Lukas 13:24 - Intas Etipup

²⁴ Akumu eriss emda aijaua an neucse nirahed ehroehro: ek asaig ehelemia ainyak mika, erupu merit atimi inyi ahinag mika eri atga iran, ja inyi elika vai ra;

Lukas 13:24 Iomraidhean Croise

Niji tas Arapakau 14:6

Et ahilek narapakau a natimi imiafakahcil, ja et idim eti leh aien: ja et tup upene nato itai vai natimi aktaktai itai.

Niji tas Arapakau 21:25

Etpu auahas natimi esjum va nauritai inmerit o un; va nitai inig, nikavaig, et esjum nikman ero par ago nauritai.

Natimi Efehtas 10:15

Et ucni natimi ahnag nauritai o un, vaig inig nikavaig, et eti ato aien nefalaig apan an maliyum iran.

Aiseya 1:15

Aku wit ada nikmamia aijaua, ekpu adahpoi nesganimtak ainyak vai caua: maiya, aku wit ecahinag alaigaheni aijaua, ekpu eti atahaijeg caua ainyak: eka mun atgei atmas atimi et ahinag aijaua.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Madius 11:12

Eris miakaikai emda nelcau an nohatag an naopan iyehki is ehcohos pam a Joanes Natimi baptiso, um imyihum pam naopan ineig, era miakaikai a ilpu atimi emda.

Lukas 13:23

Is um ika ehelen natimi is ethi, Ak Natimarid, uhpu imyiatamaig natimi inyi ti elpat, ka oʼo? Is ika ehele ra aien,

Lukas 21:36

Akumu aiji aijaua, um alaigaheni, um jim atumop, va uhpu ika vai caua aki upene aijaua mika yi ti yetpam iramia tah nitai irai itai iji eigki eri yetpam; akupu lep atidai aijaua an nuhup u Inhal o natimi.

Joanes 13:33

Ak ilpu hal unyak, inki ti elvamen ehelemia ainyak: akupuahilek nyak aijaua; kis idim upyi asaig ehele nupu Jutaia ainyak, um ika, Et ehka vai caua napanvaig an nuarin ineig ekpu apan iran ainyak; et idim ucco intas unyak ehelemia an naopan ineig.

Joanes 5:4

Is asuol an netpen a nagelo an tah naopan um elucai an wai: aien is upyi hup aien um asuol, is wat ahcatina inwai, is edoaijaig iran nemehe o un.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 7:34

akupu ahilek nyak aijaua, jam eti ecet nyak: inyi elika vai caua napanvaig an nuarin ineig ek amen iran ainyak.

Joanes 8:21

¶ Is ika ehele ra a Iesu, Ekpu atga unyak ainyak, ja akupu ahilek nyak aijaua, akupu emesmas an nedo has unyimia aijaua: inyi ehka vai caua napanvaig an nuarin ineig ekpu apan iran ainyak.

Nupu Roma 10:3

Era eti ato nika o Atua ara et atoh nedo ura, um lep merit par apol an nedo atoh ineig et ahes ehele ra; va nitai ineigki era eti imyiaiji nika o Atua ara et atoh nedo ura.

Nupu Kolose 1:29

ek idim auritai ainyak va nitai ineigki, um imyiisjis emda et idiva nauritai o un et auritai emda irak aien.

Ilpu Hibru 4:11

Va nitai ineigki ti fi auroauro akaija, um apan an nuarin atumop ineig, vai yi jim imyipalea tah na-timi, um etjo, um idivai ra.

Josua 7:3

Eris lep adumoij pan ehele Josua ara, um ika ehelen, Erumu jim aridjipan natimi asega; erumu aridjipan natimi inyi tu dausant ka dri dausant ache, um auud nup Eai; erumu jim ohocred um apan eahki natimi asega; eri eti elpat ara.

2 Pitrus 1:10

Va nitai ineigki akumu auritai alupas aijaua, ak ilpu etoak, um ago yi ipjin nahlaig vai caua vaig, im nanacanac iramia: el eka ago nitai iji eigki aijaua, akupu eti lep adumoij aijaua: