Lukas 10:37 - Intas Etipup

³⁷ Is ika aien, Aien is aiheuc vai yin aien. Is ika ehelen a Iesu, Apan aiek, um ago nedo yi idivaig ineigki.

Lukas 10:37 Iomraidhean Croise

Niji tas Arapakau 14:21

Aien et amcel vai ilpu ihki atimi aien, et ago nedo has aien: ja aien et aiheuc vai ilpu ihki atimi aien, et mun ahesmoij aien.

Hosia 6:6

Kis idim merit alupas ainyak vai nedo aiheuc, ja kis merit tintin ainyak vai niji itai ahlap; kis merit alupas ainyak nato itai vai Atua, ja kis merit, tintin ainyak va niji itai ahlap atnamud.

Maika 6:8

Ak natimi inigki, et mun ehvaig ehelum a Atua nitai inig et upene; et idim merit a Ihova va nitai iji igki ache ehelum, mika an ago nedo atoh aiek, um merit alupas va nedo aiheuc, um apol ira Atua unyum an liinmopom upoupo.

Madius 20:28

et idivaig Inhal o natimi; is eti ham aien mika eri aheca o un natimi, ja par aheca ura aien, um ahtai nitai umoh iran o un nimtan va atimi et ahinag.

Madius 23:23

Aʼa, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka ahtai nefelelecai auanipin upene aijaua im nefelelecai acas, jam ude niji itai esjilid an tas alep, nedo atoh, im naiheuc va atimi, im nedo inivaijec: et upene vai caua nagovaig nitai iji eigki, jam eti ude nedo iyehki.

Lukas 10:36

Nai ika aiek, is atimi eblaamnem u natimi iyehki a di irai ehtaij raigki, is ohpoosei ilpu atimi ehneg itai aien?

Lukas 10:38

ERIS wat atga ura ara, is apan aien an nuarin-pece is ethi: is leh pan yin anliin neom o un a intakata is ethi, nidan Marda.

2 Nupu Korindus 8:9

Eka idim ato naiheuc o Iesu Kristo Natimarid uja aijaua, nikavaig, is ikni itai aien, ja is ihki natimi aien vai caua, mika aki ikni itai aijaua va nihki natimi o un.

Nupu Efesus 5:2

um aiyu jipe u inliinmopomia vai caua, et idiva naiyu u inliinmopoi Kristo vai caija, is ispun ahtai yin aien mika eri atgei yin, nitai ahlap vai Atua, nitai auanipin upene.

1 Pitrus 2:21

Eris idim imyiacaij caua va nitai ineigki: is idim lep ohocred a Kristo vai caija, um uhup um asjaaicnaig an nefalaig imi caija, mika aki apitac aijaua an nugnyan neduon:

Nitai ehvaig 1:5

im lep ehele Iesu Kristo, natimi asuptec naiginivaijec, um metto irai ilpu atimi anusjai vai inmas ura, um esjilid irai ilpu atimarid an nobohtan. Aien aigki is aiyu inliinmopon aien vai caija, um yiri caija vai edo has uja an ja iran,