Lukas 11:4 - Intas Etipup

⁴ Um jim aru tah nedo has unyima aiek: ecra idim eti aru tah nedo has o atimi vai cama aijama. Um jim atau irama an nedo oop aiek; jam imyiatamaig cama va niji itai has.

Lukas 11:4 Iomraidhean Croise

Jenesis 48:16

nagelo marom is imiatamaig nyak aien va niji itai has asega, etmu acis yi alwai ohwat takuras eraigki aien; arumu apos nidak arau, im lep nidai etmak Ebraham im etpok Aisak; erumu ahes natimi inyi ahinag ira rau an nobohtan.

1 Ilpu Atimarid 8:34

namu atahaijeg aiek an nohatag, um iknipagki nedo has u nup Isreel unyum, um lep imiapam ra an pece as alupai ilpu retpora aiek.

1 Ilpu Atimarid 8:36

namu atahaijeg aiek an nohatag, um iknipagki nedo has u ilpu aheca unyum, im lep nup Isreel unyum, um asjaaicnaig ehele ra an nefalaig upene erupu atga iran ara, um lep ati incopda vai inpece unyum, as alupai ilpu atimi unyum aiek mika eri ohuun ara.

Saam 121:7

Etpu aminjinai euc a Ihova va niji itai has asega: etpu aminjinaig nesgam aien.

Saam 25:11

Ak Ihova, namu iknipagki nedo has unyak aiek va nidam; et idim esjilid nedo has unyak.

Saam 25:18

Namu almoi nohocred unyak aiek im nehioehio u inliinmopok, um iknipagki nedo has asega unyak.

Taniel 9:19

Ak Natimarid, namu atahaijeg cama aiek; ak Natimarid, namu jim aru irama aiek; ak Natimarid, namu atahaijeg cama aiek, um ago nedo atoh vai cama; namu auroauro aiek, ak Atua unyak, va nidam: er idim anvi nidam an maliyum unyum im lep ira atimi unyum.

Hosia 14:2

Akumu aktaktai hal tas unyimia aijaua par asaig, um adumoij pam ehele Ihova, um ika ehelen, Namu iknipagki nedo has asega unyima aiek, um ago nedo aiheuc vai cama: ja ecrupu alupai euc niji itai ahlap irai ipjieucsema aijama.

Madius 18:35

Etpu ucco nedo o Etmak an nohatag vai caua, el et eti eropse inliinmopomia aijaua va nedo has o ilpu etoamia vai caua.

Madius 26:41

Aiji aijautaij um alaigaheni, va ahtiji jim apan an nedo oop cautaij; et emda inliinmopomitaij aijautaij, ja et auatialidi nohumitaij.

Lukas 11:5

¶ Is ika aien ehele ra, Di neigki iramia et eteuc napah o un, el et apan ehelen aien an nijihgan nepeig, um ika ehelen. Ak etoak, alupai nyak nareto yi eseij aiek, ekpu aru ainyak:

Lukas 13:4

Im lep atimi is eetiin iji ehki is jase neom ijinies ira ra Siloam, um atgei ra, akumu jim ika aijaua, is esjilid nedo has ura irai edo has o atimi asega eris amen Jerusalem ara:

Lukas 22:46

um ika ehele ra, Eka auri aijaua par umjeg? atidai aijaua um alaigaheni, va aki jim apan an nedo oop caua.

Lukas 8:13

Ara era idivaig nupsi itai an nij ara, ara aigki era atahaijeg intas ara, um leh, um imyiacitak; et eti eteuc necvan tas ira ra, era eti elvimyiisjis ninivaijec ara, eh wat ago nedo oop vai ra era adumoij ara.

Joanes 17:15

Ek eti ugni euc ainyak mika an atipagki ra aiek an nobohtan, jam aminjinai ra va niji itai has.

1 Nupu Korindus 10:13

Et eti eche nitai oop caua im attai oop atimi asega: ja et inivaijec a Atua, etpu eti ude caua aien, mika aki auatialidi aijaua va nedo oop caua; uhu wit oop caua, etpu lep ati nefalaig aha vaig iran aien, mika aki emda aijaua naposvaig.

Nupu Kolose 3:13

etmu jim edemda jipe inliinmopomia aijaua vai caua, um jim imyiehva jipe nedo has unyimia vai caua, el et has inliinmopon tah vaig tah natimi: et idivaig is eti imyiehva nedo has unyimia a Kristo, etmu ucce nedo unyimia aijaua.

2 Nupu Desalonaika 3:3

Ja et inivaijec a Natimarid, etpu ago emda caua aien, um aminjinai caua va natimi auatatimi iyehki.

2 Timodeus 4:18

Etpu imyiatamaig nyak a Natimarid va niji auritai has asega, um aminjinaig nyak pan an nelcau o un an nohatag: uhmu imyiahpas yin irai iji mesese. Emen.

Jakobus 2:13

Aien is eti aiheuc va atimi aien, uhpu aru iran, jam eti aiheuc vai yin; et lep tas emda naiheuc va atimi va neruvaig.

Nitai ehvaig 2:10

Jim imtitaig tah nohocred iji eig napu leucse aiek: etpu idim ikni nahaijimia iraili eom ipjin a Tiapolo, mika yi oop caua; akupu leucse nohocred aijaua ira adiat inyi ten: ja etmu inivaijec inliinmopom aiek um yetpan u unmas unyum, ekpu adgaig korona imi euc ainyak va nitai umoh iran.

Nitai ehvaig 3:10

As aminjinai intas va nedo eti auatiemda unyak aiek, va nitai ineigki ekpu aminjinai euc ainyak, an naopan iyehki uhu wit ohocred atimi asega, par oop ra era amen an nobohtan ara.