Lukas 11:41 - Intas Etipup

⁴¹ Akumu aiheuc vai ilpu ihki atimi aijaua, um alupai ra itai unyimia; va etpu adicinadicin niji itai asega imi caua.

Lukas 11:41 Iomraidhean Croise

Saam 112:9

Et mun eduaraprap irai itai o un aien, et alupai ilpu ihki atimi itai aien; et amen nedo atoh o un irai iji mesese; uhpu ago nedo ecen esjilid vai yin.

Saam 41:1

ET mun ahesmoij a natimi inig et ago nedo inig aien et tau upene vai ilpu ihki atimi; etpu imiatamaig yiu a Ihova an nopan ohocred o un.

Niji tas Arapakau 14:31

Aien et ago nedo ipjin aien vai ilpu ihki atimi, et asan tas has aien vai Atua inig is ago yin aien: ja aien et aiheuc vai ilpu ihki atimi aien, et ecen vai Atua aien.

Niji tas Arapakau 16:6

Et adahpoi nedo has o un ta, nedo aiheuc im nedo inveijec o un: era wat ecen vai Ihova natimi, era atidjira ara irai edo has ura.

Niji tas Arapakau 19:17

Aien et aiheuc vai ilpu ihki atimi aien, et ahtai imi Ihova aien; etpu lep ara iran aien nitai inig et ahtai imi yin aien.

Taniel 4:27

Va nitai inigki, ak natimarid, namu adai intas unyak aiek, um udei nauatatimi unyum, um ago nedo upene, um udei nedo has unyum, um ago nedo aiheuc vai ilpu ihki atimi; kit napu amen upene aiek yi itu iram.

Madius 26:11

era amen ehelemia a ilpu ihki atimi irai iji adiat; ja inki ti amen ehelemia ainyak irai iji adiat:

Madius 5:42

Alupai natimi ineig itai aiek et ugni euc vaig aien, um jim atidjum aiek irai natimi ineig et ika aien, Imyihio tah nitai aiek, ja par lep leh.

Markus 7:19

et eti asuol nitai caig anliinmopura, ja an nipjinetgara ache, er erekhaig an nuarin ikni itai has; iran, et par upene nitai caig asega.

Lukas 12:33

Akumu ahtai niji itai unyimia aijaua, um alupai ilpu ihki atimi itai tup ahtai; akumu ago cat imi caua aijaua yi ti mutit, um ikni padiaig unyimia esjilid an nohatag yi pu amen, inyi eti apan eahki tah natimi ehneg itai, um eti ehcai itai nages.

Lukas 16:9

Ek asaig ehelemia ainyak mika, Akumu aiheuc va atimi aijaua mika eri apa unyimia ara irai padiaig efaifa; va aku wit emesmas aijaua, erupu leh pan caua ara irai imnim inyi amen irai iji mesese.

Lukas 18:22

Is wat atahaijeg nitai iji eigki a Iesu, is ika ehelen aien. Nai eti ago nitai et ethi aiek: namu ahtai niji itai asega unyum aiek, um alupai ilpu ihki atimi, napu idim leh niji itai upene an nohatag aiek: um lep apam aiek, um apitac nyak.

Lukas 19:8

Is aiji a Sakius, um ika ehele Natimarid, Ak Natimarid, ekpu alupai ilpu ihki atimi nahaiji padiaig unyak ainyak; el kis atoraliak tah nitai ainyak ehele tah natimi va nedo efaifa, ekpu ehcemanohwan aru ainyak.

Niji auritai o ilpu Apostolo 10:15

Is ehcero tas nohran iyehki ehelen, um ika, Jim ika aiek et has nitai ineig et mun ago adicinadicin a Atua.

Niji auritai o ilpu Apostolo 11:29

Eris tastas jipe a ilpu atimi alaigaheni, um ika eri aiheuc vai ilpu etoara Jerusalem is ase asega ira ra:

Niji auritai o ilpu Apostolo 24:17

is wat ti pan itac inmesese is ahinag, kis ham ainyak, um apos naiheuc vai nup uran pece unyak,: im niji itai ahlap:

2 Nupu Korindus 8:12

El et eti esjum inliinmopon tah natimi, um taam ase iran, el et eti apapa pan irai iji itai o un tak, er ika et idim upene.

Nupu Efesus 4:28

Aien et acaig aien, etmu jim lep acaig aien: etmu emda an nikman aien, um ago nauritai ineig et upene, va etpu ohuun itar aien pah lep aiheuc vai ilpu ihki atimi.

Taitus 1:15

Et upene niji itai asega imi ilpu atimi upene; ja et eti upene tah nitai imi ilpu atimi auatatimi im ilpu atimi imyiisjis nahcil; et lep has inliinmopura ara im naktaktai ura.

Ilpu Hibru 13:16

Jam jim ahnag iran aijaua par ago nedo upene im nedo aiheuc: et imyiacitak nitai ahlap iji eigki a Atua.

Ilpu Hibru 6:10

Et eti acalacal nedo o Atua, inyi ti ahnag an nauritai unyimia aien im nedo aiheuc unyimia, akis ago aijaua va nidan, akis wat aheca u ilpu atimi upene aijaua, um aketo um aheca ura.

Jakobus 1:27

Nalaigaheni inivaijec um upene an nuhup u Atua Etmaija neigki, nikavaig, nateghe ilpu umnyij im ilpu takata eris emesmas a ilpu atamnyura an nohocred ura, m naminjinai yin vai yi jim has aien an nobohtan.