Lukas 15:22 - Intas Etipup

²² Is ika ehele ilpu aheca o un a etman, Akumu leh pame napelumai esjilid aijaua, um atohwai yin iran; um atise rig an nikman, um atohwai eduon a su:

Lukas 15:22 Iomraidhean Croise

Jenesis 41:42

Is atipagki nethado an nikman a Fero, um ati an nikmai Josef, um aso yin ira apelumai yilyil, um ati natau colt an nauinwan;

Ester 3:10

Is atipagki rig an nikman a natimarid, um alupai Heman inhal u Hametada, mapoi Ecac, natimi tak atimi irai up u Juta.

Ester 8:2

Is atipagki rig o un a natimarid, iyehki is atipagki irai Heman aien, um alupai Mortike. Is ati Mortike a Ester mika yi esjilid an nimnim u Heman aien.

Saam 132:16

Ekpu aso ilpu atimi ahlap iran ainyak an nitai imiatamaig ra: erupu lep acesaces nohranitai a ilpu atimi upene iran va nimiacitak ura.

Saam 132:9

Erumu aso ra a ilpu atimi ahlap unyum an nedo upene; erumu lep acesaces nohranitai a ilpu atimi upene unyum va nimiacitak ura.

Saam 18:33

Et ago neduok aien mika yi idivaig neduei haint; et lep atijai nyak aien irai uarin ijinies unyak.

Saam 45:13

Er yecrei upene asega inhalav atahig u natimarid anliin neom o un; er ijei colt ira apelumai o un.

Nohranitai U Solomon 7:1

ET eklim upene nupseduora vai santal unyum, ak inhalav atahig u natimarid! et upene neduom, um idivaig niji itai yecrei atimi, nauritai is ago a natimi amarero.

Aiseya 61:10

Ekpu imiacitak alupas Ihova ainyak, etpu cediaig inliinmopok ainyak vai Atua unyak; et mun idim aso nyak aien ira apelumai imiatamaig nyak, et mun adahpoi nyak aien ira apelumai an nedo upene, et idivaig et adgan cat esjilid o un a natimi inig et atidai aien, im lep et idivaig et yecrei yin irai itai ahnaig o un a natahig inig et atidai aien.

Lukas 15:21

Is ika ehelen a inhal o un, Ak etmak, kis mun ago nedo has ainyak va nohatag, im lep an nuhup unyum, et eti upene nanvi nidak vaig mika inhal unyum.

Lukas 15:23

im lep leh pame inhakli kurimatau upene, um atgei; ti hegaig akaija, um imyiacitak:

Nupu Roma 13:14

Ja akumu aso caua aijaua irai Iesu Kristo Natimarid, um jim aktaktai vai inmerit has u inliinmopomia itu.

Nupu Roma 3:22

nedo ineig marom, nika o Atua: et atoh nedo o atimi va nasgeig irai Iesu Kristo, imi ra asega, im lep ira ra asega era imyiisjis ninivaijec ara: era eti acheiachei jipe atimi:

Nupu Roma 8:15

Akis eti leh inliinmopoi ilpu aheca aijaua, va akupu lep imtitaig aijaua; ja akis leh inliinmopoi ilpu halav aijaua, inta ahlaig akaija iran, um ika, Abba, Ak Etmama.

Nupu Calesya 3:27

Akis aso caua aijaua asega irai Kristo, eris baptiso iramia irai Kristo.

Nupu Efesus 6:15

um arohoai eduomia an tas-upene er eigpa vaig, va akupu athut emda aijaua;

Tyuteronome 33:25

Inyi aiurn im bras su unyimia; etmu idivaig nadiat iramia nemda unyimia.

Nitai ehvaig 19:8

Eris ika ehelen yi aso yin aien ira apelumai yilyil, yi adicinadicin um ahi; nedo atoh o ilpu atimi upene napelumai yilyil.

Nitai ehvaig 2:17

Aien et eteuc intikgan aien, etmu atahaijeg aien intas iji eigki et asaig a Nesgan Upene ehele ekalasia. Aien et esjilid aien, ekpu alaan manna ainyak er adenaig, ekpu lep alupai yin inhat ahi ainyak, et amen nidan mat iran hat iyehki er aged, ja et eti ato tah natimi, aien ache et leh aien.

Nitai ehvaig 3:18

Vanitai ineigki ek ika ehelum ainyak, namu auanimtai colt ineig aiek vai nyak er ago upene an cop, va apu ikni itai aiek; im lep apelumai ahi, va apu aso euc aiek iran, va uhpu eti ecetai intup atga unyum, nitai ehcamai vaig; um lep aspi nesganimtam aiek an nitai aspi esgaiimta atimi, va apu alum itai aiek.

Nitai ehvaig 6:11

Eris alupai ra asega apelumai ahi; eris lep asaig ehele ra, mika eri atumop ipjidipjid ara, um imyihum pan an naopan iyehki, uhpu asjapicnaig ehni ilpu atimi era ehraheca ara, im lep ilpu etoara, uhpu lep atgei ra etpu tup ethi ache.

Nitai ehvaig 7:9

Is wat ti pan itac nitai iji eigki, kis almoi ainyak, um alum atimi is ahinag is ehka vaig tah nesvi ra vaig, irai iji pece asega, im niji imnim, im niji elcau, im niji tas, naijivaig an nuhup u dorona iyehki, im lep an nuhup u Lam, eris aso ra ira apelumai ahi ara, um apos eri eaig.