Lukas 15:13 - Intas Etipup

¹³ Is wat ti pan itac nadiat is eti elpat, is asjapicnaig niji itai asega o un a inharei, um atga o un, um apan an pece itac acen, um eduaraprap irai padiaig o un an nedo auatiahnag.

Lukas 15:13 Iomraidhean Croise

Saam 73:27

Vaig inig nikavaig, erupu emesmas a ilpu atimi amen itac acen vai euc: na mun auahas ra sji igki asega aiek era udei euc ara um ago nedo apat.

Niji tas Arapakau 18:9

Aien et tup edo aien, um eti ago nauritai o un, et etwai natimi eduaraprap irai itai o un aien.

Niji tas Arapakau 21:17

Aien et merit nedo imiacitak aien, etpu ihkin natimi aien: aien et ahvig kava aien im nitai adipiaig nitai caig o un, inyi eti ikni itai aien.

Niji tas Arapakau 21:20

Et ikni nitai caig adale im nitai adipiaig an nimnim o un a natimi arapakau; ja et eduaraprap irai itai iji igki a natimi ahnag.

Niji tas Arapakau 27:8

Et taig inman et wat melga an nasiom o un; et idim uco va natimi inig et melga an nimnim o un aien.

Niji tas Arapakau 28:7

Aien et imiaiji intas alep u Atua aien, et atimi arapakau aien: ja aien et ehredo ehele ilpu atimi eduaraprap irai itai aien, et auoh ehcamai etman aien.

Niji tas Arapakau 29:3

Aien et merit vai narapakau aien, et imiacitak yin a etman: ja aien et alaa ilpu takata has nitai caig aien, etpu auahas naga u etman aien.

Niji tas Arapakau 6:26

Etpu ihkin natimi a natimi inig et apitac intakata has aien: etpu auahas nitai umoh iran a intakata ago ingeijid.

Aiseya 1:4

Kaiheuc vai caua, ak ilpu atimi auatatimi, et ehtipidai caua nedo has unyimia; eka ilpu hal u ilpu atimi imipalea aijaua, et eheshas nedo unyimia: era mun udei Ihova ara; era mun auahas inliinmopoi Atua Upene u nup Isreel ara; era mun adumoij pan itac ara.

Aiseya 22:13

ja almoi! eris imiacitak ara um cediaig, eris auud kurimatau ara, um atgei siip, eris hegaig nohu itai ara, um umnyi waina eris ika ara, Ti hag akaija um umwig; intupu emesmas akaija imraig.

Aiseya 30:11

akumu udei nedo inigki aijaua, um jim atga an nefalaig inigki, akumu ika aijaua inyi eti amen an nuhup unyima a Atua Upene u nup Isreel.

Aiseya 56:12

Era ika ara, Akumu apam aijaua, ekpu imiapam waina ainyak, intupu umnyi kava emda akaija um ahnag vaig; etpu idivaig itai inpig niji itai imraig, jam alupas um ahinag acen.

Jeremaia 2:13

Era mun ago nedo has et ero a ilpu atimi unyak; era mun udei nyak ara nimtanwai et ahlau ohua sjai inwai umumoh iran, eris lep ucji ehpaiitai vai ra ara, nehpaiitai ameled marom et elel inwai iran.

Jeremaia 2:31

Ak ilpu atimi an nopan inig, akumu aktaktai intas o Ihova aijaua. Ek mun idim eti idivaig namasacen ainyak vai nup Isreel, um eti idivaig inpece u napat; eris idim ika a ilpu atimi unyak van he, Ecra ilpu atimi alupas aijama, ecrupu eti lep adumoij pam ehelum aijama?

Jeremaia 2:5

et ika a Ihova. Neveh nedo maumau inig eris ecetai irak a ilpu retpomia, mika eris apan itac acen vai nyak ara, is um takitai nedo ura, eris lep ahnag ara?

Maika 6:3

Ak ilpu atimi unyak, kis ago inhe vai caua ainyak? kis auoh ohocred caua an he ainyak? akumu asuptecnaig va nedo unyak aijaua.

Lukas 15:12

Is ika a inharei ehele etman, Ak etmak, alupai nyak nahaiji padiaig unyum aiek yi imtak. Is atiakoai ira rau inpadiaig o un aien.

Lukas 15:14

Is wat eduaraprap ehni iran aien, is um eteuc numlaig has esjilid an pece iyehki; is um ihki natimi aien.

Lukas 15:30

ja is wat ham a inhal unyum ineigki, is eduaraprap irai padiaig unyum aien irai ilpu takata has, na mun atgei inhakli kurimatau upene vai yin aiek.

Lukas 16:1

IS ika aien ehele ilpu atimi atahaijeg yin, Is eteuc naheca esjilid o natimi ikni itai is ethi; eris ika vai yin i is eduaraprap irai padiaig o un aien.

Lukas 16:19

¶ Is eteuc natimi ikni itai is ethi, is aso yin aien an napelumai cop im napelumai yilyil, um hag alupas um imyiacitak irai iji adiat:

Nupu Efesus 2:13

akis amen itac acen aijaua an naopan iyehki, ja eka amen ubutpotet aijaua an naopan ineig va namen ehele Iesu Kristo, vai inja iran.

Nupu Efesus 2:17

is lep ham aien um asuptecnaig neigpa ehelemia akis amen itac acen aijaua, im lep ehele ra eris amen ubutpotet ara.

2 Pitrus 2:13

erupu leh nimtan nedo has ura ara, et idivai ra era aktaktai ara, um ika, et upene nimyiacitakvaig an nadiat et ethi. Era itai emeig ara, um itai has, um imyiacitak va nedo efaifa ura, an hag ura ehelemia;