Lukas 11:45 - Intas Etipup

⁴⁵ ¶ Is tas a natimi asuptecnaig intas alep is ethi, um ika ehelen, Ak natimi esege, na lep ated cama aiek irai tas iji eigki.

Lukas 11:45 Iomraidhean Croise

1 Ilpu Atimarid 22:8

Is ika a natimarid u nup Isreel ehele Jehosafat, Et eteuc natimi et ethi, Maikeya inhal u Imla, intupu ahilek ehele Ihova akaija iran: ja ek amcel vai yin ainyak; et eti asaig nitai upene vai nyak aien, ja nitai has. Is ika a Jehosafat, Etmu jim asan tas inigki a natimarid.

Jeremaia 20:8

Ek wat atupun um tas ainyak, el ek ahlaig ainyak vai nedo acalacal, ka el ek asuptecnaig ainyak va natoraliak itai, era imiafakahcil nyak ara vai intas o Ihova, um asan tas auyat vai nyak irai iji adiat.

Jeremaia 6:10

Ekpu tas ehele di ainyak, um acaiji ra, mika eri atahaijeg ara? et idim ucjipines intikgara ara, era esjum ara par atahaijeg: et idim takitai imi ra intas o Ihova; era eti merit vaig ara.

Madius 22:35

Is oop yin natimi asuptecnaig intas is ethi ira ra, um ahodai yin, um ika,

Lukas 11:46

Is um ika aien, Lep aʼa, auwe vai caua, ak ilpu atimi asuptecnaig intas alep! eka iknijai ira atimi itai ahelwei et ehka naposvaig aijaua, jam eti atcei pan itai ahelwei iji eigki an tah nupsikmamia.

Lukas 11:52

Aʼa, auwe vai caua, ak ilpu atimi asuptecnaig intas alep! akis atipagki kii an tapanes an namarero aijaua: eka eti apan iran aijaua, eka i lep acaiji ra aijaua era apan iran ara.

Lukas 7:30

Ja eris ahcaijaig intas o Atua vai ra a ilpu Farisi im ilpu atimi esege, eris eti fi leh nabaptiso o un ira ra ara.

Joanes 7:48

is idim eti asgeig iran tah ilpu atimi alupas, ka tah ilpu Farisi:

Joanes 7:7

et ehka va atimi namcel vai caua vaig; ja era amcel vai nyak ara, va nedo unyak, nikavaig, ek acaiji nedo has ura ainyak:

Joanes 9:40

Eris atahaijeg nitai iji eigki nahaiji ilpu Farisi eris amen ehelen ara, um ika ehelen, Et lep aupat nesganimtama aijama, ka oʼo?