Lukas 10:34 - Intas Etipup

³⁴ um apan ehelen, um atladwi naraki im waina an macop iran, um arore, um atijai yin an nifo o un, um imyiapan yin an neom ehele atimi asega is ethi, um aminjinai yin.

Lukas 10:34 Iomraidhean Croise

Jenesis 42:27

Is wat ahiyi incat o un tah ira ra par alayi togke o un an nimnim atumop iran, is ecetai mune o un aien; is idim amen ijinies an neucsen cat o un.

Saam 147:3

Et ago cehcehe ra sji igki aien et auatialidi inliinmopora ara, um aso inmocop ira ra.

Eksotus 4:24

Is ehcohos ehelen a Ihova an nefalaig an neom atumop iran, um ika yi atgei yin.

Markus 14:8

Et mun ago nedo ineigki aien et emda aien par ago: et mun ham aien, um uhup um aspi nohuk va natelmoi nyak.

Lukas 10:33

Ja is atga an nefalaig iyehki a nupu Samerya is ethi, um apan an nuarin iyehki; is wat alum yin aien, is aiheuc vai yin aien,

Lukas 10:35

Is wat lahlah an tak apnyin, is wat atga o un aien, is alupai natimi is o un neom nuari-mune is ero aien, um ika ehelen, Aminjinai yin aiek: el et lep auanimtan tah nitai vai yin aiek, eku wit lep apam ainyak, ekpu lep leh nimtan imi euc ainyak.

Lukas 2:7

Is apos inhalav atamaig o un aien inmetto, um aso pam yin an napelumai, um ati yin an nelcau hag o kurimatau; is ti inuarin ineig eru amen iran arau anliin neom ehele atimi asega.

Nupu Roma 12:20

Va nitai ineigki, el et ehtele yin a natimi tak atimi iram, alaan nitai caig; el et ahvig wai aien, aluman: napu atijai an nidjinin aiek inmehlan cop an nedo ineigki.

1 Nupu Desalonaika 5:15

Almoi vai yi jim aru nedo has o un tah natimi tah an nedo has; jam ahilek nitai iji eigki irai iji adiat et upene vai caua jipjipe, im lep va atimi asega.