Lukas 12:15 - Intas Etipup

¹⁵ Is ika aien ehele ra, Akumu almoi aijaua, um aminjinaig caua, um jim has iramia itai: inyi ti umoh tah natimi vai padiag alupas et ohuun aien.

Lukas 12:15 Iomraidhean Croise

1 Ilpu Atimarid 2:40

Is atidai a Simeai, um ati satel irai togke o un, um yetpan Cad ehele Ekis par ahilek ohwat aheca o un: is apan Cad a Simeai, um lucsei ohwat aheca o un.

Nitaasviitai u Job 2:4

Is tas a Satana ehele Ihova, um ika, Er aru narasin tah va narasin; maiya, etpu alupai niji itai asega o un tah natimi mika yi umoh aien.

Saam 10:3

Vaig inig nikavaig, era tas emda vai inmerit u inliinmopora a ilpu atimi auatatimi, um acis yi alwai ilpu atimi has ira ra itai et amcel vai ra a Ihova.

Saam 37:16

Et esjilid naga tintin o un tah natimi upene ira aga alupas u ilpu atimi auatatimi et ahinag.

Saam 62:10

Akumu jim asgeig an nedo ehcerucai atimi aijaua, um jim ijinies inliinmopomia va natoraliak vaig itai: el et ahinag inpadiaig unyimia, etmu jim apol iran inliinmopomia aijaua.

Niji tas Arapakau 15:16

Et esjilid naga tintin pan an necen vai ihova, irai naga alupas o un tah et ehioehio inliinmopon vaig.

Niji tas Arapakau 16:16

Et esjilid inleh vaig narapakau irai colt; et idim esjilid inlehvaig nato itai irai silver.

Niji tas Arapakau 28:16

Natimarid inig et eti ato itai aien, et ehcerucai alupas atimi aien: ja aien et esjum aien par atoraliak itai, etpu umoh aien um itu iran.

Jeremaia 6:13

Era idim aktaktai alupas niji itai an nobohtan ara asega, ilpu atimi alupas im lep tup natimi; era lep ago nedo efaifa ara asega, ilpu profeta im ilpu atimi ahlap.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Maika 2:2

Et has ira ra niji ahapol, era lucsei ara an nedo ipjin ura; et lep has ira ra niji imnim, era, lep atoraliak ara: era ehtipidai atimi ara im nup urai imnim ura; era ehcerucai atimi ara um lucsei niji uari obohtan ura.

Habakuk 2:9

Kaiheuc vai yin et ehcerucai atimi aien um lucsei naga ura vai nup uran nimnim o un, et ika aien yi amen an nimnim elika aien et idivaig inmeijcop, inyi eti auahas yin tah nitai!

Markus 7:22

nehneg itai, inmerit vai inpadiaig, nauatatimi, nefaifa, nahvig niji itai has, nauatitai, intas has, nedo ijinies, nedo ahnag:

Lukas 12:16

¶ Is ecsipece ehele ra aien, um ika, Is ahinag nohoai itai irai ahapol o natimi ikni itai is ethi:

Lukas 16:14

¶ Eris lep atahaijeg nitai iji eigki asega a ilpu Farisi, eris merit vai padiaig ara: eris imyiafakahcil yin ara.

Lukas 21:34

Aminjinai caua aijaua, um jim auahas inliinmopomia va nitai caig alupas, im nahnag vai kava, im naktaktai niji itai an nobohtan ineigki, va yi jim yetpam iramia nadiat iyehki, an neti aktaktaivaig unyimia.

Lukas 8:14

Nupsi itai ineig is elel irai efelelicai has et idivai ra, era atahaijeg intas ara, um atga ura, ja et atgei ra naktaktai inpadiaig ura im nedo imyiacitak an naopan ineig, era eti ohoai itai upene ara.

1 Nupu Korindus 6:10

im ilpu atimi ehneg itai, im ilpu atimi has ira ra itai, im ilpu atimi ahnag vai kava, im ilpu atimi asan tas ehniv has, im ilpu atimi atoraliak itai.

Nupu Kolose 3:5

Va nitai ineigki akumu auahas nedo o inliinmopomia itu aijaua an nobohtan, nikavaig, nedo has, nacitak, naktaktai has, inmerit has, im inhas iramia itai, nalaigaheni vai intakitai neigki:

2 Timodeus 3:2

Erupu aktaktai ra ache natimi, um has ira ra itai, um auyat, um ijinies inliinmopura, um asan tas has, um imyipalea ilpu atmil ura, um eti naaurineig vai itai, um amcel va nedo upene,

Ilpu Hibru 13:5

Etmu jim has iramia aijaua itai: jam eklim amen upene va niji itai unyimia: is idim ika aien, “Ekpu idim amen ehelemia ainyak, um eti lep ude caua:”

Josua 7:21

kis wat ecetai irai aga ainyak napelumai Babelon esjilid, im sikel irai silver is tu huntret, im inuari colt is ethi is sikel is fifte nopoc iran, is has irak ainyak, um lucsei, ja er adenaig an nobohtan juju an neom atga unyak, im lep silver ithan.

2 Pitrus 2:14

et ohua nesganimtara an gaijid, um eti atumop par almoi nedo has; era anai ilpu atimi auatialidi ara: et lep imjijeuc inliinmopura u inhas ira ra itai; uhpu idim auahas ra;

2 Pitrus 2:3

Erupu lep leucse nimtan vai caua ara an tas efaifa vai inhas ira ra itai: inyi ti atumop um itu neruvaig ira ra, inyi ti imtatte nauahas ra vaig.