Lukas 11:34 - Intas Etipup

³⁴ Et itai lah u nohuja nesganimtaija: et wat weilah nesganimtam aiek, et lah upene nohum asega; ja et wat aplan nesganimtam aiek, et aupat nohum:

Lukas 11:34 Iomraidhean Croise

Jenesis 19:11

Erus ago apat nesganimtai ilpu atimi alupas im ilpu takuras an neucse neom arau: eris ahilek neucse neom ara is itu ira ra.

Saam 119:18

Namu asalgei nesganimtak aiek, va ekpu almoi niji itai imiali ainyak an tas alep unyum.

Saam 81:12

Va nitai inigki, kis atcijai ra ainyak mika eri ago nitai merit u inliinmopora imiisjisitai ara: eris lep ago nedo inig ara eris ispara aktaktai ara.

Niji tas Arapakau 21:4

Et has nedo o natimi et eseij eraigki, nikavaig, aien et ijinies inliinmopon aien, im lep aien et akrai nesganimtan aien, im lep aien et imiacitak ilpu atimi auatatimi aien.

Niji tas Arapakau 28:22

Aien et has iran niji itai, et auroauro aien mika yi ikni itai; ja et eti ato aieu mika yi yetpam iran nihkin natimi.

Aiseya 29:10

Et mun idim atladwi nesgai numjeg asega iramia a Ihova, um atapnes nesganimtamia: et mun adahpoi ilpu profeta aien, im ilpu atimi alupas unyimia, ilpu atimi alum itai marom.

Aiseya 42:19

Et apat nesganimtai di, um idivaig ilpu aheca unyak? et ucjipines intikgai di, um idivaig ilpu atimi ehced unyak ekpu abraig pan ra ainyak? et apat nesganimtai di, um idivaig ilpu atimi eris ikni ra? et apat nesganimtai di, um idivaig ilpu aheca u Ihova?

Aiseya 44:18

Era mun eti ato ara, erupu eti aktaktai ara: vaig inig nikavaig, et mun atapnes nesganimtara aien, va eri jim alum itai ara; im inliinmopora, va eri jim aktaktai itai ara.

Aiseya 5:20

Kaiheuc vai ra sji igki era ika ara et upene nitai has, um has nitai upene; era ati napat ara vai inlah, im inlah vai napat; era ati nitai acen ara vai nitai aiyu, im nitai aiyu vai nitai acen!

Aiseya 6:10

Namu ika aiek inyi jim aktaktai inliinmopoi nup igcaki, inyi ucjipines intikgara, um apat nesganimtara; va eri jim alum itai irai esgaiimtara, um ahgei itai irai tikgara, um aktaktai irai liimopora, um adumoij pam ehelek, mika eri cehcehe ara.

Jeremaia 5:21

Akumu atahaijeg intas inigki aijaua, ak ilpu atimi auatatimi, et ti lelmia aijaua; et eteuc nesganimtamia, ja eka eti alum itai aijaua; et eteuc intikgamia, ja eka eti atahaijeg itai aijaua:

Markus 4:12

mika eri almoi ara, jam eti ato; um atahaijeg, jam eti ahaijeg iran; va eri jim adumoij pam ara, um eti leh neruvan nedo has ura.

Markus 7:22

nehneg itai, inmerit vai inpadiaig, nauatatimi, nefaifa, nahvig niji itai has, nauatitai, intas has, nedo ijinies, nedo ahnag:

Markus 8:18

Et eteuc nesganimtamia, ja eka eti alum itai aijaua; um eteuc intikgamia, ja eka eti ahgei itai aijaua, um eti imyiehva itai.

Lukas 11:35

namu aminjinaig aiek va yi jim cas oposopos incop alahala unyum.

Niji auritai o ilpu Apostolo 13:11

et mun idim amen iram nikmai Natimarid, etpu aupat nesganimtam aiek, napu eti ecetai nagesega aiek an tak aopan. Is um auroauro um arupoig nesganimtan um aupat; is atga ahilek atimi aien mika eri atau an nikman.

Niji auritai o ilpu Apostolo 2:46

Eris ehrasjapicnaig ara anliin neom ahlap irai iji adiat, is tup ethi ache inliinmopura, um iswiswoplec jipe nareto irai eom ura, um hag jipe, um cediaig anliinmopura inivaijec,

Niji auritai o ilpu Apostolo 26:18

va apu asalgei nesganimtara aiek, mika eri ahidai ra an naupat pam u inlah, um lep ahidai ra u nemda o Satana pam iran u Atua, va uhpu eti aru nedo has ura, mika eri ehrileh namen upene ehele ilpu atimi upene, va nasgeig irak ura.

2 Nupu Korindus 1:12

Intas imyiacitak unyak neigki, intas asuptecnaig u inliinmopok ineigki, nikavaig, et upene nedo unyak um inivaijec inliinmopok an nuhup u Atua, an namen unyak an nobohtan, jam esjilid vai caua, jam eti ago va narapakau u atimi, jai va naiheuc o Atua ache.

2 Nupu Korindus 11:3

Ja ek imtitaig ainyak vai yi jim auahas inliinmopomia tah, mika aki ude nedo inivaijec unyimia vai Kristo, et idivaig is imyiahnag Iva a Nimyiv an nedo ahcil o un.

2 Nupu Korindus 4:4

et ago aupat inliinmopoi ra sji eigki a atua an nobohtan ineigki, era imyiisjis nahcil ara, vai yi jim cespan ra naijoran lah an tas-upene esjilid u Kristo, et almui Atua aien.

Nupu Efesus 1:17

mika yi alupai caua Nesgan Upene a Atua o Iesu Kristo Natimarid uja, Etmaija esjilid, mika yi arapakau um lah inliinmopomia aijaua, va akupu ato yin aijaua;

Nupu Efesus 6:5

Ak ilpu aheca, akumu imyiaiji intas o ilpu atimi alupas unyimia aijaua an nobohtan, um imyiimtacimtac ra, um eccen cai ra, um lep inivaijec inliinmopomia, et idiva nimyiaiji intas o Kristo unyimia:

Nupu Kolose 3:22

Ak ilpu aheca, akumu imyiaiji intas o ilpu atimi alupas unyimia aijaua an nobohtan irai iji itai asega; um jim auaraheca almoi, et idivai ra era ahilek nimyiahpas u atimi ara; ja etmu inivaijec inliinmopomia aijaua, um imtitai Atua: