Lukas 11:32 - Intas Etipup

³² Erupu atidai a nup an Ninivi an nadiat almaijidjid an nuhup u atimi an naopan ineig, um ated ra: eris adumoij anliinmopura ara vai intas asuptecnaig o Jona; ja et idim amen igcaki tah et esjilid aien irai Jona.

Lukas 11:32 Iomraidhean Croise

Jona 3:4

Is atupun a Jona um atga an nadiat is ethi an maliyum iyehki, um efehtas, um ika, Etu wit ti pan itac nadiat inyi forte, uhpu auahas Ninevi.

Jona 3:5

Eris um imiisjis ninveijec intas o Atua a nup u Ninevi, um ati nadiat atwakam, eris aso ra ira apelumai uucai ara, ahes irai ilpu atimi alupas um yetpan irai tup atimi.

Jona 4:9

Is ika ehele Jona a Atua, Na edemda alupas aiek va nerero, ka oʼo? Is ika aien, Maiya, ek edemda alupas ainyak, um merit inmas vaig.

Madius 12:39

Is tas aien, um ika ehele ra, Era merit nalmoivaig nitai asjaaicnaig a ilpu atimi auatatimi, im ilpu atimi imyiisjis nahcil; ja uhpu eti ago nitai asjaaicnaig vai ra, nitai asjaaicnaig ache o Jona naprofeta:

Madius 12:41

Erupu atidai a nup an Ninivi an nadiat almaijidjid, um ated atimi an naopan ineig: eris adumoij anliinmopura ara vai intas asuptecnaig o Jona; ja et amen tah igcaki et esjilid aien irai Jona.

Lukas 11:31

Etpu atidai a intakata iyehki is atimarid aien an nuarin ineig et ahes nauritoga atahaig iran an nadiat almaijidjid an nuhup u atimi an naopan ineig, um ated ra: is ahes aien an nehni va nobohtan um apam, mika yi atahaijeg narapakau o Solomon; ja et idim amen igcaki tah et esjilid aien irai Solomon.

Ilpu Hibru 7:26

Et upene vai caija natimi esjilid an nahlap ineigki et upene aien, um eigpa nedo o un, um ti nitai has iran, um eti amen ehele ilpu atimi auatatimi, et lep aridjai an nohatag aien ijinies acen;