Lukas 12:19 - Intas Etipup

¹⁹ ekpu ika ainyak ehele nesgak, Ak nesgak, eris mun ikni niji itai et ahinag vai euc uri mesese inyi ahinag; eklim amen aiek, um hag, um umwig, um imyiacitak.

Lukas 12:19 Iomraidhean Croise

Nitaasviitai u Job 14:1

Et eti elpat nadiat o un tah is apos yin a intakata; et lep ohua nohocrcd iran.

Saam 49:18

Nikavaig, is wat umoh aien, is imiahpas yin aien: erupu lep imiahpas euc natimi, nau wit ago nedo upene vai euc aiek.

Saam 62:10

Akumu jim asgeig an nedo ehcerucai atimi aijaua, um jim ijinies inliinmopomia va natoraliak vaig itai: el et ahinag inpadiaig unyimia, etmu jim apol iran inliinmopomia aijaua.

Niji tas Arapakau 10:2

Et eti upene vaig tah naga inig eh leh va nedo has: ja et imiatamaig atimi vai inmas nedo upene ura.

Niji tas Arapakau 14:24

Er ecen vai ilpu atimi arapakau vai naga ura: ja et itai ahnag naridjai u ilpu atimi ahnag.

Niji tas Arapakau 18:11

Et aktaktai a natimi ikni itai mika, et maliyum emda naga o un, um idivaig nathatahau ijinies.

Niji tas Arapakau 23:5

Na a uri aiek par almoi intakitai? et idim lucsei niji ehpan naga; maiya, et lep ae sjai an nauanohotag et idivaig inmeijcop alupas.

Niji tas Arapakau 27:1

NAMU jim asaig aktit intas aiek vaig imraig; na idim eti ato aiek mika inyi echamecha an tah nadiat inyi ethi ache.

Natimi Efehtas 11:9

Ak intakuras inigki, namu imiacitak an takuras unyum aiek, etmu cediaig inliinmopom aiek irai iji adiat an takuras unyum; namu lep atga aiek an nefalaig inig et merit vaig inliinmopom, um ahilek nitai iji igki et almoi nesganimtam: ja namu ato aiek mika, etpu almaijidjid euc a Atua va nitai iji igki asega.

Natimi Efehtas 2:24

Et idim upene vaig tah mika yi hag aien, um umwig, um amen upene va nauritai o un. Kis ato ainyak mika is ahes an nikmai Atua nitai inigki.

Aiseya 22:13

ja almoi! eris imiacitak ara um cediaig, eris auud kurimatau ara, um atgei siip, eris hegaig nohu itai ara, um umnyi waina eris ika ara, Ti hag akaija um umwig; intupu emesmas akaija imraig.

Aiseya 5:11

Kaiheuc vai ra sji igki era atidai an nuhihialeg ara, miki eri umnyi kava ara; um amen um yetpan an nepig, ja par ahnag vai waina ara.

Aiseya 5:8

Kaiheuc vai ra sji igki era ikni imnim ui tak atimi irai imnim ura ara, um ikni uari obohtan ui tak atimi irai uari obohtan ura, ja et par ti tah nuarin vai natimi et eche, mika aki echim amen an niblan pece aijaua!

Aiseya 56:12

Era ika ara, Akumu apam aijaua, ekpu imiapam waina ainyak, intupu umnyi kava emda akaija um ahnag vaig; etpu idivaig itai inpig niji itai imraig, jam alupas um ahinag acen.

Hosia 12:8

Era ika a nup Ifreem, Inta mun idim ikni itai akaija, inta mun lucsei itai imi caija akaija: erupu eti ecetai tah nitai has eheleija ara, ka tah nedo has irai auritai asega uja.

Emos 6:13

eka imiacitak takitai aijaua, um ika, Inta mun idim lucsei ipat imi caija akaija va nemda uja.

Habakuk 1:16

Va nitai inigki era ahlap ara vai nopoig ura, um atnamud nitai auanipin upene vai naule ura; vaig inig nikavaig, et adale niji itai hegaig ura vai itai iji igki, um alupas nitai adipiaig ura.

Lukas 12:18

Is ika aien, Ekpu ago nitai ineigki ainyak: ekpu alcapdicraig eom ikni itai unyak ainyak, um lep ago eom alupas, par ikni nohoai itai asega unyak iran im inpadiaig unyak:

Lukas 16:19

¶ Is eteuc natimi ikni itai is ethi, is aso yin aien an napelumai cop im napelumai yilyil, um hag alupas um imyiacitak irai iji adiat:

Lukas 21:34

Aminjinai caua aijaua, um jim auahas inliinmopomia va nitai caig alupas, im nahnag vai kava, im naktaktai niji itai an nobohtan ineigki, va yi jim yetpam iramia nadiat iyehki, an neti aktaktaivaig unyimia.

1 Nupu Korindus 15:32

El ekis ehtauo ainyak imi niji itai aleg Efesus, et idivaig nedo o atimi, et eti upene vai nyak: el eh eti anusjai atimi emesmas, “ti hag akaija um umwig; intupu emesmas akaija imraig.”

Nupu Filipai 3:19

nimtan imi ra neigki, nauahas ra vaig, et atua ura nipjinetgara, era imyiacitak nedo ehcamai vaig ura ara, era lep aktaktai niji itai an nobohtan ara.)

1 Timodeus 5:6

Ja aien et acitak aien, et idivaig natimi mas aien an numoh o un.

1 Timodeus 6:17

Efasaig ehele ra sji eig aiek, era ikni itai an nobohtan ineigki ara, mika yi jim ijinies inliinmopura ara, um jim asgeig an padiaig ineig et eti amen, jam asgeig irai Atua umoh ineig et efalupai caija niji itai asega aien mika ti imyiacitak vaig akaija;

2 Timodeus 3:4

um efaifa, um auroauro inliinmopura, um ijinies inliinmopura, um aiyu alupas inliinmopura va niji itai imyiacitak, jam aiyu tintin vai Atua;

Jakobus 5:5

Akis umumoh upene an nobohtan aijaua, um acitak; akis alaamia aijaua et idivaig niji itai umumoh an nadiat atgei ra iran.

1 Pitrus 4:3

Is opra namen uja an nobohtan itu acen par imyiaiji intas o ilpu atimi aupat, an naopan iyehki intis ago nedo acitak akaija, um merit vai edo has, um umnyi alupas waina, um imyiacitak, um ahnag vai kava, um ago edo has esjilid an nalaigaheni vai ilpu atmas:

Nitai ehvaig 18:7

Is idim ispun imyiahpas yin aien, um ago nacitak; et idim ucco, akumu ati nohocred iran aijaua, im intaigtaig: et idim ika inliinmopon aien, Et takata atimarid ainyak, um eti tup echim amen, inki ti lep ato nohocred ainyak.

1 Samuel 30:16

Is wat imiasuol yin eahki aien, eris idim terimterim irai pece asega ara; eris hag ara um umwig, um adekdekjai, va niji itai et ahinag iji ig eris atoraliak ara an pece Filistia, im lep an pece Juta.