Lukas 14:23 - Intas Etipup

²³ Is ika a natimi alupas ehele naheca o un, Apan aiek irai efalaig itac, im lep lelitai, um leucse atimi, um imyiapam ra, mika yi ohua neom unyak:

Lukas 14:23 Iomraidhean Croise

Saam 110:3

Erupu ispara ikni ra a ilpu atimi unyum an nadiat u nemda unyum, irai iji itai yecrei ra itap: erupu idivaig nopoigmul et eteuc an nuhialeg a ilpu hal unyum.

Saam 98:3

Et mun imiehva naiheuc o un aien im intas inveijec o un vai nup Isreel: eris almoi nitai imiatamaig ilpu atimi u Atua uja a nup uran nobohtan asega.

Aiseya 11:10

An nopan iyehki etpu itai ahlaig vai nup urai iji pece a Neucvai Jese eris imiatidai; erupu ahilek yin a nup urai iji pece: etpu esjilid muarin amen o un.

Aiseya 27:13

Im lep inig, an nopan iyehki uhpu ahlai intoho alupas, erupu lep ahtag pam ara eris ilpu ihki atimi ara an pece Asiria, im lep ra eris ilpu ohna ara an pece Ijipt, um atpuse an nuhup u Ihova an nedoon itap Jerusalem.

Malakai 1:11

Erupu idim imiahpas nidak a nup urai iji pece, ahes an ridjai o un um yetpan an nete o un; uhpu ahlap irai itai auanipin upene par atnamud va nidak irai iji pece asega, im lep niji itai ahlap upene: et ika a Ihova esjilid acen, Erupu idim imiahpas nidak a nup urai iji pece.

Madius 21:43

Va nedo ineigki ek asaig ehelemia ainyak mika, Uhpu atipagki nelcau o Atua ehelemia, um alupai nup urai taka pece ineig erupu ohoai itai iran ara.

Madius 5:41

El et ika ehelum tah, an ahced yin aiek um apan a mail et ethi, anum ahced yin aiek um apan a mail et ero.

Lukas 14:22

Is ika a naheca iyehki, Ak natimi alupas, ek mun ago nitai iyehki ainyak as asaig aiek, ja et eti ohua neom.

Lukas 14:24

ek asaig ehelemia ainyak mika, Inyi ti ecispan nitai caig unyak tan irai ra sji ehki eris imyiacaij ra.

Lukas 24:29

Ja erus acaiji yin arau, um ika, Amen aiek ehelemrau; et ubutpotet u nepeig; injupura mun eigki. Is apan aien um amen ehele rau.

Niji auritai o ilpu Apostolo 16:15

Is wat leh nabaptiso iran aien, im lep ra an nimnim o un, is imyiacaij cama aien, um ika, El eka aktaktai aijaua, nikavaig, ek inivaijec vai Natimarid ainyak, apam aijaua um amen an neom unyak. Is imyiacaij emda cama aien.

Niji auritai o ilpu Apostolo 18:6

Eris wat edwodwai intas o un ara, um asan tas has esjilid, is uc-jucjaig napelumai iran aien, um ika ehele ra, Etmu amen iramia inja iramia; ek adicinadicin ainyak: ekpu ahidaig pan nyak ainyak ehele nup urai taka pece.

Niji auritai o ilpu Apostolo 28:28

va nitai ineigki akumu ato aijaua, nikavaig, er alupai nup urai iji taka pece nitai imyiatamaig atimi ineig et ahes ehele Atua; erupu idim atahaijeg ara.

Niji auritai o ilpu Apostolo 9:15

Is um ika ehelen a Natimarid, Namu apan aiek: et ipjinitai ehtaig unyak aien, mika yi asuptecnaig nidak aien an nuhup o ilpu atimi aupat, im ilpu atimarid, im nupu Isreel:

Nupu Roma 10:18

Ja ek ika ainyak, Eris atahaijeg ara, ka oʼo? Maiya, “is idim apaahni nohrara irai iji pece asega, im lep intas ura an tid an nobohtan.”

2 Nupu Korindus 5:11

EK ato nimtitai Natimarid ainyak, va nitai ineigki ek ated atimi ainyak; ja et ato nyak a Atua; im lep ineig, ek ika ainyak eka lep ato nyak aijaua anliinmopomia.

2 Nupu Korindus 5:20

Ecra idim ilpu aheca u Kristo aijama, et idivaig et ugni caua a Atua irama: ecra isjipicmoig Kristo aijama, um ugni caua mika yi eropse inliinmopomia aijaua vai Atua.

2 Nupu Korindus 6:1

IM lep ineig, ek ated caua ainyak, natimi ehrauritai ehelen, mika aki jim leh has naiheuc o Atua aijaua;

Nupu Kolose 1:23

el eka amen aijaua an nimyiisjis ninivaijec, um emda o un, um apol iran, um eti adumoij an tas-upene ineig eka aitgaig aijaua, akis atahaijeg vaig aijaua, eris lep asuptecnaig ehele atimi asega itlian nohatag; ek lep aheca uarin ainyak Paulo;

Nupu Kolose 1:28

ecra asuptecnai yin aijama, um ated atimi asega, um esege imi atimi asega an narapakau asega; mika ecri ikni atimi asega aijama eri upene asega vai Iesu Kristo:

2 Timodeus 4:2

mika an asuptecnaig intas aiek; namu emda aiek an naopan ineig et upene, im lep an naopan ineig et eti upene; namu tas aiek ehele atimi, um acaiji ra, um ated ra, anliinmopom eropse im nesege asega unyum.