Lukas 13:19 - Intas Etipup

¹⁹ et idivaig nupsi mustart, is leh natimi is ethi, um ahoaig uman: is um edel, um ohu u nitai alupas; eris amen inman irai ran.

Lukas 13:19 Iomraidhean Croise

Nohranitai U Solomon 4:12

Ak ehgak upene, na ahapol aiek eris irahed o un; nai ehpanwai aiek eris atapnes iran, nai imtanwai ahlau ohua jai aiek eris atapnes ipjin.

Nohranitai U Solomon 4:16

Ak narutu, namu aiji lahlah aiek; ak natoga, namu apam aiek; ehlehel an nahapol unyak, mika yi terimterim niji ipin iran; mika yi apam an nahapol o un a natumnyu unyak, um caig niji ohwai itai adale iran.

Nohranitai U Solomon 6:2

Kis ika ainyak, Et mun apan an nahapol o un a natumnyu unyak, an niji uarin u itai auanipin upene, mika yi eklim edo irai ahapol, um ehlek intisiai itai.

Nohranitai U Solomon 8:13

Ak intakata inigki, na amen irai ahapol aiek; eri ahgei nohram a ilpu apa unyak: ekmu lep ahgei nohram ainyak.

Aiseya 53:1

Et mun imiisjis ninveijec intas asuptecnaig unyima a di? eh mun ehvaig nikmai Ihova ehele di?

Aiseya 53:10

Is upene irai Ihova par auoh oplecoplec yin; is auoh ohocred yin aien: etu wit itai ahlap vai nedo has o atimi aien, etpu alum ilpu hal o un aien, etpu ahinag nadiat iran, etpu ago ehni aien inmerit u Ihova.

Aiseya 58:11

etpu atau iram a Ihova irai iji mesese um alumam inwai an nahvig wai unyum, etpu ika aien yi emda niji eduom: napu idivaig nahapol inig aiek eris leh inwai urin, um idivaig nimtanwai inig et eti ame.

Aiseya 61:11

Et idim ededel niji itai an nobohtan, et lep idim ededel inceslum an nahapol; et idim uco, etpu ika a Natimarid Ihova yi ehcohos pam nedo upene im nimiahpas an nuhup u nup urai iji pece asega.

Aiseya 9:7

Inyi amaijeijig natimi alupas o un, inyi eti lep ti namen upene o un a dorona u Tevit, im lep an nelcau o un, mika yi esiaig um ati aktit an nedo atoh im nedo inveijec, ahes an nopan inig um yetpan irai iji mesese. Etpu ago nitai inigki a Ihova esjilid acen an nemda o un.

Jeremaia 31:12

Va nitai inigki erupu apam ara um acesaces nohranitai an nuarin ijinies Saion, erupu ehrahtag pam ara par asipiai niji itai upene u Ihova, vai hwiit, im lep vai nide vaine, im lep vai narakei oliv, im lep vai hakli siip, im lep vai hakli kurimatau: etpu imiacitak inliinmopora um idivaig nahapol eh leh inwai urin; erupu eti lep taigtaig ara va nehtele ra.

Esikiel 31:6

Is ago niji asiom irai ran niji man asega an nauanohatag, is lep ahad ithai erin niji itai eklim edo irai pece asega, eris lep amen an naiyu iran a nup urai iji pece alupas asega.

Taniel 4:12

is eklim upene nerin, um ahinag nohwan, is lep itai caig incai niji itai asega: eris amen niji itai eklim edo irai pece an naiyu iran, eris lep amen irai ran inman an nauanohata g, eris caig nohwan niji itai umumoh asega.

Taniel 4:21

is eklim upene nerin, um ahinag nohwan, is lep itai caig incai niji itai asega; eris amen niji itai eklim edo irai pece an naiyu iran, eris lep amen irai ran inman an nohatag:

Sekaraia 2:11

Im lep inig, an nadiat iyehki erupu apol irai Ihova a nup urai iji pece inyi ahinag acen, erupu ilpu atimi unvak ara: ekpu amen ainyak an niblamia, ja akupu ato aijaua mika, et mun abraig pam nyak ehelemia a Ihova esjilid acen.

Madius 17:20

Is um ika ehele ra a Iesu, Va nimyiisjis nahcil unyimia: et inivaijec ineig ek asaig ehelemia ainyak mika, El et eteuc nimyiisjis ninivaijec unyimia et idivaig nupsi mustart, aku wit tas ehele nedoon ineig aijaua, mika yi atga um apan an tah anuarin; el et par apan; el et ti ehka vai caua tah nitai:

Markus 4:30

Is lep ika aien, Et idivanhe nelcau o Atua? inti asaig neveh tas ecsipece akaija par asuptecnaig?

Lukas 17:6

Is ika a Natimarid, El et idivaig nupsi mustart nimyiisjis ninivaijec unyimia, el eka ika aijaua va nateg ineigki, Uhmu atecrei, um ahoaig an jop; etpu ahgei intas unyimia.

Niji auritai o ilpu Apostolo 2:41

¶ Ara eris leh upene intas o un ara, eris leh nabaptiso ira ra ara: eris lep asgeig pan ira ra an nadiat iyehki natimi is idivaig dri dausant.

Niji auritai o ilpu Apostolo 21:20

Eris wat atahaijeg ara, eris imyiahpas Natimarid ara, um ika ehelen, Ak etoama, na alum nupu Jutaia aiek, era ehcahinag dausant ara era imyiisjis ninvaijec ara; jam apol emda an tas alep ara asega:

Niji auritai o ilpu Apostolo 4:4

Ja eris imyiisjis ninivaijec natimi is ahinag ira ra eris atahaijeg intas ara; eris wat esvi atimi iji eigki eris idivaig eris faiv dausant ara.

Nupu Roma 15:19

va nemda u niji auritai ehka im niji itai imyiali, va nemda o Nesgai Atua; kis idim ahes Jerusalem ainyak um asuptecnaig emda intas-upene o Kristo um arahed, um yetpan Ilirikum:

Nitai ehvaig 11:15

Is ahlai intoho o un a nagelo seven, is ahes an nohatag nohrai itai esjilid, um ika, Et elcau u Natimarid uja, im lep Kristo o un, niji elcau an nobohtan ineigki; etpu atimarid aien irai iji mesese.