Lukas 15:17 - Intas Etipup

¹⁷ Is wat eteuc lelen aien, is ika aien, Era amen ehele etmak a ilpu aheca o un va nimtan et ahinag, um hag, jam eti etahni; ja ek mas ainyak va numlaig:

Lukas 15:17 Iomraidhean Croise

Saam 119:59

Ek mun aktaktai nedo unyak ainyak, ja par ahidaig pam nyak u intas alep unyum.

Saam 73:20

Et idivaig et wat aiji lahlah tah va numjeg ahnag o un; et idim uco, ak Natimarid, nau wit aiji aiek, napu amcel vai nalmura aiek.

Natimi Efehtas 9:3

Nitai has nigki irai iji itai asega er ago ithan nagesega, mika et tup ethi ache nitai inig et yetpam irai atimi asega: maiya, et lep ohua nedo has au liinmopoi ilpu hal u atimi; et amen nedo ahnag an liinmopora an numumoh ura; ja era par apitac ara, um apan ehele ilpu atimi emesmas.

Jeremaia 31:19

Is wat, imiadumoij pam nyak aien, kis adumoij an liinmopok ainyak; is wat acaiji nyak aien, kis ahpu neduok ainyak: kis ehcamai ainyak, maiya, is imtimlai nesganimtak ainyak, vaig inig nikavaig, kis apos nitai ehcamai vaig u intakuras unyak ainyak.

Niji tas taigtai 1:7

Eris imiehva a nup u Jerusalem an nopan ohocred ura im lep an nopan ehtigtaig ura niji itai upene asega ura is eteuc ehele ra an nopan iyehki, eris wat esjilid irai ilpu atimi ura a ilpu atimi tak atimi ira ra, is lep eti eteuc tah par atau imi ra: eris ecet ra a ilpu atimi edemda va ra, um imilaav namen has ura.

Esikiel 18:28

Vaig inig nikavaig, el et aktaktai aieu, um adumoij au nedo imipalea asega o un et mun ago aien, etpu idim umoh aieu, inyi eti mas aien.

Hosia 2:7

Etpu apitac ira ra aien era merit vai yin ara, ja inyi eti uhum pan ra aien; etpu ahilek ra aien, jam eti ecet ra: ja etpu ika aien, Ki apan ainyak ehele natamnyu unyak kis upyi hup ainyak um amen ehelen; is upene namen unyak an nopan iyehki, ja et has namen unyak an nopan inig.

Lukas 15:16

Is merit aien inhegaigvaig narasitai iji eig eris hegaig picad: eris eti alaan itai tah natimi.

Lukas 16:23

is erekinman iran aien an pece has, is easji pan aien, um ecet Ebraham itac acen, im lep Lasarus an ritin.

Lukas 8:35

Eris apan natimi mika eri almoi nedo ineigki; eris apan ehele Iesu ara, um ecet natimi; iyehki eris atceijai yin a ilpu agelo has, is ateuc aien u neduei Iesu, is amen iran napelumai, is mun eteuc lelen aien: eris um imtitaig ara.

Niji auritai o ilpu Apostolo 12:11

Is wat eteuc lele Pitrus, is ika aien, Ek idim ato ainyak, nikavaig, et mun abrai nagelo o un a Natimarid mika yi imyiatamaig nyak va nikmai Herot, im lep inmerit asega o nupu Jutaia.

Niji auritai o ilpu Apostolo 2:37

¶ Eris wat atahaijeg ara, is ohocred inliinmopura ara, eris ika ehele Pitrus im ilpu apostolo asega ara, Ak ilpu etoama, ecri ago inhe aijama?

Nupu Efesus 5:14

Va nitai ineigki et ika aien, Namu aiji lahlah aiek, tak umjeg, jam nusjai vai inmas unyum, etpu imyilah euc a Kristo.