Lukas 14:13 - Intas Etipup

¹³ na wit auanetha alupas aiek, imyiacaij ilpu ihki atimi, im ilpu atimi amot neduora, im ilpu atimi asvahtec neduora, im ilpu atimi aupat nesgaimtara:

Lukas 14:13 Iomraidhean Croise

2 Samuel 6:19

Is ahaig imi atimi asega a Tevit, nup Isreel marom, eris asjapicnaig, ilpu atamaig im ilpu takata, nareto is ethi, im nuari kurimatau alupas is ethi, im nalauwo is ethi, athi um athi ehni. Ja eris par terimterim natimi um apan ara irai imnim ura asega, athi um athi ehni.

2 Niji Tas Eled 30:24

Is ahtai kurimatau atamaig is wun dausant (1,000) im siip is seven dausant (7,000) a Hesekaia natimarid an pece Juta imi ilpu atimi asjapicnaig: eris lep ahtai kurimatau atamaig is wun dausant (1,000) im siip is ten dausant, (10,000) a ilpu atimi alupas imi ilpu atimi asjapicnaig: eris lep ago upene ra a ilpu atimi ahlap is ahinag.

Nihemaia 8:10

Is ika ehele ra aien, Apan aijaua, um hag niji itai upene, um umnyi niji itai aiyu, um ahtai nahaijin imi ra eris eti imiyecrei itai vai ra: et itap nadiat inigki vai Natimarid uja: jim ohocred aijaua; imiacitak Ihova va akupu emda aijaua.

Nihemaia 8:12

Eris atga ura natimi asega, um apan, um hag, um umwig, um ahtai nahaijin imi atimi, um imiacitak alupas, va nitai inigki, nikavaig, eris ato intas ara eris asaig ehele ra.

Nitaasviitai u Job 29:13

Is yetpam irak intas naaurinig o un is ubutpotet u unmas o un aien; kis ika ainyak va nedo unyak yi imiacitak inliinmopoi intakata inig is mas natamnyu un.

Niji tas Arapakau 14:31

Aien et ago nedo ipjin aien vai ilpu ihki atimi, et asan tas has aien vai Atua inig is ago yin aien: ja aien et aiheuc vai ilpu ihki atimi aien, et ecen vai Atua aien.

Niji tas Arapakau 22:9

Aien et aiheuc va atimi aien, etpu idim ahesmoij aien; vaig inig nikavaig, et alaa ilpu ihki atimi nitai caig o un aien.

Aiseya 58:10

el et aiheuc vai ilpu atimi ehtele ra aiek, um ika eri geije a ilpu atimi ohocred; etpu aridjai inlah unyum an napat, etpu lep asjapigmoig inmehcim unyum nadiatadiat:

Aiseya 58:7

Im lep inig, mika an alaa ilpu atimi ehtele ra nitai caig aiek, um imiapam an nimnim unyum ilpu ihki atimi iji ig era amen ehcid ara; nau wit ecet tah natimi tup atga aiek, napu lep aso yin ira apelumai aiek; napu lep eti adenaig euc aiek vai ilpu atimi ehpan iram.

Madius 15:30

Eris ahtag pan ehelen natimi is ahinag, um apos ilpu atimi asvahteuc neduora, im ilpu atimi aupat nesgaimtara, im ilpu atimi pop, im ilpu atimi ighin, im hal ra is ahinag, um ikni ra u eduei Iesu; is ago cehcehe ra aien.

Madius 22:10

Eris apan a ilpu aheca iji ehki irai efalaig, um asjapicnaig atimi asega eris alum ra ara, ilpu atimi auatatimi im ilpu atimi upene: eris asjapicnaig u inhag an natmehgan ilpu alaig o un is ahinag.

Lukas 11:41

Akumu aiheuc vai ilpu ihki atimi aijaua, um alupai ra itai unyimia; va etpu adicinadicin niji itai asega imi caua.

