Lukas 15:7 - Intas Etipup

⁷ Ek asaig ehelemia ainyak mika, Et idim ucco, etpu alupas nimyiacitak an nohatag vaig tah natimi auatatimi et adumoij anliinmopon aien, jam tintin nimyiacitak va natimi upene et nainte nain, eris eti ika vai ra eri adumoij anliinmopura ara.

Lukas 15:7 Iomraidhean Croise

Niji tas Arapakau 30:12

Era eteuc hal atimi iji ig, era aktaktai ara mika era upene ara; ja er eti yiri ra va nedo has esjilid ura.

Madius 18:13

Et inivaijec ineig ek asaig ehelemia ainyak mika, El et ecetai aien, et esjilid nimyiacitak o un va siip iyehki, ja et tup ekliin upene inliinmopon aien va siip is nainte im nain eris eti melga.

Madius 3:8

akumu ohoai itai aijaua yi idivaig nadumoij u inliinmopomia:

Lukas 15:10

Et idim ucco, ek asaig ehelemia ainyak mika, Et eteuc nimyiacitak an nuhup o ilpu agelo o Atua vaig tah natimi auatatimi et adumoij anliinmopon aien.

Lukas 15:29

Is tas aien, um ika ehele etman. Kis aheca unyum ainyak irai mesese is ahinag, um eti imyipalea tah intas unyum irai iji adiat; ja as eti alupai nyak tah inhaklin nanin aiek, mika ki imyiacitak ehele ilpu apa unyak ainyak:

Lukas 15:32

et upene vai caija nimyiacitakvaig, um cediaig: et idivaig is mas a etoam ineigki, jam lep umoh; is tup ti aien, ja eris lep ecet yin.

Lukas 15:6

et wat apan an nimnim o un aien, et asjapicnaig ilpu etoan aien im ilpu atimi eblaamnem o un, um ika ehele ra, Ti ehrimyiacitak siip unyak akaija is melga; ek mun ecetai ainyak.

Lukas 15:8

¶ El et eteuc nuari silver et ten o un tah intakata, el et etjo nuarin el et ethi, et atni incop alahala aien, um ahre neom, um ahilek emda um uhum pan naopan ineig et ecetai aien:

Lukas 16:15

Is ika ehele ra aien, Eka idivaig ilpu atimi upene aijaua an nuhup o atimi; ja et ato inliinmopomia a Atua: et has acen nitai ineig an nuhup o Atua, era tas upene vaig atimi.

Lukas 5:32

kis eti ham ainyak par ahlaig vai ilpu atimi upene, ja vai ilpu atimi auatatimi ache, mika eri adumoij anliinmopura ara.

Nupu Roma 7:9

Is wat eti ehcohos pam intas alep itu acen, kis umoh ainyak: ja is wat chcohos pam intas alep, is lep nusjai nedo has, kis lep mas ainyak: