Lukas 10:20 - Intas Etipup

²⁰ akumu jim imyiacitak aijaua va nitai ineigki, nikavaig, eka esjilid irai ilpu agelo has aijaua; jam imyiacitak va nitai ineig, nikavaig, er aged nidamia an nohatag.

Lukas 10:20 Iomraidhean Croise

Saam 69:28

Uhmu ohpodohpod nidara an nitaasviitai vai ilpu atimi umumoh, um jim aged nidara tup ethi ache pan nai ilpu atimi upene.

Eksotus 32:32

Ja el et iknipagki nedo has ura aiek—; ja el eh eti ago, ek ugyi euc ainyak, mika an atipagki nidak aiek an nitaasviitai unyum as aged aiek.

Aiseya 4:3

Etpu idim uco, nikavaig, ara uhpu udei ra Saion, um lep ara erupu amen Jerusalem ara, eri anvi nidara par ika ilpu atimi upene, ara asega marom, er aged ra irai ilpu atimi umumoh Jerusalem:

Jeremaia 17:13

Ak Ihova, Atua inig era asgeig iram a nup Isreel, erupu ehcamai ara asega era udei euc ara, uhpu aged nidara an nobohtan era atcijaig nyak ara, vaig inig nikavaig, era mun udei Ihova inig ara et imtanwai weimu aien.

Esikiel 13:9

Etpu yetpam nikmak ainyak irai ilpu profeta iji ig era asuptecnaig intakitai ara, um ago nedo ahcil u ilpu atimi itap: erupu eti amen ara an nasjapicnaig u ilpu atimi unyak, uhpu eti aged nidara an nitaasviitai vai nup Isreel, im lep inig, erupu eti apan an pece Isreel ara; akupu idim ato aijaua mika ek atimarid ainyak Ihova.

Taniel 12:1

AN nopan iyehki etpu atidai a Maikel, natimi alupas esjilid et atidai aien va atimi an pece unyum: etpu yetpam tah nopan ohocred et ethi, is eti uce tah nopan ohocred, ahes an nopan natupun ira atimi um yetpam an nopan inig: ja an nopan iyehki eri imiatamaig nup uran pece unyum, ra sji igki asega marom uhpu aged nidara an nitaasviitai u Atua.

Madius 10:1

IS asjapicnaig ilpu atimi atahaijeg yin is twelv ehelen aien, um alupai ra nemda, mika eri ahlo ilpu agelo has ara, um iknipagki nemehe asega ira atimi im nauatialidi ira ra.

Madius 26:24

et apan a Inhal o natimi et idivaig eris aged vai yin: ja aʼ a, auwe vai nat naico etpu aniv Inhal o natimi aien! el is upene vai nat naico, el eris eti apos yin.

Madius 27:5

Is ethaigse inuari silver iji ehki aien anliin neom ahlap, um atga o un, um apan, um ispun alcinwan.

Nupu Filipai 4:3

Ek lep ugni euc ainyak, ak natimi atau imi nyak inivaijec, mika an atau imi ohwat raigki aiek, erus ehrauritai ehelek arau an tas-upene, im lep Klement, im ilpu atimi imtaam auritai ehelek et eche, eris aged nidara an nitasvitai va nitai umoh iran.

Ilpu Hibru 12:23

im ilpu atimi et ahinag er asjapicnaig, im nup an nakalasia ilpu metto, er esvi ra an nohatag, im Atua ineig etpu asuptecnaig nimtan imi atimi asega aien, im nesgai ilpu atimi upene era upene asega ara,

Nitai ehvaig 13:8

Erupu alaigaheni vai yin natimi asega erupu amen ara an nobohtan, eris eti aged nidara an nitasvitai va nitai umoh iran u Lam ineig, eris atgei yin an naopan iyehki is pam eti eteuc nobohtan.

Nitai ehvaig 17:8

Is upyi eteuc nitai aleg iyehki as ecetai aiek, ja et ti emda aien an naopan ineig; etpu ahes an nehpanitai ineig aien er eti ecetin nehni o un, um aridjai, ja par apan an pece has: erupu imyiali natimi amen an nobohtan, eris eti aged nidara an nitasvitai va nitai umoh iran an naopan iyehki is pam eti eteuc nobohtan, eru wit ecetai nitai aleg ineig ara is upyi eteuc aien, ja et ti emda aien an naopan ineig, ja et mun lep eteuc.

Nitai ehvaig 20:12

Kis alum ilpu atimi emesmas ainyak, ilpu atimi alupas im tup atimi, naijivaig an nuhup u Atua; eris algei niji itasvitai: eris lep algei nitasvitai is ethi is eche, nikavaig, nitasvitai va nitai umoh iran: eris asuptecnaig nimtan imi ilpu atimi emesmas, et idivaig intas eris aged irai itasvitai iji ehki, is idivai edo ura.

Nitai ehvaig 20:15

Ara asega eris eti aged ra an nitasvitai va nitai umoh iran, eris ethaigse ra anliin netpin amen incop iran.

Nitai ehvaig 21:27

Inyi ti apan iran tah nitai has, ka tah et ago nitai er amcel vaig, ka tah natimi asan tas ahcil; ara sji eigki ache eris aged ra an nitasvitai u Lam va nitai umoh iran.

Nitai ehvaig 3:5

Aien et esjilid aien, uhpu aso yin ira apelumai ahi, ekpu eti ohpodohpod nidan ainyak an nitasvitai va nitai umoh iran, ja ekpu asuptecnaig nidan ainyak an nuhup u Etmak, im lep an nuhup u ilpu agelo o un.