Lukas 14:12

¶ Is lep tas aien ehele natimi ineig is imyiacaij yin, um ika, Na wit auanetha alupas aiek ka inhag alupas, jim imyiacaij ilpu apa unyum aiek, ka ilpu etoam, im ilpu atimi ehpan iram, im ilpu atimi ikni itai eblaamnem unyum; kit erupu lep imyiacaij euc ara, um aru nedo unyum:

Lukas 14:14

namu ahesmoij aiek; et elika vai ra naruvaig nedo unyum: ja napu leh neruvaig imi euc aiek an naopan iyehki eru wit anusjai a ilpu atimi upene.

Lukas 14:21

Is apan a naheca iyehki um asuptecnaig nitai iji eigki ehele natimi alupas o un. Is edemda a natimi alupas iyehki, um ika ehele naheca o un, Auroauro aiek um apan irai efalaig esjilid im lep imteri efalaig an nuarin-pece, um imyiapam igcaki ilpu ihki atimi, im ilpu atimi amot neduora, im ilpu atimi: asvahtec neduora, im ilpu atimi aupat nesgaimtara.

Niji auritai o ilpu Apostolo 9:39

Is um atidai a Pitrus, um ahced rau. Is wat yetpan aien, eris imyiapan yin ara an nuarin-neom ijinies: eris aiji a ilpu takata asega eris emesmas a ilpu atamnyura, um imyitaig yin, eris ehvaig ehelen ara inlepei iji eig im lep napelumai is ago a Torkas an namen o un ehele ra.

Tyuteronome 14:29

erumu ham a ilpu mapoi Livai, (et ti nobohtan ura im ti nitai ura tup ethi ache pan iramia,) im natimi an taka pece, im ilpu umnij, im ilpu takata eris emesmas a ilpu atamnyu ura, era amen irai imnim unyum, um hag um geije; va etpu acis yi alwai caua a Ihova Atua unyum, irai iji auritai asega na ago an nikmam aiek.

Tyuteronome 16:11

napu lep imiacitak aiek an nuhup u Ihova Atua unyum, aiek, im inhalav atamaig unyum, im inhalav atahig unyum, im naheca atamaig unyum, im naheca atahig unyum, im ilpu mapoi Livai anliin nokoro unyum, im natimi an taka pece, im ilpu umnij, im ilpu takata eris emesmas a ilpu atanmyu ura, era amen ehelemia ara, an nuarin iyehki etpu aniv a Ihova mika yi ati nidan eahki.

Tyuteronome 16:14

napu lep imiacitak va nasjapicnaig unyum, aiek, im inhalav atamaig unyum, im inhalav atahig unyum, im naheca atamaig unyum, im naheca atahig unyum, im ilpu mapoi Livai, im natimi an taka pece, im ilpu umnij, im ilpu takata eris emesmas a ilpu atamnyu ura, era amen ara anliin nokoro unyum.

1 Timodeus 3:2

Eris idim ika va natimi aminjina nakalasia, er eti lep acaiji yin vaig tah nitai, inyi ethi ache ehgan, um aminjina nedo o un, um aktaktai upene, um ago nedo upene, um alaa atimi, um ato par esege;

1 Timodeus 5:10

eh lep tas upene va niji auritai upene ura; el eris aminjinai ilpu hal ura ara, um aiheuc vai nup urai tak uarin, um yiri eduei ilpu atimi upene, um ago nedo upene vai ilpu atimi ohocred, um apol aktit an niji auritai upene asega.

Taitus 1:8

jam alaa atimi, um aiyu inliinmopon vai ilpu atimi upene, um ago nedo erop, im nedo atoh, im nedo upene, um ahtapanes inmerit has o un,

Filimon 1:7

Ecrau imyiacitak aijumrau um cediaig va naiyu u inliinmopom, et lep imyiacitak inliinmopoi ilpu atimi upene vai euc, ak etoak.

Ilpu Hibru 13:2

Jim ahnag iran aijaua par aiheuc va atimi irai taka uarin: eris idim aiheuc vai ilpu agelo nahaiji ra an nedo ineigki, jam eti ato.