Lukas 13:25 - Intas Etipup

²⁵ et wit atidai natimi alupas an neom, um atapanes an tapanes, aku wit atupun aijaua um aiji ijo, um etcetcei intapanes, um ika, Ak Natimarid, ak Natimarid, asalgei vai cama aiek: etpu tas aien, um ika ehelemia, Ek eti ato caua ainyak, im inuarin ineig eka ahes iran aijaua:

Lukas 13:25 Iomraidhean Croise

Jenesis 7:16

Eris apan iran niji itai umumoh asega, natamaig im natahig, is idivaig is asaig ehelen a Atua: is atapnes iran a Ihova.

Saam 32:6

Va nitai inigki, erupu ago nalaigaheni vai euc a ilpu atimi upene asega an nopan inig uhpu ecet euc: etu wit ahgarero alupas inwai, inyi idim eti uhum pan ra.

Aiseya 55:6

Akumu ahilek Ihova aijaua aku wit ecet yin aijaua, akumu ahlaig vai yin aijaua etu wit ubutpotet ehelemia aien:

Madius 25:41

Etpu ika ehele ra aien an moun, Atga unyimia aijaua, ak ilpu atimi ohocred, um apan an cop inyi ti lep opos, eris ago imi Tiapolo im ilpu agelo o un:

Lukas 13:27

Ja etpu ika aien, Ek asaig ehelemia ainyak mika, Ek eti ato caua ainyak, im inuarin ineig eka ahes iran aijaua; akumu atga unyimia aijaua asega, ak ilpu atimi ago nedo has.

Lukas 3:8

akumu ohoai itai aijaua yi idivaig nadumoij u inliinmopomia: akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki:

Lukas 6:46

¶ Eka auri aijaua par ika vai nyak, Natimarid, Natimarid, jam eti imyiaiji intas unyak?

2 Nupu Korindus 6:2

(Et ika aien, “Kis atahaijeg euc ainyak an naopan upene, kis lep atau imi euc ainyak an nadiat imyiatamaig euc:” et idim eteuc naopan upene an naopan ineig; um eteuc nadiat imyiatamaig atimi an naopan ineig.)

Ilpu Hibru 12:17

Eka idim ato aijaua mika, is wat ti pan itac nitai iji eigki, is wat merit aien inlehvaig intas upene vai yin, eris atapanes yin; is ahilek emda aien, um taig; ja is eti ecetai tah nuarin nadumoij u inliinmopoi etman aien.