Lukas 14:21 - Intas Etipup

²¹ Is apan a naheca iyehki um asuptecnaig nitai iji eigki ehele natimi alupas o un. Is edemda a natimi alupas iyehki, um ika ehele naheca o un, Auroauro aiek um apan irai efalaig esjilid im lep imteri efalaig an nuarin-pece, um imyiapam igcaki ilpu ihki atimi, im ilpu atimi amot neduora, im ilpu atimi: asvahtec neduora, im ilpu atimi aupat nesgaimtara.

Lukas 14:21 Iomraidhean Croise

Saam 2:12

Akumu aijumnyi Inhal o un aijaua, vai yi jim edemda aien; im lep inig, akupu emesmas aijaua an nefalaig has unyimia; etpu idim auroauro um ere intavaitap o un. Era mun ahesmoij ara asega era asgeig iran ara.

Saam 38:7

Et idim esjilid acen nihlup an nipjinetgak: et eti lep cehcehe tah inuarin nohuk.

Aiseya 33:23

Et esjiliek niji jaula unyimia, um eti asjiraig atoh inceen nepan, um eti elgelgei nepan: ja eris par ahaig inpadiaig alupas; era lucsei naga a ilpu atimi asvahteuc neduora.

Aiseya 35:6

Erupu eliliaujai a ilpu atimi asvahteuc neduora et idivaig hart, erupu ahlaig ijinies vai incediaig ura a ilpu atimi pop: et mun idim ahlau ohua jai niji wai an namasacen, im niji wai yah an tupauun.

Jeremaia 5:1

AKUMU athut jipe aijaua irai iji efalaig Jerusalem, um aespan, um ato, um ahilek irai iji uarin lah; kit aki ecet tah natimi aijaua, kit et eteuc tah natimi et ago nedo atoh aien, ka tah natimi et ahilek intas inveijec aien; ekpu atapnes neruvaig an maliyum ainyak.

Sekaraia 11:11

Eris idim asvi niseuc iyehki an nadiat iyehki: eris ato upene ara, inpak irai siip marom eris ohocred ara, jam atahaijeg intas unyak, mika is asan tas iyehki a Ihova.

Sekaraia 11:7

Kis asgi ainyak inpak irai siip uhpu atgei ra, inpak irai siip marom is ohocred alupas. Kis leh imi nyak niseuc is ero ainyak; kis anvi nidan is ethi ainyak par ika Naiheuc, jam anvi nidan is eche par ika Niji wau; kis asgi inpak nai siip ainyak.

Madius 11:28

¶ Akumu ahtag pam ehelek aijaua asega, eka auritai aijaua, et lep opouc nitai ahelwei unyimia, ekpu alupai caua nitai atumop iran ainyak.

Madius 11:5

Et lah nesganimtai ilpu atimi …pat nesganimtara, um atga a ilpu …timi asvahteuc neduora, um adicinadicin a ilpu atimi aleprose, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Madius 15:12

Eris apan ehelen a ilpu atimi atahaijeg yin, um ika, Na mun ato aiek, ka oʼo, nikavaig, eris wat atahaijeg intas iyehki a ilpu Farisi, eris edemda ara?

Madius 18:31

Eris wat almoi nedo ineigki a ilpu etoan aheca, eris imyitaig yin ara, um apan, um asuptecnaig ehele natimi alupas ura nedo asega ineigki.

Madius 20:7

Eris ika ehelen ara, Et mun eti asuptecnaig nauritai imi cama tah. Is ika ehele ra aien, Akumu apan aijaua anliin nekaro vaine unyak; akupu leh nimtan upene imi caua aijaua.

Lukas 14:13

na wit auanetha alupas aiek, imyiacaij ilpu ihki atimi, im ilpu atimi amot neduora, im ilpu atimi asvahtec neduora, im ilpu atimi aupat nesgaimtara:

Lukas 14:20

Is lep ika is ethi, Ek mun leh ehgak ainyak; et ehka vai nyak napanvaig.

Lukas 14:22

Is ika a naheca iyehki, Ak natimi alupas, ek mun ago nitai iyehki ainyak as asaig aiek, ja et eti ohua neom.

Lukas 14:24

ek asaig ehelemia ainyak mika, Inyi ti ecispan nitai caig unyak tan irai ra sji ehki eris imyiacaij ra.

Lukas 24:47

mika eri atupun Jerusalem ara um asuptecnaig ehele nup urai iji pece asega, eri adumoij anliinmopura ara um leh nitai iknipagki nedo has ura an nidan.

Lukas 9:10

¶ Eris wat adumoij pan ehelen a ilpu apostolo, eris asuptecnaig ehelen ara niji itai asega iji eigki eris ago ara. Is imyiacaij ra aien, eris apan ara an namasacen is ethi an nuarin-pece is ethi, nidan Bedseta, jam ateri.

Joanes 9:39

Is um ika a Iesu, Kis ham an nohohtan ainyak par aru jipe nedo o atimi, mika eri alum itai a ilpu atimi aupat nesganimtara; im lep mika yi aupat nesganimtai ilpu atimi alum itai.

Ilpu Hibru 13:17

Akumu imyiaiji intas ura aijaua era aminjinai caua ara, um jim imyiisjis itai: era aminjina nesgamia ara, et idivai ilpu atimi uhpu ahodai ra vaig, mika eri ago nedo ineigki ara, um imyiacitak, um eti ohocred; inyi idim ti upene vai caua nitai ineig.

Ilpu Hibru 2:3

intupu aha akaija um han id, ele ta eti aktaktai nitai imyiatamaig caija esjilid akaija, is upyi hup a Natimarid um tas vaig, ja eris par apitac ara sji ehki um asuptecnaig upene eheleija, eris atahaijeg yin ara;

Jakobus 2:5

Akumu atahaijeg aijaua, ak ilpu etoak upene, is idim ehtai ilpu ihki atimi iji eigki an nobohtan ineigki a Atua, era esjilid ara an nimyiisjis ninivaijec ura, um lep ohuun nelcau ineig is upyi asaig aien ehele ra et aiyu inliinmopura ara vai yin.

Nitai ehvaig 19:15

Et ahes an nipjineucsen nauitoga arig, mika yi auud nup urai iji pece iran aien; “etpu atimarid ira ra aien an mopul hat o un:” et echim atga aien an nuarin ahtaijiraig vaine iran an nedemda im intavaitap u Atua emda acen.

Nitai ehvaig 22:17

Et ika a Nesgan Upene, im lep natahaig ineig et leh natumyu un aien, Namu ham aiek. Etmu lep ika aien et atahaijeg aien, Namu ham aiek. Etmu ham aien et ahvig wai aien. Etmu lep tup umnyi inwai umoh vaig aien et merit vaig aien.

1 Samuel 2:8

Et imiaridjai ilpu ihki atimi an mah aien, um alcacsei ilpu atimi era amen an niji ira ohok, mika yi ikni jai ra aien ehele ilpu atimi alupas, mika eri ateuc ara irai dorona esjilid: et idim u Ihova niji oboatau an nobohtan, is atijai nobohtan iran aien.

1 Samuel 25:12

Eris lep ahidai ra a ilpu takuras u Tevit, um adumoij, um apan, um asuptecnaig ehelen intas iji ehki asega.