Lukas 11:13 - Intas Etipup

¹³ El eka ato aijaua, ak ilpu atimi auatatimi, par alupai ilpu hal unyimia niji itai tup ahtai upene, et esjilid a Etmamia an nohatag par alupai ilpu atimi ugni yin Nesgan Upene.

Lukas 11:13 Iomraidhean Croise

Jenesis 8:21

Is ahgei nipin upene a Ihova; is ika inliinmopoi Ihova. Inki eti lep asan tas ahlaijaig nobohtan ainyak va atimi; et has naktaktai u inliinmopora ara an halav ura, um yetpan irai iji adiat; inki eti lep auahas niji itai umumoh asega ainyak, et idivaig kis mun ago ainyak.

Saam 51:5

Eris idim apos nyak an nedo has; is lep amen an nipjinetgai risik nauatatimi unyak.

Niji tas Arapakau 1:23

Adumoij pam aijaua an nacaiji caua unyak: ekpu idim atladwi Nesgak ainyak iramia; ekpu asuptecnaig intas unyak ainyak ehelemia.

Aiseya 49:15

Etpu ahnag an hadi o un a intakata, ka oʼo? um eti aiheuc vai inhalav atamaig inig is apos yin aien, ka oʼo? kit erupu ahnag irai ilpu hal ura ara, ja ekpu eti ahnag iram ainyak.

Esikiel 36:27

Ekpu ati Nesgak iramia ainyak, um ika aki apos intas alep unyak aijaua, akupu lep atahaijeg intas iji ig kis asaig ainyak aijaua, um imiaiji.

Joel 2:28

Etu wit ti pan itac nitai iji igki, ekpu atladwi Nesgak ira atimi asega ainyak; erupu ahidan tas a ilpu halav atamaig unyimia im ilpu halav atahig unyimia, erupu umjeg ahnag a ilpu fatimi unyimia, erupu ahuumtidec irai itai a ilpu takuras unyimia.

Madius 5:16

Etmu naunau inlah unyimia aijaua an nuhup o atimi, mika eri alum auritai upene unyimia ara, um imyiahpas Etmamia an nohatag.

Madius 5:45

va akupu ilpu hal o Etmamia an nohatag aijaua: et ika aien yi aridjai nagesega o un vai ilpu atimi auatatimi im ilpu atimi upene, et lep ika aien yi ehe vai ilpu atimi et atoh nedo ura im ilpu atimi et eti atoh nedo ura.

Madius 6:14

El eka eti aru tah nedo has o atimi vai caua aijaua, inyi ti aru tah nedo has unyimia a Etmamia an nohatag:

Madius 6:30

El et ucce nedo o Atua, va nefelelicai an nobohtan, et umoh inpeig, ja er erekhaigjai an cop an tak apnyin, etpu idim aso caua aien, et tintin nimyiisjis ninivaijec unyimia.

Madius 6:32

(era ahilek nitai iji eigki asega a ilpu atimi aupat:) et ato a Et-mamia an nohatag nitai iji eigki asega et upene vai caua.

Madius 7:11

El eka ato aijaua, ak ilpu atimi auatatimi, par alupai ilpu hal unyimia niji itai tup ahtai upene, et esjilid a Etmamia an nohatag par alupai ilpu atimi ugni yin niji itai upene.

Lukas 11:12

el et ugni inhaklin jaa aien, inyi ti alaan nispeuv aien.

Lukas 11:2

Is ika ehele ra aien, Aku wit alaigaheni aijaua, um ika, Ak Etmama an nohatag, Etmu itaup nidam. Etmu yetpam nelcau unyum. Uhmu imyiaiji intas unyum an nobohtan, et idivaig an nohatag.

Lukas 18:7

Etpu aru a Atua, ka oʼo, va atimi is ehtai ra aien, era idim ugni yin ara irai iji adiat im niji epeig, et wat eti tas ehele ra aien?

Joanes 4:10

Is tas a Iesu, um ika ehelen, El et ato nitai tup ahtai o Atua aiek, im lep yin et ika ehelum aien, Alumak tah inwai aiek; el et ugni yin aiek, el et par alumam inwai umoh aien.

Niji auritai o ilpu Apostolo 2:38

Is um ika ehele ra a Pitrus, Akumu adumoij anliinmopomia aijaua, um leh nabaptiso iramia asega an nidai Iesu Kristo, va uhpu eti aru nedo has unyimia; akupu leh nitai tup ahtai ineig aijaua, Nesgan Upene:

Nupu Roma 5:17

Et idim esjilid inmas vai natimi et ethi, va nedo has o un; etpu idim ucco, erupu umumoh upene vai natimi et ethi, Iesu Kristo marom, ara sji eigki era leh naiheuc esjilid o Atua ara, nikavaig, nitai tup ahtai ineig eris ika et atoh nedo ura vaig.

Nupu Roma 7:18

Ek ato ainyak mika et eti amen tah nitai upene ehelek, nikavaig, an nohuk: ek idim merit ainyak, jam eti ato par ago nedo ineig et upene.

Nupu Roma 8:32

Aien is eti imyiaaij Inhal o un aien, jam ahtai yin vai caija asega, etpu idim tup alupai caija niji itai asega aien ehelen.

Taitus 3:3

Intis idim ahnag akaija itu acen, um imyipalea, um imyiisjis nahcil, um aheca u inmerit has u inliinmopja im niji itai imyiacitak acheiachei jipe, um ago nedo edemda im nedo auatitai, um acen inliinmopoi atimi vai caija, um amcel jipe vai caija.