Lukas 10:42 - Intas Etipup

⁴² ja et upene nitai et ethi ache: et mun leh nitai upene ineig a Mere, eri eti lep atipagki ehelen.

Lukas 10:42 Iomraidhean Croise

Saam 119:111

Kis leh intas alep unyum ainyak, um apol iran, um yetpan irai iji mesese asega: et idim imiacitak inliinmopok ainyak vaig.

Saam 119:173

Namu atau imi nyak aiek an nikmam; ek idim merit vai intas alep unyum ainyak.

Saam 119:30

Ek mun merit va nedo inveijec ainyak: ek mun ati nedo atoh va atimi unyum an nuhup unyak ainyak.

Saam 142:5

Ak Ihova, et mun ahlaig vai euc ainyak: ek mun ika ainyak, Na uarin atpuh iran unyak aiek, im niji itai upene unyak an pece u ilpu atimi umumoh.

Saam 17:15

Ja ekpu almoi nesganimtam ainyak pan au nedo atoh unyak: eku wit nusjai ainyak, ekpu imiacitak ainyak va nehcohos pam unyum.

Saam 27:4

Ek mun ugyi nitai et ethi ainyak ehele Ihova, ekpu lep ahilek nitai inigki ainyak; mika ki amen ainyak anliin neom o Ihova irai iji adiat au numoh unyak, um almoi nesganimtai Ihova, um ahodai itai an neom itap o un.

Saam 73:25

Et amen an nohatag a di vai nyak? aiek ache; ek lep eti merit vaig tah an nobohtan ainyak, vai euc ache.

Natimi Efehtas 12:13

Intumu atahaijeg nesgan tas iji igki asega akaija: nikavaig, Namu imtitai Atua aiek, um imiaiji niji tas alep o un: nedo upene asega nigki, eris idim ika eri ago natimi.

Markus 8:36

Et eti upene vaig tah natimi inlehvaig nobohtan asega, um auahas nesgan.

Lukas 10:39

Is eteuc etoan, nidan Mere, is ateucse aien u neduei Iesu, um atahaijeg intas o un.

Lukas 11:1

IS alaigaheni aien an nuarin is ethi, wat atiid, is ika ehelen natimi atahaijeg yin is ethi, Ak Natimarid, esege nalaigaheni imi cama aiek, et idivaig is esege imi ilpu atimi atahaijeg yin a Joanes.

Lukas 12:20

Ja is ika ehelen a Atua, Ak natimi ahnag, uhpu atipagki nesgam iram an nepeig ineigki; etpu ohuun nitai iji eigki a di as asjapicnaig aiek?

Lukas 12:33

Akumu ahtai niji itai unyimia aijaua, um alupai ilpu ihki atimi itai tup ahtai; akumu ago cat imi caua aijaua yi ti mutit, um ikni padiaig unyimia esjilid an nohatag yi pu amen, inyi eti apan eahki tah natimi ehneg itai, um eti ehcai itai nages.

Lukas 16:2

Is ahlaig vai yin aien, um ika ehelen. Nev edo ineigki unyum ek mun atahaijeg vaig ainyak? asuptecnaig nedo unyum aiek; et ehka vai euc inlep aheca unyak vaig.

Lukas 16:25

Is ika a Ebraham, Ak inhal unyak, namu imyiehva aiek as leh niji itai upene unyum aiek an numoh unyum, um lep leh niji itai has a Lasarus; ja et imyiacitak aien an naopan ineig, et erekinman iram aiek:

Lukas 18:22

Is wat atahaijeg nitai iji eigki a Iesu, is ika ehelen aien. Nai eti ago nitai et ethi aiek: namu ahtai niji itai asega unyum aiek, um alupai ilpu ihki atimi, napu idim leh niji itai upene an nohatag aiek: um lep apam aiek, um apitac nyak.

Lukas 8:18

Va nedo ineigki, akumu atahaijeg aijaua um aktaktai upene: aien et o un itai, uhpu alupai yin; aien et eti o un itai, uhpu atipagki ehelen niji itai o un et ika aien o un.

Joanes 11:1

IS emehe natimi is ethi, nidan Lasarus, Bedane, inuarin-pece o Mere im Marda etoan.

Joanes 11:19

eris apan ehele Marda im Mere a nupu Jutaia is ahinag, par ataraces rau vai natamaig ira rau.

Joanes 12:3

Is leh nitai aspi nidincai upene nipin a Mere, is idim esjilid, is apapa pan a paunt is ethi, um aspi neduei Iesu irara, um yiri mese neduon irai umri idjinin: is apaahni nipin nitai aspi iyehki anliin neom asega.

Joanes 17:3

Nitai umoh iran ineig inyi ti lep ti ineigki, mika eri ato euc ara, nikavaig, na Atua inivaijec ache aiek, im Iesu Kristo, as abraig yin aiek.

Joanes 4:14

ja aien inyi umnyi inwai ineig aien ekpu aluman ainyak, inyi ti lep ahvig wai aien irai iji mesese; inwai ineigki ekpu aluman ainyak inyi imtanwai anliinmopon, um ahlau ohua sjai nitai umoh iran inyi ti lep ti.

Joanes 5:24

Et idim inivaijec ineig ek asaig ehelemia ainyak mika, Aien et atahaijeg intas unyak aien, imi asgeig iran is abrai nyak aien, et leh nitai umoh iran ineig aien inyi ti lep ti, inyi ti lep leh neru va nedo has o un aien; is aha vai inmas aien um leh nitai umoh iran.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

1 Nupu Korindus 13:3

el ek ahtai niji itai asega unyak ainyak um alayi ilpu ihki atimi, um lep atceijaig nohuk mika eri atnamud, jam eti aiyu inliinmopok va atimi, inki ti leh nimtan ainyak.

Nupu Calesya 5:6

Et takitai irai Iesu Kristo naperitome, um lep takitai neti aperitome; jam upene ache nimyiisjis ninivaijec o un tah et ahes iran naiyu u inliinmopon.

Tyuteronome 30:19

Er idim ato an nohatag im nobohtan an nadiat inigki, mika ek: mun ati ainyak nitai umoh iran im lep inmas an nuhup unyimia, im lep nitai upene im nitai has: akumu leh nitai umoh iran aijaua, va akupu umumoh aijaua im ilpu hal unyimia:

Josua 24:15

Ja eh et eti upene iramia par aheca u Ihova, akumu asaig aijaua aji nadiat inigki mika aki aheca u di aijaua: kit ilpu atmas iji ehki eris aheca ura a ilpu retpomia an nahaijin nofowai igcapan, ka ilpu atmas u nup Emor eka amen an pece ura aijaua: ja ekpu idim aheca u Atua ainyak im lep ra an nimnim unyak.

Josua 24:22

Is ika a Josua ehele atimi, Eka ato nedo unyimia aijaua, nikavaig, eka mun asaig aijaua mika akupu aheca u Ihova aijaua. Eris ika ara, Ecra ato aijama.