Lukas 11:39 - Intas Etipup

³⁹ Is ika ehelen a Natimarid, Ak ilpu Farisi, eka ago adicinadicin inyipin nipjinitai itac aijaua im lep naplet; ja et ohua inliinmopomia aijaua va niji itai eris atoraliak, im nedo has.

Lukas 11:39 Iomraidhean Croise

Jenesis 6:5

Is almoi a Atua mika is esjilid nedo has u atimi an nobohtan; is tup has ache naktaktai asega ui liimopora irai iji adiat.

2 Niji Tas Eled 25:2

Is ago nedo upene aien an nuhup u Ihova, ja is eti upene asega inliinmopon aien.

Saam 22:13

Era mun asalgei nipjineucsera ara vai nyak, et idivaig laion et cesji oplecoplec itai um aunyauwaig.

Niji tas Arapakau 26:23

Aien et tas upene aien jam has inliinmopon aien, et idivaig nipjinitai obohtan aien eris ago itac irai silver naunau.

Niji tas Arapakau 26:25

et wat tas upene aien, namu jim asgeig iran aiek: et idim ohua niji itai amcel vaig an liinmopon.

Niji tas Arapakau 30:12

Era eteuc hal atimi iji ig, era aktaktai ara mika era upene ara; ja er eti yiri ra va nedo has esjilid ura.

Jeremaia 4:14

Ak nup u Jerusalem, akumu yiri inliinmopomia aijaua, vai nedo has, mika uhpu imiatamaig caua. Etpu amen ehelemia naktaktai has unyimia um yetpan an nahopan?

Esikiel 22:25

Era alwai a ilpu profeta iramia, era idivaig laion aunyauwaig ara et wat ces yi oplecoplec nitai caig incan; era mun auahas atimi ara; era mun atoraliak naga ara im lep niji itai esjilid; era mun ika ara eri ahinag au pece a ilpu takata iji ig eris emesmas a ilpu atamnyura.

Esikiel 22:27

Era idivaig kuri aleg era wat ces yi oplecoplec nitai caig incara a ilpu atimi alupas era amen iramia mika eri atgei atmas, um auahas atimi, mika eri atoraliak itai ara um lucsei imi ra.

Sefanaia 3:3

Era idivaig laion aunyauwaig a ilpu atimi alupas ura era amen ehelen ara; era idivaig kuri aleg irai iji jupura a ilpu atimi tas alep ura; era eti ehtoplecoplec niji eduei itai an nuhialeg.

Madius 15:19

Et ehlohos anliinmopoi atimi naktaktai has, natgei atmas, ingaijid, nedo has, nehneg itai, intas ahcil, intas has:

Madius 7:15

¶ Akumu aminjinai caua aijaua vai ilpu profeta efaifa, era aso ra irai apelumai umri siip ara, um apan ehelemia, ja et idivaig kuri aleg inliinmopura ara.

Lukas 16:15

Is ika ehele ra aien, Eka idivaig ilpu atimi upene aijaua an nuhup o atimi; ja et ato inliinmopomia a Atua: et has acen nitai ineig an nuhup o Atua, era tas upene vaig atimi.

Lukas 7:13

Is wat alum yin a Natimarid, is aiheuc vai yin aien, um ika ehelen, Namu tinau aiek.

Lukas 7:19

Is ahlaig a Joanes vai ohwat atimi atahaijeg yin is ero, um abrai rau mika eru apan ehele Iesu, um ahodai yin, um ika, Na atimi iyehki aiek eris ika, Etpu ham aien, ka intupu aitgai yin akaija?

Joanes 12:6

Is eti asan tas ineigki aien va naiheuc vai ilpu ihki atimi o un; ja is atimi ehneg itai aien, is amen ehelen incedpai mune, is apos mune ineig aien eris atohwaig iran.

Joanes 13:2

Eris wat hag ara, (is auahas inliinmopoi Jutas nupu Karyot, inhal o Saimona, a Tiapolo, um ika yi aniv yin;)

Niji auritai o ilpu Apostolo 5:3

Ja is ika a Pitrus, Ak Ananaias, et amen alupas inliinmopom a Satana vanhe, mika an ahcil aiek ehele Nesgan Upene, um imyiaaij nahaijin nimtan umam?

Nupu Calesya 1:14

kis esjilid ainyak an nalaigaheni u nupu Jutaia irai ilpu ehras unyak is ahinag an pece unyak, kis apol emda ainyak an tas alep u ilpu retpok.

2 Timodeus 3:5

um alaigaheni an nipjineucsera, jam ateri nemda o un: ude ra sji eigki aiek.

Taitus 1:15

Et upene niji itai asega imi ilpu atimi upene; ja et eti upene tah nitai imi ilpu atimi auatatimi im ilpu atimi imyiisjis nahcil; et lep has inliinmopura ara im naktaktai ura.

Jakobus 4:8

Akumu apan ubutpotet ehele Atua aijaua, etpu lep apam ubutpotet ehelemia aien. Akumu ahisjum aijaua, ak ilpu atimi auatatimi; akumu lep ago adicinadicin inliinmopomia aijaua, ak ilpu atimi ero inliinmopomia.