Lukas 12:32 - Intas Etipup

³² Eka idim eti elpat aijaua, jam jim imtitaig; et idim merit a Etmamia mika yi alupai caua nelcau o un.

Lukas 12:32 Iomraidhean Croise

Aiseya 40:11

Etpu aminjinai ilpu atimi o un aien et idivaig natimi asgi siip: etpu asjapicnai hakli siip aien an nikman, um apos ra an ritin, etpu eklim asgi siip aien era alidai ilpu hal ura ara.

Aiseya 41:14

Akumu jim imtitaig aijaua, ak ilpu atimi auatialidi um idivaig niji emijan, ilpu mapoi Jekob marom, im ilpu atimi eti elpat u nup Isreel; et ika a Ihova, Natimi imiatamaig caua, Atua Upene u nup Isreel marom, Ek mun atau imi caua ainyak.

Aiseya 53:6

Intis ahnag akaija asega et idivaig siip; intis adumoij pan akaija irai efalaig uja, athi um athi ehni; is lep atijai nedo has asega uja iran a Ihova.

Jeremaia 3:19

Ja kis ika ainyak, Ekpu ehvati euc ainyak ehele ilpu halav unyak, um alupai euc inpece esjilid, nuarin upene mika eri ahtag pam iran a nup urai iji pece? kis lep ika ainyak, Namu anvi nidak aiek par ika Etmak, um eti lep adumoij pan vai nyak.

Madius 14:27

Is idim tas ehele ra a Iesu, um ika, Etmu eropse inliinmopomia aijaua; ainyak aigki; jim imtitaig aijaua.

Madius 20:16

Et idim ucco, erupu uhup a ilpu atimi apitac, jam apitac ilpu atimi uhup: er ahlaig va atimi et ahinag, jam ehtai atimi et eti elpat.

Madius 25:34

Etpu ika a Natimarid ehele ra an matan, Apam aijaua, ak ilpu atimi is aiheuc vai caua a Etmak, um amen an nelcau ineig eris ago imi caua an naopan iyehki is pam eti eteuc nobohtan:

Madius 7:15

¶ Akumu aminjinai caua aijaua vai ilpu profeta efaifa, era aso ra irai apelumai umri siip ara, um apan ehelemia, ja et idivaig kuri aleg inliinmopura ara.

Lukas 10:21

¶ An nuarin-nadiat iyehki is imyiacitak inliinmopoi Iesu, um ika, Ek naaurineig vai euc ainyak, ak Etmak, Natimarid an nohatag im nobohtan, va nitai ineigki, nikavaig, as adenaig nitai iji eigki aiek vai ilpu atimi arapakau im ilpu atimi esjilid an nato itai, jam asuptecnaig ehele ilpu halav: maiya, ak Etmak; is idim ucco inliinmopom aiek.

Joanes 18:36

Is um ika a Iesu, Et eti elcau an nobohtan nelcau unyak: el et elcau an nobohtan nelcau unyak, el era ago nedoa a ilpu aheca unyak, mika eri jim ati nyak ehele nupu Jutaia: ja et eti ahes igcaki nelcau unyak.

Niji auritai o ilpu Apostolo 20:28

Akumu aminjinai caua aijaua, im lep siip o un asega is ikni caua ilpu atimi aminjinai ra a Nesgan Upene, par alayi nup an nakalasia o Atua, is auarimta ra aien an ja iran.

Niji auritai o ilpu Apostolo 20:29

Ek ato nitai ineigki ainyak, nikavaig, ek wit atga unyak ainyak, erupu ham ehelemia kuri aleg has, um auahas siip o un:

Nupu Roma 6:23

Nimtan nedo has neigki, inmas; jai intup naiheuc o Atua neigki, nitai umoh iran ineig inyi ti lep ti, irai Iesu Kristo Natimarid uja.

1 Nupu Korindus 1:21

Is ika a Atua, an narapakau o un, eris eti ato Atua natimi an nobohtan va narapakau ura; ja is upene vai Atua par imyiatamaig ra era imyiisjis ninivaijec ara, va nasuptecnaig intas-upene ineigki er ika vaig et takitai.

Nupu Filipai 2:13

va nitai ineig, nikavaig, et auritai a Atua anliinmopomia vai intup naiheuc o un, mika aki merit aijaua, um auritai.

2 Nupu Desalonaika 1:11

Va nitai ineigki ek lep ugni Atua uja vai caua ainyak irai iji adiat, mika yi ika aien aki upene aijaua va nitai ineigki eris imyiacaij caua vaig, um alupaig emda caua inmerit va nedo upene asega, im nimyiisjis ninivaijec ineig et auritai:

2 Nupu Desalonaika 1:5

nitai ehva nedo atoh o Atua neigki, va uhpu ika eka upene aijaua namenvaig an nelcau o Atua, eka lep ohocred vaig aijaua:

Ilpu Hibru 12:28

Inta mun leh nelcau asjeuc ahtu akaija, va nitai ineigki intumu apol an naiheuc o un akaija, mika ti aheca upene u Atua iran, um eccen vai yin, um imtitai yin:

Jakobus 2:5

Akumu atahaijeg aijaua, ak ilpu etoak upene, is idim ehtai ilpu ihki atimi iji eigki an nobohtan ineigki a Atua, era esjilid ara an nimyiisjis ninivaijec ura, um lep ohuun nelcau ineig is upyi asaig aien ehele ra et aiyu inliinmopura ara vai yin.

2 Pitrus 1:11

uhpu idim ago alupas vai caua nefalaig pan an nelcau ineig inyi ti lep ti o Iesu Kristo Natimarid uja, im Natimi imyiatamaig caija.

Nitai ehvaig 1:6

um ikni caija, mika ti ilpu atimarid akaija, um ilpu atimi ahlap u Atua Etman; etpu esjilid aien, um lep atimarid, irai iji mesese. Emen.

Nitai ehvaig 22:5

inyi ti epeig eahki; inyi ti lep upene incop alahala vai ra, ka naijoran nagesega; era lah ara vai naijorai Atua Natimarid: erupu atimarid ara irai iji mesese.