Lukas 14:7 - Intas Etipup

⁷ ¶ Is ecsipece aien ehele ilpu atimi eris imyiacaij ra, is wat almoi nedo ura aien nahilekvaig itai ateuc esjilid imi ra; um ika ehele ra,

Lukas 14:7 Iomraidhean Croise

Niji tas Arapakau 25:7

et upene nigki par ika ehelum, Namu aridjipam aiek; jam has nigki, par imiasuol euc an nuhup u natimarid inigki as mun alum yin aiek.

Niji tas Arapakau 8:1

ET idim ahlaig a narapakau; er idim ahgei nohrai namarero:

Esikiel 17:2

Ak inhal u natimi, namu anvateri aiek, um asan tas ecsipece ehele nup Isreel;

Madius 13:34

Is ecsipece irai itai iji eigki asega a Iesu ehele atimi is ahinag; is tas ehele ra aien irai tas ecsipece ache:

Madius 23:6

era merit ara vai uarin esjilid u inhag o atimi, im lep itai ateuc esjilid irai eom alaigaheni,

Lukas 11:43

Aʼa, auwe vai caua, ak ilpu Farisi! eka merit aijaua vai itai ateuc esjilid irai eom alaigaheni, im naiheuc vai caua vaig atimi irai tiptag.

Lukas 20:46

Akumu aminjinai caua aijaua vai ilpu atimi esege, era merit ara naso ra vaig irai apelumai opra, um era lep merit ara mika eri aiheuc vai ra atimi irai uarin asjapicnaig atimi iran, era lep merit ara va niji itai ateuc esjilid irai eom alaigaheni, im ep niji uarin esjilid u inhag o atimi;

Nupu Filipai 2:3

Uhmu jim ago tah nitai an nimyiisjis itai, ka va nimyiahpas u atimi; ja etmu upoupo inliinmopomia aijaua, um aktaktai mika era esjilid iramia intak atimi.

3 Joanes 1:9

Kis aged intas imi nup an nakalasia ainyak: ja et eti atahaijeg cama a Taiotrifes, aien aigki et merit aien, mika yi esjilid ira ra.

Ilpu Atimi Tas Alep 14:12

Is ika ehele ra a Samson, Ekpu asaig tah intas ecsipece ehelemia ainyak an nopan inig: el eka arapakau aijaua, um ato, um asuptecnaig nesgantas iran, ira adiat et seven u nasjapicnaig uja, ekpu alupai caua ainyak sirt inyi dirte im napelumai inyi dirte: