Lukas 15:18 - Intas Etipup

¹⁸ ekpu atidai ainyak um han ehele etmak, um ika ehelen, Ak etmak, kis mun ago nedo has ainyak va nohatag, im lep an nuhup unyum,

Lukas 15:18 Iomraidhean Croise

2 Niji Tas Eled 33:19

Eris lep aged irai tas o ilpu atimi ahuumtidec nalaigaheni o un, is atahaijeg vaig a Atua, im nedo has asega o un, im nedo imipalea o un, im niji ualin ijinies is imiitap aien, um ikni atmasimai is wud ugyit iran aien, an nopan iyehki is eti fi ago nedo upoupo aien.

Saam 25:11

Ak Ihova, namu iknipagki nedo has unyak aiek va nidam; et idim esjilid nedo has unyak.

Niji tas Arapakau 23:13

Namu jim auatialidi aiek par acaiji inhal unyum: el et aredei yin an rancai aiek, inyi eti mas aien.

Aiseya 63:16

Vaig inig nikavaig, na etmama aiek, is idim eti ato cama a Ebraham, etpu lep eti alum cama a Isreel: jai na etmama aiek ache, ak Ihova, natimi imiatamaig cama; is eteuc itu acen nidam.

Jeremaia 3:19

Ja kis ika ainyak, Ekpu ehvati euc ainyak ehele ilpu halav unyak, um alupai euc inpece esjilid, nuarin upene mika eri ahtag pam iran a nup urai iji pece? kis lep ika ainyak, Namu anvi nidak aiek par ika Etmak, um eti lep adumoij pan vai nyak.

Jeremaia 31:20

Et ika a Ihova, Et idim halav cap unyak a Ifreem; et halav atimi unyak aien; ek mun imiehva upene yin ainyak ahes an nopan iyehki kis tas ehelen ainyak um imihum pam an nopan inig: va nitai inigki ek aiheuc vai yin ainyak; ekpu idim eti eriss iran ainyak.

Niji tas taigtai 3:29

Erumu atise nipjineucsera an nobohtan ara; kit erupu leh nitai inig era aitgaig ara.

Niji tas taigtai 3:40

Intumu ahilek nedo uja akaija um almaijidjid, um adumoij pam ehele Ihova.

Taniel 4:26

Eris asaig mika eri udei nohun neucvan cai; et um uco, etpu amen ipjin vai euc nelcau unyum, nau wit ato aiek mika et atimarid Aien et amen an nohatag aien.

Jona 2:4

Kis um ika ainyak, Eris ethaigse nyak va an jim alum nyak aiek; ja ekpu lep almoi neom ahlap upene unyum ainyak.

Jona 3:9

Kit etpu ahidaig pam yin a Atua, um adumoij an liinmopon, um atipagki intavaitap esjilid o un, vai ti jim emesmas akaija.

Madius 3:6

is baptiso ira ra aien an wai Jortan, eris asuptecnaig nedo has ura ara.

Madius 6:14

El eka eti aru tah nedo has o atimi vai caua aijaua, inyi ti aru tah nedo has unyimia a Etmamia an nohatag:

Madius 6:9

Etmu ucce nalaigaheni unyimia aijaua: Ak Etmama an nohatag, Etmu itaup nidam.

Madius 7:11

El eka ato aijaua, ak ilpu atimi auatatimi, par alupai ilpu hal unyimia niji itai tup ahtai upene, et esjilid a Etmamia an nohatag par alupai ilpu atimi ugni yin niji itai upene.

Lukas 11:2

Is ika ehele ra aien, Aku wit alaigaheni aijaua, um ika, Ak Etmama an nohatag, Etmu itaup nidam. Etmu yetpam nelcau unyum. Uhmu imyiaiji intas unyum an nobohtan, et idivaig an nohatag.

Lukas 15:17

Is wat eteuc lelen aien, is ika aien, Era amen ehele etmak a ilpu aheca o un va nimtan et ahinag, um hag, jam eti etahni; ja ek mas ainyak va numlaig:

Lukas 15:19

et eti upene nanvi nidak vaig mika inhal unyum: namu ika aiek ki idivaig tah naheca unyum va nimtan ainyak.

Lukas 15:21

Is ika ehelen a inhal o un, Ak etmak, kis mun ago nedo has ainyak va nohatag, im lep an nuhup unyum, et eti upene nanvi nidak vaig mika inhal unyum.

Lukas 18:13

Is aiji itac acen a natimi akwanaham, is pam eti easji pan an nohatag aien: is ahpoi inritin aien, um ika, Ak Atua, aiheuc vai nyak aiek, ek atimi auatatimi ainyak.