Lukas 10:22 - Intas Etipup

²² Is ikni niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Lukas 10:22 Iomraidhean Croise

Madius 11:25

¶ An naopan iyehki is tas a Iesu, um ika, Ek naaurineig ainyak vai euc, ak Etmak, Natimarid an nohatag im nobohtan, va nitai ineigki, nikavaig, na adenaig nitai iji eigki aiek vai ilpu atimi arapakau, im ilpu atimi esjilid an nato itai, jam asuptecnaig ehele ilpu halav:

Madius 11:27

Is ati niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Madius 28:18

¶ Is apan a Iesu um tas ehele ra, um ika, Eris ati nemda asega imi nyak an nohatag im nobohtan.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 10:15

et idivaig nato nyak o Etmak, im lep nato Etmak unyak: ek ahtai nitai umoh iran unyak ainyak vai siip unyak.

Joanes 13:3

is ato a Iesu, nikavaig, is ati niji itai asega an nikman a Etman, is idim ahes ehele Atua aien, ja par npan ehele Atua;

Joanes 17:10

Et unyum niji itai asega unyak, um lep unyak niji itai asega unyum; et ehvaig natimi alupas unyak vaig.

Joanes 17:2

as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Joanes 17:26

Ek mun asuptecnaig nidam ehele ra ainyak, ekpu lep asuptecnaig ainyak; mika yi aiyu inliinmopom aiek vai ra, et idivai naiyu u inliinmopom vai nyak, ekpu lep amen ehele ra ainyak.

Joanes 17:5

Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.

Joanes 3:35

Et aiyu inliinmopoi Etmak vai Inhal o un, is ati niji itai asega ehelen aien.

1 Nupu Korindus 15:24

Etpu yetpam nehni o itai an naopan iyehki, et wit atceija nelcau o un aien imi Atua, et Etman aien; ja etpu uhup aien um atipagki natimarid asega, im natimi alupas asega, im nemda asega.

2 Nupu Korindus 4:6

Atua ineig is ika aien yi cespan naupat naijoran lah, um lep ika aien yi cespan inliinmopok naijoran lah, mika ki lah ainyak, um ato natimi alupas o Atua, an nesganimtai Iesu Kristo.

Nupu Efesus 1:21

mika yi esjilid aien irai ilpu atimarid asega, im ilpu atimi alu-pas, im ilpu atimi emda, im ilpu atimi esjilid, im lep atimi asega er anvi nidara an naopan ineig, im lep an naopan iyehki etpu yetpam:

Ilpu Hibru 2:8

as ikni niji itai asega ithan neduon aiek.” Is wat ikni niji itai asega ithan aien, is eti ude tah nitai ineig aien, is eti ati ithan. Ja inta eti ecetai niji itai asega ithan akaija an naopan ineig.

1 Joanes 5:20

Inta lep ato akaija, nikavaig, is ham a Inhal o Atua, is lep alupai caija narapakau aien, mika ti ato yin akaija et inivaijec aien: inta lep amen ehelen akaija et inivaijec aien, Iesu Kristo Inhal o un. Atua inivaijec neigki, im lep nitai umoh iran ineig inyi ti lep ti.

2 Joanes 1:9

Ara asega era imyipalea ara, um eti apol an nesege u Kristo, et eti amen ehele, ra a Atua. Aien et apol an nesege u Kristo aien, et amen ehelen a Etman, im lep Inhal o un.