Lukas 11:48 - Intas Etipup

⁴⁸ Eka idim asuptecnaig aijaua mika et upene iramia nedo iyehki u ilpu retpomia: eris idim atgei ra ara, eka ehteduo hat irai ehpai itai ira ra aijaua.

Lukas 11:48 Iomraidhean Croise

2 Niji Tas Eled 36:16

ja eris imiafakahcil ilpu atimi is abraig pan ra a Atua ara, um amcel van tas o un, um ago nedo has vai ilpu profeta o un, um imihum pan an nopan yehki is ehcohos intavaitap u Ihova vai ilpu atimi o un, is lep eti eteuc nitai imiatamaig ra.

Nitaasviitai u Job 15:6

Et asuptecnaig nedo has unyum nipjineucsem aiek, ek eti asuptecnaig ainyak; maiya, et idim asaig nedo unyum nipjineucsem aiek.

Saam 64:8

Et mun ika aien, eri epihtau ara, et mun yetpan ira ra intas ura: erupu aha ara asega era alum ra ara.

Esikiel 18:19

Ja eka ika aijaua, Er eti aru irai inhalav atamaig o un tah va nedo has u etman van he? Oʼo, et wat ago nedo inig a inhal o un tah et upene um atoh, um imiaiji intas alep asega unyak, um ago, etpu idim umoh aien.

Madius 23:27

Aʼa, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka idivaig nehpai itai atelmoi atimi emesmas iran aijaua, et ahi ijinies um ekliin upene; ja et ohua eduei atimi emesmas iran im niji itai has asega.

Madius 23:31

Va nedo ineigki eka asuptecnaig vai caua aijaua, nikavaig, eka ilpu mopura aijaua eris atgei ilpu profeta ara.

Lukas 11:47

Aʼa, auwe vai caua! eris atgei ilpu profeta a ilpu retpomia, ja eka ehteduo hat irai ehpai itai ira ra aijaua.

Lukas 11:49

Is lep ika a Atua arapakau, Ekpu abraig pan ilpu profeta ehele ra ainyak im ilpu apostolo, erupu atgei ilpu ahaiji ra ara, um atmas vai ilpu ahaiji ra;

Nupu Roma 1:32

era ato intas alep o Atua ara, nikavaig, erupu emesmas a ilpu atimi et ucce nedo ura, ja era ago nitai iji eigki ara, um lep imyiacitak ra sji eigki era ago ara.

Jakobus 5:10

Ak ilpu etoak, akumu aktaktai ilpu profeta aijaua, eris tas ara an nidai Natimarid, era atimi asjaaicnaig imi caua ara an leucsevaig nohocred, im lep an nedo eti auatiemda.

Josua 24:22

Is ika a Josua ehele atimi, Eka ato nedo unyimia aijaua, nikavaig, eka mun asaig aijaua mika akupu aheca u Ihova aijaua. Eris ika ara, Ecra ato aijama.