Lukas 16:1 - Intas Etipup

¹ IS ika aien ehele ilpu atimi atahaijeg yin, Is eteuc naheca esjilid o natimi ikni itai is ethi; eris ika vai yin i is eduaraprap irai padiaig o un aien.

Lukas 16:1 Iomraidhean Croise

Jenesis 15:2

Is ika a Ebram, Ak Ihova Atua unyak, napualupai nyak inhe aiek? et ti tah inhal unyak, et lep aheca esjilid unyak a Eliiser nup u Tamaskus?

Jenesis 43:19

Eris apan ubutpotet ara ehele naheca esjilid an nimnim u Josef, um tas ehelen au neucse neom,

1 Iji Tas Eled 28:1

IS asjapicnaig ilpu atimi alupas asega u nup Isreel Jerusalem a Tevit, nikavaig, ilpu atimi alupas u niji ahaiji up Isreel, im ilpu atimi alupas u niji pak ira atimi eris asitu sjipe um auaraheca u natimarid ara, im ilpu atimi alupas u niji dausant (1,000) atimi, im ilpu atimi alupas u niji huntret (100) atimi, im ilpu atimi aminjinaig inpadiaig asega im niji itai eklim edo irai pece u natimarid, im lep u ilpu hal o un, im ilpu aheca esjilid, im ilpu atimi esjilid, im ilpu atimi emda asega.

Niji tas Arapakau 18:9

Aien et tup edo aien, um eti ago nauritai o un, et etwai natimi eduaraprap irai itai o un aien.

Hosia 2:8

Vaig inig nikavaig, is eti ato aien mika, kis alupai yin ainyak korn, im nide vaine, im narakei oliv, kis lep ika ainyak yi alupas silver o un im colt o un, eris ago atmasimai u Beal iran ara.

Madius 20:8

Is wat jupura, is ika a natimi ohuun nekaro vaine ehele naheca o un, Ahlaig vai ilpu atimi auritai aiek, um alupai ra nimtan, um atupun ira atimi apitac um yetpan ira atimi uhup.

Lukas 12:42

Is ika a Natimarid, Naheca inivaijec ineig um arapakau yek eda, etpu ati yin a natimi alupas o un mika yi esjilid aien irai ilpu aheca o un, par alaa ra nitai caig incara an nadiat ineig yi alaa ra?

Lukas 15:13

Is wat ti pan itac nadiat is eti elpat, is asjapicnaig niji itai asega o un a inharei, um atga o un, um apan an pece itac acen, um eduaraprap irai padiaig o un an nedo auatiahnag.

Lukas 15:30

ja is wat ham a inhal unyum ineigki, is eduaraprap irai padiaig unyum aien irai ilpu takata has, na mun atgei inhakli kurimatau upene vai yin aiek.

Lukas 16:19

¶ Is eteuc natimi ikni itai is ethi, is aso yin aien an napelumai cop im napelumai yilyil, um hag alupas um imyiacitak irai iji adiat:

Lukas 16:2

Is ahlaig vai yin aien, um ika ehelen. Nev edo ineigki unyum ek mun atahaijeg vaig ainyak? asuptecnaig nedo unyum aiek; et ehka vai euc inlep aheca unyak vaig.

Lukas 19:20

Is lep apan is ethi, um ika, Ak natimi alupas, nuari-mune unyum ap eigki, kis mun adei ainyak an napelumai um aminjinaig:

Lukas 8:3

im Joana ehgai Kusa naheca aminjinai itai o Herot, im Susana, im hal ra is ahinag, eris alupai yin niji itai ura ara.

Taitus 1:7

Eris idim ika va natimi aminjina nakalasia, er eti acaiji yin vaig tah nitai, et idivaig naheca u Atua; um eti imyiisjis itai, um eti fi auroauro um atavaitap, um eti umnyi alupas waina, um eti abli atimi, um eti merit alupas vai inpadiaig has vaig;

Jakobus 4:3

Eka ugni itai aijaua, jam eti leh, va nitai ineig, nikavaig, eka ugni has aijaua, mika aki eduoraprap aijaua irai merit has unyimia.

1 Pitrus 4:10

Et idivaig eris leh nedo aiheuc vai ra natimi, et um ucco, erumu lep ahaig jipe ira ra ara asega, et idivai ilpu aheca upene an naiheuc acheiachei jipe o Atua.