Lukas 12:17 - Intas Etipup

¹⁷ is aktaktai inliinmopon aien, um ika, Inki ago inhe ainyak? et ti inuarin igca inki ikni nohoai itai unyak iran ainyak.

Lukas 12:17 Iomraidhean Croise

Natimi Efehtas 11:2

Namu ahtai nuarin nitai caig imi natimi et seven aiek, maiya, imi natimi et eet; na idim eti ato aiek nitai has inig etpu eteuc an nobohtan.

Aiseya 58:7

Im lep inig, mika an alaa ilpu atimi ehtele ra nitai caig aiek, um imiapam an nimnim unyum ilpu ihki atimi iji ig era amen ehcid ara; nau wit ecet tah natimi tup atga aiek, napu lep aso yin ira apelumai aiek; napu lep eti adenaig euc aiek vai ilpu atimi ehpan iram.

Madius 16:7

Eris tas jipe ehele ra ara, um ika, Et asan tas ineigki aien va nedo uja, nikavaig, inta mun eti apos nareto akaija.

Madius 5:42

Alupai natimi ineig itai aiek et ugni euc vaig aien, um jim atidjum aiek irai natimi ineig et ika aien, Imyihio tah nitai aiek, ja par lep leh.

Lukas 10:25

¶ Is atidai a natimi asuptecnaig intas alep is ethi, um oop yin, um ika, Ak Natimi esege, inki ago inhe ainyak va ekpu leh nitai umoh iran ineig inyi ti lep ti?

Lukas 11:41

Akumu aiheuc vai ilpu ihki atimi aijaua, um alupai ra itai unyimia; va etpu adicinadicin niji itai asega imi caua.

Lukas 12:16

¶ Is ecsipece ehele ra aien, um ika, Is ahinag nohoai itai irai ahapol o natimi ikni itai is ethi:

Lukas 12:18

Is ika aien, Ekpu ago nitai ineigki ainyak: ekpu alcapdicraig eom ikni itai unyak ainyak, um lep ago eom alupas, par ikni nohoai itai asega unyak iran im inpadiaig unyak:

Lukas 12:22

¶ Is ika aien ehele ilpu atimi atahaijeg yin, Va nedo ineigki, ek asaig ehelemia ainyak mika, Akumu jim aktaktai numumoh unyimia aijaua, im nitai hegaig unyimia; um jim aktaktai nohumia, im nitai aso caua.

Lukas 12:29

Akumu jim ahilek aijaua nitai caig incamia, im inwai lumamia; etmu jim ehioehio inliinmopomia aijaua.

Lukas 12:33

Akumu ahtai niji itai unyimia aijaua, um alupai ilpu ihki atimi itai tup ahtai; akumu ago cat imi caua aijaua yi ti mutit, um ikni padiaig unyimia esjilid an nohatag yi pu amen, inyi eti apan eahki tah natimi ehneg itai, um eti ehcai itai nages.

Lukas 16:3

Is ika inliinmopoi naheca iyehki, Inki auri ainyak? etpu atipagki nyak a natimi alupas unyak u nahecavaig unyak: et ehka vai nyak nacujitaivaig: um lep ehcamai ainyak nugni itai vaig:

Lukas 16:9

Ek asaig ehelemia ainyak mika, Akumu aiheuc va atimi aijaua mika eri apa unyimia ara irai padiaig efaifa; va aku wit emesmas aijaua, erupu leh pan caua ara irai imnim inyi amen irai iji mesese.

Lukas 18:22

Is wat atahaijeg nitai iji eigki a Iesu, is ika ehelen aien. Nai eti ago nitai et ethi aiek: namu ahtai niji itai asega unyum aiek, um alupai ilpu ihki atimi, napu idim leh niji itai upene an nohatag aiek: um lep apam aiek, um apitac nyak.

Lukas 19:17

Is ika ehelen aien, Et upene, ak naheca upene, na mun aminjinaig upene nitai eti elpat aiek, napu atimi alupas aiek irai iji uari-pece inyi ten.

Lukas 3:11

Is tas aien, um ika ehele ra, Aien et o un napelumai et ero, etmu alupai natimi ineig aien et ti napelumai o un; etum lep ucce aien et eteuc nitai caig o un.

Niji auritai o ilpu Apostolo 16:30

um imyialau ijo rau, um ika, Ak ohwat atimi alupas, inki fi ago inhe ainyak mika eri imyiatamaig nyak?

Niji auritai o ilpu Apostolo 2:37

¶ Eris wat atahaijeg ara, is ohocred inliinmopura ara, eris ika ehele Pitrus im ilpu apostolo asega ara, Ak ilpu etoama, ecri ago inhe aijama?

Nupu Roma 12:13

um ahtai itai imi ilpu atimi upene era ihki atimi ara; um emda um alayi tak atimi itai.

1 Timodeus 6:17

Efasaig ehele ra sji eig aiek, era ikni itai an nobohtan ineigki ara, mika yi jim ijinies inliinmopura ara, um jim asgeig an padiaig ineig et eti amen, jam asgeig irai Atua umoh ineig et efalupai caija niji itai asega aien mika ti imyiacitak vaig akaija;

1 Joanes 3:16

Inta ato akaija naiyu u inliinmopon, va nitai ineig, nikavaig, is mas aien vai caija: eris idim ika ti emesmas akaija vai ilpu etoaija.