Lukas 11:9 - Intas Etipup

⁹ Ek asaig ehelemia ainyak mika, Akumu ugni itai aijaua, uhpu alupai caua; akumu ahilek itai aijaua, akupu ecetai aijaua; akumu etcetcei intapanes aijaua, uhpu asalgei vai caua:

Lukas 11:9 Iomraidhean Croise

Saam 118:5

Kis ahlaig vai Ihova ainyak an nohocred unyak: is adai intas unyak a Ihova um ati nyak an nuarin lah.

Saam 27:4

Ek mun ugyi nitai et ethi ainyak ehele Ihova, ekpu lep ahilek nitai inigki ainyak; mika ki amen ainyak anliin neom o Ihova irai iji adiat au numoh unyak, um almoi nesganimtai Ihova, um ahodai itai an neom itap o un.

Saam 27:8

A s wat ika aiek, Akumu ahilek nesganimtak aijaua; is ika inliinmopok ainyak ehelum, Ak Ihova, ekpu ahilek nesganimtam ainyak.

Saam 34:10

Et ehtele ra niji laion emda, um ahvig nitai caig: ja erupu eti ilikin natimi an tah nitai upene ara sji igki era ahilek Ihova ara.

Saam 34:4

Kis ahilek Ihova ainyak; is lep atahaijeg intas unyak aien, um imiatamaig nyak va niji itai asega kis imtitaig ainyak.

Saam 50:15

Akumu ahlaig vai nyak an nopan ohocred unyimia aijaua: ekpu imiatamaig caua ainyak, akupu lep imiahpas nyak aijaua.

Nohranitai U Solomon 5:6

Kis asalgei vai natumnyu unyak ainyak; ja is udei nyak a natumnyu unyak; is um atga o un aien: is auatialidi inliinmopok ainyak vai intas o un iyehki,: kis ahilek yin ainyak, ja is ehka vai nyak par ecet yin; kis ahlaig vai yin ainyak, ja is eti ho aien.

Aiseya 45:19

Kis eti tas ainyak an nuarin adenaig, an nuarin apat an nobohtan: kis eti ika ainyak ehele ilpu mapoi Jekob, Akumu ahilek nyak aijaua ja etpu takitai: ek Ihova ainyak, ek tas inveijec ainyak, um asuptecnaig niji itai atoh.

Jeremaia 29:12

Akupu lep ahlaig vai nyak aijaua, akupu apam aijaua um alaigaheni vai nyak, ekpu adai intas unyimia ainyak.

Jeremaia 33:3

Namu ahlaig vai nyak aiek, ekpu ho ainyak, um asuptecnaig ehelum niji itai alupas im niji itai esjilid iji ig, na mun eti ato aiek.

Taniel 9:3

Kis yaspan ainyak ehele Natimarid Atua unyak, par ahilek itai um ugyi an nalaigaheni unyak, kis lep atwakam ainyak, um ahid apelumai uucai, um aspi nyak an nohpa.

Madius 21:22

El eka imyiisjis ninivaijec aijaua, akupu leh niji itai asega aijaua, eka ugni aijaua an nalaigaheni unyimia.

Madius 21:31

Is imyiaiji intas o etman a di ira rau? Eris ika ehelen ara, Inmetto. Is ika ehele ra a Iesu, Et inivaijec ineig ek asaig ehelemia ainyak mika, Era uhup a ilpu atimi akwanaham im ilpu takata ago ingaijid um apan an nelcau o Atua, eka apitac aijaua.

Madius 6:29

ja ek asaig ehelemia ainyak mika, Is eti yecrei yin a Solomon an natimi alupas o un um idivaig tah nitai iji eigki.

Markus 11:24

Va nitai ineigki, ek asaig ehelemia ainyak mika, Nitai iji eigki asega eka merit vaig aijaua an nalaigaheni unyimia, akumu imyiisjis ninivaijec aijaua mika aki leucse, akupu leucse aijaua.

Markus 13:37

Intas ineig ek asaig ehelemia ainyak, ek lep asaig ainyak ehele atimi asega, Akumu aminjinai caua aijaua.

Lukas 11:10

aien et ugni itai aien, etpu leh aien; aien et ahilek itai aien, etpu ecetai aien; aien et etcetcei intapanes aien, uhpu asalgei vai yin.

Joanes 14:13

Nitai iji eigki eka ugni aijaua an nidak, ekpu ago ainyak, va uhpu imyiahpas Etmak vai Inhal o un.

Joanes 15:16

Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak.

Joanes 15:7

El eka amen ehelek aijaua, um lep amen ehlemia niji tas unyak, aku wit ugni nitai iji eigki aijaua, eka merit vaig aijaua, uhpu alupai caua.

Joanes 4:10

Is tas a Iesu, um ika ehelen, El et ato nitai tup ahtai o Atua aiek, im lep yin et ika ehelum aien, Alumak tah inwai aiek; el et ugni yin aiek, el et par alumam inwai umoh aien.

Nupu Roma 2:7

um alupai ra sji eigki nitai umoh iran ineig inyi ti lep ti, era amen aktit ara an nedo upene, um ahilek nimyiahpas, im nitai upene, im neti mas ura:

2 Nupu Korindus 6:2

(Et ika aien, “Kis atahaijeg euc ainyak an naopan upene, kis lep atau imi euc ainyak an nadiat imyiatamaig euc:” et idim eteuc naopan upene an naopan ineig; um eteuc nadiat imyiatamaig atimi an naopan ineig.)

Ilpu Hibru 11:6

El et eti imyiisjis ninivaijec tah, et ehka vai yin par ago nedo ineig et upene inliinmopoi Atua vaig: aien et apan ehele Atua aien, eris idim ika yi imyiisjis ninivaijec aien mika, et eteuc aien, etpu lep ago neruvaig imi ra sji eig aien era ahilek emda yin ara.

Ilpu Hibru 4:16

Va nitai ineigki intumu emda akaija um apan u dorona aiheuc o un; mika yi aiheuc vai caija aien, um atau imi caija an naopan upene.

Jakobus 1:5

El et ti narapakau o un tah iramia, etmu ugni Atua vaig aien, et ahtai alupas imi atimi asega aien, um eti atuh ra; uhpu alupai yin.

Jakobus 5:15

etpu umoh a natimi emehe va nalaigaheni et ahes anliinmopura imyiisjis ninivaijec, etpu imyiatidai yin a Natimarid; el is ago nedo has aien, uhpu eti aru iran.

1 Joanes 3:22

intupu lep leh nitai iji eigki asega akaija, inta ugni yin vaig akaija, va nitai ineig, nikavaig, inta imyiaiji tas alep o un akaija, um ago nedo ineig et upene an nuhup o un.

Nitai ehvaig 2:24

Ja ek asaig ainyak ehelemia, im lep ehele ra Daiataira, ara asega eris eti leh nesege ineigki ara, um eti ato nedo ubo o Satana, et idivaig era asaig ara, um ika, Inki ti atijai iramia ainyak tah nitai ahelwei et eche.