Lukas 15:15 - Intas Etipup

¹⁵ Is apan aien um amen ehele natimi is ethi an pece iyehki; is abrai yin aien mika yi apan uman um alayi picad.

Lukas 15:15 Iomraidhean Croise

2 Niji Tas Eled 28:22

Is lep esjilid nedo has o un vai Ihova an nopan ohocred o un: Ehas natimarid nigki.

Eksotus 10:3

Erus apan ehele Fero a Moses im Eron, um ika ehelen, Et ika a Ihova Atua u nup u Hibru, Etpu tiih nedo ijinies unyum an nuhup unyak an nahopan? namu atcijaig ilpu atimi unyak aiek mika eri aheca unyak ara.

Aiseya 1:5

Et eteuc inuarin inig iramia eda par aketo um aredei caua iran, mika akupu lep aketo aijaua, um imiapalea intas o un et emehe nidjinimia asega, et lep auatialidi inliinmopomia asega.

Aiseya 57:17

Ek edemda ainyak va nedo has o un, inmerit has o un marom, ekpu lep auud yin ainyak, ekpu adenaig nyak ainyak, ekpu lep edemda ainyak; vaig inig nikavaig, is imiisjis aien um idumdumoij pam u nedo o inliinmopon.

Jeremaia 5:3

Ak Ihova, na mun idim ati nesganimtam aiek irai ra sji igki era ago nedo inveijec ara; na mun aredei ra aiek, ja era mun eti taigtaig ara; na mun auahas ra aiek, ja era ika ara eri eti leh nesege unyum ara: era mun ago ipjin nesganimtara ara um esjilid an nij; era ika ara eri eti adumoij pam ara.

Esikiel 16:52

Namu apos nehcamai unyum aiek aigki, na mun ika aiek is idivaig nedo atoh nedo o ohwat etwam, va nedo has unyum iji ehki na mun ago aiek is esjilid irai nedo has urau: is has tintin nedo urau um eti idivaig nedo unyum: namu lep imtitaig aiek um ehcamai, vaig inig nikavaig, na mun ika aiek is idivaig nedo atoh nedo o ohwat etwam.

Esikiel 16:63

mika an imiehva aiek, um imtitaig, um eti lep tas, va nehcamai unyum, eku wit eti aru iram ainyak va niji edo asega as ago aiek; et um uce intas o Natimarid Ihova.

Nehum 3:6

Ekpu ethaigjai iram niji itai has ainyak, um ika eri amcel vai euc, ekpu ika ainyak an aiji aiek mika eri alum euc natimi.

Malakai 2:9

Ek mun lep ika ainyak eri amcel vai caua um imilaav caua natimi asega, vaig inig nikavaig, akis eti aminjinaig niji edo unyak aijaua, jam ago nedo acheiachei va atimi an nasuptecnaig intas alep unyimia.

Madius 7:6

¶ Jim alayi kuri nitai caig itaup, um jim ati perl unyimia an nuhup u picad, va eri jim atga iran picad, ka ahidai ra kuri, um aces caua.

Lukas 15:13

Is wat ti pan itac nadiat is eti elpat, is asjapicnaig niji itai asega o un a inharei, um atga o un, um apan an pece itac acen, um eduaraprap irai padiaig o un an nedo auatiahnag.

Lukas 15:14

Is wat eduaraprap ehni iran aien, is um eteuc numlaig has esjilid an pece iyehki; is um ihki natimi aien.

Lukas 15:16

Is merit aien inhegaigvaig narasitai iji eig eris hegaig picad: eris eti alaan itai tah natimi.

Nupu Roma 6:22

Er ahiyi caua u nedo has, eka lep aheca o Atua aijaua an naopan ineig, um leh nohoai itai ineig va uhpu upene, ja par leh nimtan, nitai umoh iran ineig inyi ti lep ti.

Taitus 3:3

Intis idim ahnag akaija itu acen, um imyipalea, um imyiisjis nahcil, um aheca u inmerit has u inliinmopja im niji itai imyiacitak acheiachei jipe, um ago nedo edemda im nedo auatitai, um acen inliinmopoi atimi vai caija, um amcel jipe vai caija.