Lukas 12:24 - Intas Etipup

²⁴ Aktaktai man aijaua: era eti ahoai itai ara, um eti asjapicnai itai; et ti nimai padiaig ura, ka neom ikni itai; ja et alaa ra nitai caig a Atua: ja eka idim esjilid irai man aijaua.

Lukas 12:24 Iomraidhean Croise

Nitaasviitai u Job 35:11

aien aigki, et alupas nesege o un imi caija, irai nesege o un imi niji itai eklim edo irai pece; um ika, ti arapakan akaija, um esjilid nai man an nauanohatag?

Nitaasviitai u Job 38:41

Et ago nitai caig incai reven a di? era wat ahlaig vai Atua a ilpu hal o un, et ae sjipe aien um ahilek, mika yi jim ti nitai caig incara.

Saam 147:9

Et alupai niji itai eklim edo irai pece nitai caig incara aien, im lep inhakli meijcop, era ahlaig vai yin ara.

Madius 10:31

Akumu jim imtitaig aij… eka esjilid aijaua irai hakli m… ahinag.

Madius 3:12

et apos nitai ucjucjai itai o un aien, etpu idim ago adicinadicin nuarin ikni sito o un aien, etpu ikni hwiit o un aien anliin neom ikni hwiit iran, ja etpu atnamud narasin aien an cop inyi ti lep opos.

Madius 6:26

Alum man an nauanohatag aijaua: era eti ahoai itai ara, um eti asjapicnai itai, um eti ikni irai eom ikni itai; ja et alaa ra nitai caig a Et-mamia an nohatag. Eka esjilid ira ra aijaua.

Markus 6:26

Is taigtaig alupas a natimarid; ja is eti acaiji yin aien vai intas upyi asig yi aktit o un, im lep vai ra eris ateuc ehelen ara.

Lukas 12:18

Is ika aien, Ekpu ago nitai ineigki ainyak: ekpu alcapdicraig eom ikni itai unyak ainyak, um lep ago eom alupas, par ikni nohoai itai asega unyak iran im inpadiaig unyak:

Lukas 12:23

Et esjilid numumoh unyimia aijaua irai itai hegaig, im nohumia irai itai aso caua.

Lukas 12:7

Er idim esvi numri idjinimia asega. Va nitai ineigki, akumu jim imtitaig aijaua: eka esjilid aijaua irai hakli man et ahinag.