Lukas 11:22 - Intas Etipup

²² ja et wat apan ehelen natimi ineig et esjilid nemda o un iran, etpu leucse naga asega o un aien, is asgeig iran aien, um ahaig jipe niji itai o un.

Lukas 11:22 Iomraidhean Croise

Jenesis 3:15

ekpu lep ati namcel jipe vai euc im intakata ainyak, im lep vai ilpu hal unyum im inhal o un; etpu ehtoplec nidjinum aien, ja napu ehtoplec nijinalak an neduon aiek.

Eksotus 15:9

Is ika a natimi tak atimi irama, Ekpu apitac ainyak, ekpu esjilid ainyak, ekpu ahaig naga ura ainyak; ekpu ago ehni inmerit unyak ira ra ainyak; ekpu ahyausei nauitoga unyak ainyak, um auahas ra an nikmak.

Aiseya 27:1

AN nopan iyehki etpu ahcai Levaiadan a Ihova an nauitoga o un et ipjin um alupas um arig, nikavaig, nimyeuv iyehki et adia; im lep Levaiadan, nikavaig, nimyeuv iyehki et aleuc; etpu lep atgei nispeuv alupas iyehki aien et amen an jap.

Aiseya 53:12

Va nitai inigki ekpu ahaig itai imi yin ainyak ehele ilpu atimi et ahinag, etpu ahaig naga eris atoraliak an nedoa aien ehele ilpu atimi emda; vaig inig nikavaig, is dekjai nesgan aien um mas: eris esvi pan yin irai ilpu atimi imipalea; is lucsei nimtan nedo has u atimi is ahinag aien, etpu lep alaigaheni aien vai ilpu atimi imipalea.

Lukas 11:21

El et ikni nij va atimi tah natimi emda um aminjinaig neom o un, et amen upene naga o un:

Lukas 11:23

Aien et eti leh imi nyak aien, et tak atimi irak aien; aien et eti atau imi nyak aien par asjapicnaig itai, et eduoraprap aien.

Nupu Efesus 6:11

Akumu aso caua aijaua an napelumai asega u Atua uri edoa, va akupu emda aijaua par atapanes nedo efaifa u Tiapolo cai caua.

Nupu Efesus 6:13

va nitai ineigki akumu leh napelumai asega u Atua uri edoa aijaua, va akupu emda aijaua par atapanes itai an nadiat has; aku wit ahau ra asega aijaua, um aiji aktit.

Nupu Kolose 2:15

um ahau ilpu atimi alupas im ilpu atimi emda, um ehvai ra an nuhup u atimi asega, is idim esjilid ira ra aien ache.

1 Joanes 3:8

Aien et ago nedo has aien, is ahes ehele Tiapolo aien; is ago nedo has a Tiapolo itu acen um uhum pam. Va nitai ineigki, is idim ehcohos a Inhal o Atua, mika yi auahas nauritai u Tiapolo.

1 Joanes 4:4

Akis ahes ehele Atua aijaua, ak ilpu hal unyak, eka lep esjilid ira ra aijaua: et idim esjilid aien et amen aien ehelemia iran naico, et amen aien ehele atimi an nobohtan.