Lukas 14:11 - Intas Etipup

¹¹ Aien et ago nedo ijinies aien, etpu upoupo aien; aien et ago nedo upoupo aien, etpu esjilid aien.

Lukas 14:11 Iomraidhean Croise

2 Samuel 22:28

Napu imialep ilpu ihki atimi aiek: jai na alum ilpu atimi ijinies inliinmopora aiek, mika an imiasuol ra.

Ester 6:10

Is ika a natimarid ehele Heman, Namu auroauro aiek um lucsei apelumai im hors, et idivaig na mun asaig aiek, um ago irai Mortike nup u Juta, aien aigki et ateuc an neucse neom u natimarid aien: namu ago nitai iji igki asega na mun asaig aiek.

Nitaasviitai u Job 22:29

Uhu wit imiasuol atimi, napu ika aiek eri atidai; etpu imiatamaig yin a Atua et ohocred inliimmopon aien.

Saam 138:6

Et esjilid a Ihova, ja et alum ilpu atimi et upoupo inliinmopora aien: ja et ato ra itac acen aien et ijinies inliinmopora ara.

Saam 18:27

Napu idim imiatamaig ilpu atimi ohocred aiek, ja napu imiasuol ilpu atimi ijinies inliinmopora aiek.

Niji tas Arapakau 15:33

Aien et ecen vai Ihova aien, etpu arapakau aien; im lep aien et upoupo inliinmopon aien, etpu leh nimiahpas aien.

Niji tas Arapakau 18:12

Et ijinies inliinmopoi natimi, ja par apitac nauahas yin vaig; et, lep upoupo inliinmopoi natimi, ja par apitac nimiahpas yin vaig.

Niji tas Arapakau 25:27

Et eti upene vaig tah par umnyi hune alupas: et idim uco, et itai ehka vaig tah par ahilek nimiahpas imi yin.

Niji tas Arapakau 29:23

Etpu imiasuol natimi nijinies u inliinmopon: ja eri ecen vai yin et upoupo inliinmopon aien.

Aiseya 2:11

Eh mun imiasuol ilpu atimi; iji ig et acen nesganimtara, era; mun apakapak a ilpu atimi iji ig eti ijinies inliinmopora, eh mun; imiaridjai Ihova ache an nadiat; iyehki.

Aiseya 2:17

Erupu lep apakapak a ilpu atimi iji ig et ijinies inliinmopora, uhpu imiasuol ilpu atimi iji ig et ijimes naktaktai ura: uhpu, imiaridjai Ihova ache an nadiat iyehki.

Aiseya 57:15

Et ika Aien et ijinies aien um esjilid, Aien aigki et amen nai iji mesese aien, Aien aigki et itap nidan aien; Ekpu amen ainyak an nuarin ijinies um itap, im lep ehele ilpu atimi iji ig et ohocred inliinmopora ara um upoupo, par ika yi eropse inliinmopoi ilpu atimi upoupo, um lep ika yi eropse inliinmopoi ilpu atimi ohocred.

Madius 23:12

Aien et ago nedo ijinies aien, etpu upoupo aien; aien et ago nedo upoupo aien, etpu esjilid aien.

Lukas 1:51

Is ago nedo emda an nikman aien; um terimterim irai ilpu atimi iji eigki is ijinies inliinmopura ara irai aktaktai ura.

Lukas 1:52

Is iknipagki ilpu atimi alupas aien irai dorona ura, jam atijai ra sji eigki eris opoupou ara.

Lukas 14:12

¶ Is lep tas aien ehele natimi ineig is imyiacaij yin, um ika, Na wit auanetha alupas aiek ka inhag alupas, jim imyiacaij ilpu apa unyum aiek, ka ilpu etoam, im ilpu atimi ehpan iram, im ilpu atimi ikni itai eblaamnem unyum; kit erupu lep imyiacaij euc ara, um aru nedo unyum:

Lukas 18:14

Ek asaig ehelemia ainyak mika, is apan an neom o un natimi ineigki, eris ika uhmu eti aru nedo has o un, ja eris ika uhpu aru nedo has o natimi iyehki: aien et ika aien et esjilid, etpu upoupo aien; ja aien et ika aien et upoupo, etpu esjilid aien.

Jakobus 1:9

Eh wat atijai etoaija ineig et upoupo aien, etmu imyiacitak aien:

Jakobus 4:10

Ago nedo upoupo aijaua an nuhup u Natimarid, etpu lep atijai caua aien.

Jakobus 4:6

Ja et alupai caija naiheuc esjilid aien. Va nitai ineigki et ika aien, “Et ahcadai ilpu atimi et ijinies inliinmopura ara a Atua, ja et alupai ilpu atimi upoupo naiheuc o un aien.”

1 Pitrus 5:5

Etmu idim ucco, ak ilpu takuras, akumu imyiaiji intas o ilpu atimi tas alep aijaua: akumu lep upoupo jipe vai caua aijaua asega, um ahid nedo eropse imi caua: “et idim ahcadai ra a Atua et ijinies inliinmopura ara, ja et aiheuc vai ra aien et upoupo inliinmopura ara.”

1 Pitrus 5:6

Va nitai ineigki etmu upoupo inliinmopomia aijaua an namen u nikmai Atua emda iramia, va etpu atijai caua aien an naopan upene:

1 Samuel 15:17

Is ika a Samuel, As wat upoupo aiek an nesganimtam, eris idim ati euc mika ah esjilid aiek irai iji elcau u nup Isreel: is idim aspi euc a Ihova, mika an atimarid u nup Isreel aiek.