati yin a Atua, etmu imyiatamaig yin aien.

Lukas 8:53

Eris imyilav yin ara, eris ato ara, nikavaig, is mas aien.

2 Timodeus 3:2

Erupu aktaktai ra ache natimi, um has ira ra itai, um auyat, um ijinies inliinmopura, um asan tas has, um imyipalea ilpu atmil ura, um eti naaurineig vai itai, um amcel va nedo upene,

Ilpu Hibru 11:36

eris um imyiafakahcil nahaiji ra, um aredei ra, um arore ra, um ikni ra iraili eom ipjin,