Lukas 14:1 - Intas Etipup

¹ AN nadiat atumop is ethi is apan aien anliin neom o natimi alupas is ethi is Farisi aien mika yi hag, eris imyiiris nedo o un ara.

Lukas 14:1 Iomraidhean Croise

Saam 37:32

Era imiiris ilpu atimi upene a ilpu atimi auatatimi, um ika eri atgei ra.

Saam 41:6

El et ham tah ira ra par alum nyak, et tas ahcil aien: et aktaktai has an liinmopon aien; etu wit alau ijo aien, etpu asuptecnaig aien.

Saam 62:4

Era idim tas ara, mika eri atipagki natimi alupas o un ara: va nitai inigki, era imiacitak intas ahcil ara: erupu asan tas upene an nipjineucsera ara, ja erupu asan tas has an liinmopora ara. Sila.

Niji tas Arapakau 23:7

et eche naktaktai u inliinmopon aien, et lep eche intas o un: et ika aieu ehelum, Namu caig aiek um umwig; ja et eti aiheuc vai euc aien an liinmopon.

Madius 12:12

ja era esjilid atimi irai siip: et eti itaup par ago nedo upene an nadiat atumop.

Markus 3:2

Eris imyiiris yin ara, kit inyi ago cehcehe yin aien an nadiat atumop, mika erupu atijai itai iran ara.

Lukas 11:37

¶ Is wat tas aien, is imyiacaij yin a Farisi is ethi, mika yi apan um hag ehelen; is apan aien anliin neom o un, um ateucse, um hag.

Lukas 14:2

Is ateuc an nuhup o un a natimi is ethi is emehe alagaigwai aien.

Lukas 17:20

¶ Eris ahodai yin a ilpu Farisi, um ika, Etpu yetpam nelcau o Atua an nahopan? Is tas ehele ra aien, um ika, Et ham nelcau o Atua, jam eti alum atimi:

Lukas 20:20

Eris imyiiris yin ara, um abraig pan atimi efaifa, mika eri aminjinai yin, jam idivaig atimi inivaijec, um tasehlek tas o un; eris ika ara eri atceijai yin ehele natimarid an pece, mika yi tas alep vai yin aien.

Lukas 6:7

Eris imyiiris yin a ilpu atimi esege im ilpu Farisi, kit inyi ago cehcehe yin aien an nadiat atumop, mika erupu atijai itai iran ara.

Joanes 3:1

IS eteuc natimi is ethi irai ilpu Farisi, nidan Nikotimus, is atimi alupas u nupu Jutaia aien:

Niji auritai o ilpu Apostolo 5:34

Ja is um atidai natimi is ethi irai ilpu atimi alupas eris asjapicnaig, nidan Camelyel, is Farisi aien, um atimi esege intas alep, eris tas upene vai yin natimi asega, is ika aien, eri imyialau ijo tintin jak ilpu apostolo;