Lukas 11:24 - Intas Etipup

²⁴ Et wat atceijaig tah natimi a nagelo has, et um atga ahnag jipe aien irai uari amasacen, um ahilek igca yi atumop iran; ja et wat eti ecetai aien, et ika aien, Ki adumoij pan ainyak an neom unyak ineig kis upyi amen iran ainyak.

Lukas 11:24 Iomraidhean Croise

Nitaasviitai u Job 1:7

Is ika a Ihova ehele Satana, Nai mun ahes aiek eda? Is tas a Satana ehele Ihova, umika, Ek mun edo ainyak an nobohtan, um atga sjipe iran.

Nitaasviitai u Job 2:2

Is ika a Ihova ehele Satana, Nai mun ahes aiek eda? Is tas a Satana ehele Ihova, um ika, Ek mun edo ainyak an nobohtan, um atga sjipe iran.

Saam 63:1

AK Atua, na Atua unyak aiek; ekpu auroauro ainyak um ahilek euc: et merit vai euc inliinmopok ainyak, ek lep mas vai euc ainyak an namasacen et ti inwai iran:

Niji tas Arapakau 4:16

Era idim eti umjeg ara, el era mun eti auahas itai ara; et elika vai ra numjeg vaig, el era mun eti atgei tah natimi ara.

Aiseya 35:7

Etpu eteuc netpinwai an namasacen et eteuc nalmun wai iran, etpu eteuc niji imtaiwai an nobohtan mese: etpu edel niji ieg im niji auwau irai uarin u kuri aleg, im lep irai uarin asjeuc iran ura.

Aiseya 44:3

Ekpu atladwi inwai ainyak irai ilpu atimi ahvig wai, im niji wai yah an nobohtan mesei: ekpu atladwi Nesgak ainyak irai ilpu hal unyimia, im intas acis ji alwai ra irai ilpu mapomia:

Aiseya 48:22

Et ika a Ihova, Et eti eteuc nigpa vai ilpu atimi auatatimi.

Markus 5:10

Is ugni emda yin aien mika yi jim abrai ra, eri ude inpece iyehki ara.

Markus 9:25

Is alum atimi is ahinag a Iesu eris athut pan ara, is acaiji nagelo has iyehki aien, um ika ehelen, Ak nagelo has pop um ti intikgam, ek ika ehelum ainyak, namu atceijai yin aiek, um jim lep ham iran.

Lukas 11:25

Et wat yetpan aien, um ecetai neom eh mun ahre um yecrei:

Nupu Efesus 2:2

akis atga iran aijaua itu et idiva nedo an nobohtan ineig, um atahaijeg natimarid ineig et esjilid aien an nauanohatag, et esgan has aien et auritai anliinmopoi ilpu atimi imyipalea an naopan ineig:

1 Pitrus 5:8

AKUMU aminjina nedo unyimia aijaua, um aiji lahlah; et idim atga jipe a Tiapolo, natimi tak atimi iramia, et idivaig laion aunyauwaig, um ahilek atimi par auahas ra: