Lukas 13:11 - Intas Etipup

¹¹ Is eteuc eahki intakata is ethi is areci aien irai mesese is eetiin va nagelo has is amen iran; is acvacva aien, is elika vai yin natidaivaig.

Lukas 13:11 Iomraidhean Croise

Nitaasviitai u Job 2:7

¶ Is par ahes an nuhup u Ihova a Satana, um atga o un; is asji Job aien irai macop has, um atupun an nugnyan eduon, um yetpan ijinjinies an nipek o un.

Saam 145:14

Et asjiraig jai ra sji igki asega a Ihova era epihtau ara, um imiatidai ra sji igki asega era apakapak ara.

Saam 146:8

et asalgei nesganimtai ilpu atimi apat nesganimtara a Ihova: et imiatidai ra a Ihova era apakapak ara: et aiyu inliinmopoi Ihova vai ilpu atimi et atoh nedo ura:

Saam 38:6

Ek oplec has ainyak; ek acvacva alupas ainyak; ek taig ainyak an nadiat asega.

Saam 42:5

Et auatialidi inliinmopok ainyak vanhe? et lep ehioehio vanhe? etmu aitgai Atua inliinmopok ainyak: ekpu idim imiahpas yin ainyak, va nedo imiatamaig nyak et ahes ehelen.

Saam 6:2

Ak Ihova, namu aiheuc vai nyak aiek; ek idim auatialidi ainyak: ak Ihova, namu ago cehcehe nyak aiek, nikavaig, et eucjeucjeucaij niji eduok ainyak.

Madius 4:23

¶ Is arahed an pece Calili asega a Iesu, um esege irai eom alaigaheni ura, um asuptecnaig intas-upene va nelcau o Atua, um iknipagki emehe asega ira atimi im nauatialidi ira ra.

Markus 9:21

Is ahodai etman aien, um ika, Is leh nitai ineigki aien an nahopan? Is ika aien, An halav o un:

Lukas 13:12

Is wat ecet yin a Iesu, is ahlaig vai yin aien, um ika ehelen, Ak intakata ineigki, eh mun atipagki nareci iram.

Lukas 13:16

ja et hal o Ebraham intakata ineigki, is arore yin a Satana irai mesese is eetiin, et upene nedo ineigki par ahiyi nitai arore yin an nadiat atumop.

Lukas 21:28

Et wit yetpam nitai iji eigki, akumu ahlahusjai aijaua, um easji pan; etpu ubutpotet u nimyiata-maigvaig caua.

Lukas 8:2

im lep nahaiji ilpu takata iji ehki, is ahlo ilpu agelo has ehele ra aien, um atipagki nemehe ira ra, Mere nupu Mactala, eris ahlo ilpu agelo has is seven ehelen,

Lukas 8:27

Is wat apahai aien, is aubillid yin natimi is ethi is up an nuarin-pece iyehki aien, eris amen iran a ilpu agelo has itu acen, is eti aso yin aien, um eti amen anliin neom, jam amen irai mai ij eris ikni atimi emesmas iran.

Lukas 8:43

Im lep ineig, intakata is ethi, is emehe aien va nahlamerai u inja an mesese is twelv, is ahtai ehni inpadiaig o un aien imi atimi atipagki nemehe, ja is ehka vai ra nago cehcehe yin vaig;

Niji auritai o ilpu Apostolo 3:2

Eris imyiapan natimi is ethi is isvihteuc neduon aien an napos yin vaig, um ati yin an neucse neom ahlap iyehki eris anvi nidan mika Eklim upene, irai iji adiat, mika yi ugni itai aien ehele atimi apan anliin neom ahlap;

Niji auritai o ilpu Apostolo 4:22

Is forte um eled inmesese irai natimi iyehki eris ago nauritai ehka iran, um ago cehcehe yin.