Lukas 11:19 - Intas Etipup

¹⁹ El ek ahlo ilpu agelo has ainyak vai Belsebub, era ahlo ra vai di a ilpu hal unyimia? va nitai ineigki erupu ated caua ara.

Lukas 11:19 Iomraidhean Croise

Nitaasviitai u Job 15:6

Et asuptecnaig nedo has unyum nipjineucsem aiek, ek eti asuptecnaig ainyak; maiya, et idim asaig nedo unyum nipjineucsem aiek.

Madius 10:25

Et upene vai natimi atahaijeg nidivai natimi esege imi yin vaig, um lep upene vai naheca nidivai natimi alupas o un vaig. Ele anvi nidai natimi alupas an neom par ika Bel-sebub, etpu esjilid intas has vai ilpu atimi o un.

Madius 4:24

Is apaahni intas vai yin an pece Sirya asega: eris imyiapan ehelen ilpu atimi emehe asega ara is acheiachei nemehe ira ra im nohocred, im ra eris amen ira ra a ilpu agelo has, im ra is ti lelra ara, im ra eris apalse ara; is ago cehcehe ra aien.

Lukas 19:22

Is ika ehelen aien. Ak naheca auatatimi, ekpu aru nedo has unyum ainyak et idivaig intas unyum: as ato aiek mika kis atimi ipjin ainyak, um asjapicnaig itai an nuarin ineig kis eti terimterim irai itai iran ainyak, um leucse itai an nuarin ineig kis eti ahoaig itai iran ainyak:

Lukas 9:49

¶ Is tas a Joanes, um ika, Ak Natimarid, ecris ecet tah aijama, is ahlo ilpu agelo has aien an nidam; ecris acaiji yin aijama va nedo o un, nikavaig, is eti ahced caija aien.

Niji auritai o ilpu Apostolo 19:13

¶ Eris ika a ilpu atimi ahraces, nupu Jutaia, atimi amen ehcid, eri taam tas an nidai Iesu Natimarid, ehele ra sji ehki eris amen ira ra a ilpu agelo has, um ika, Ecra acaiji caua aijama vai Iesu, aien aigki et asuptecnai yin a Paulo.

Nupu Roma 3:19

¶ Inta idim ato akaija, nikavaig, nitai iji eigki asega er ika an tas alep, er asaig ehele ra eris leh intas alep ara; va uhpu atapanes nipjineucse atimi asega, um lep ika era: atimi has natimi asega an nobohtan an nuhup u Atua.