Lukas 10:2 - Intas Etipup

² Is um ika ehele ra aien, Et idim ahinag nohoai itai, ja era eti elpat a ilpu atimi asjapicnaig: akumu ugni Natimi alupas ohuun nohoai itai aijaua, mika yi abraig pan ilpu atimi asjapicnaig nohoan aien.

Lukas 10:2 Iomraidhean Croise

1 Ilpu Atimarid 18:22

Is ika a Elaija ehele atimi, Ek ahre ilpu profeta u Ihova ache ainyak; ja era atimi et for huntret im fifte (450) ilpu profeta u Beal.

Saam 68:11

Etpu asan tas upene a Natimarid: erupu ahinag ara sji igki, eri imiapaahni intas iyehki ara.

Jeremaia 3:15

ekpu alupai caua ilpu atimi aminjinaig caua ainyak et idivaig inliinmopok, erupu aminjinaig caua ara an nato itai im narapakau.

Sekaraia 11:17

Awe, kaiheuc vai natimi asgi siip et takitai aien, um udei inpak irai siip o un! etpu amen nauitoga an nikman, im lep an nesganimtan inmatan; etpu urauo nikman aien, um apat asega nesganimtan inmatan.

Sekaraia 11:5

era atgei ra a ilpu atimi ohuun ra, ja era ika ara era eti ago nedo has ara vaig: era lep ika a ilpu atimi ahtai ra va mune, athi um athi ehni, Naaurinig vai Ihova; ek ikni itai ainyak: et lep eti aiheuc vai ra tah irai ilpu atimi asgi siip ura.

Numera 11:17

Ekpu lep asuol ainyak um tas ehelum eahki: ekpu ika ainyak inyi idivaig inliinmopom inliinmopora ara; erupu asipiaig nohocred unyum va atimi ara, va an jim echim apos aiek ache.

Numera 11:29

Ja is ika ehelen a Moses, Jim auatitai vai rau vai nyak; ek merit ainyak mika eri ilpu profeta u Ihova natimi asega, um lep alupai ra Nesgan Upene a Ihova!

Madius 20:1

Nelcau an nohatag et idivaig natimi alupas is ethi, is alau ijo aien an nuhuhialeg, um ahilek atimi mika eri auritai ara anliin nekaro vaine o un:

Markus 13:34

Et idivaig natimi et ethi a Inhal o natimi, et apan aien itac acen, um ude neom o un, um ika ehele ilpu aheca o un eri ohuun, um asuptecnaig ehele atimi asega nauritai imi ra, um tas ehele natimi aminjinaig neom mika yi aminjinaig upene aien.

Markus 16:15

Is um ika ehele ra aien, Akumu apan aijaua irai iji pece asega, um asuptecnaig intas-upene ehele atimi asega.

Markus 16:20

Eris apan ara, um asuptecnaig intas irai iji uari pece asega; is auritai ehele ra a Natimarid, um ago ipjin intas ura irai iji auritai ehka is apitac ira ra. Emen.

Lukas 9:1

IS asjapicnaig ilpu atimi atahaijeg yin is twelv aien, um alupai ra nemda mika eri esjilid irai ilpu agelo has asega ara, um lep iknipagki nemehe ira atimi:

Niji auritai o ilpu Apostolo 11:19

IS wat eteuc nohocred iyehki is atupun an natgei Stifanus, eris apan Finaisi im Saiprus im Anteok ara sji ehki eris terimterim ara, um asuptecnaig intas ehele nupu Jutaia ache.

Niji auritai o ilpu Apostolo 13:2

Eris wat alaigaheni vai Natimarid ara um atwakam, is um ika a Nesgan Upene, Akumu idim ati imi nyak Barnabas im Saulo aijaua, va nauritai ineig kis ati rau vaig ainyak.

Niji auritai o ilpu Apostolo 13:4

¶ Is wat abraig pan rau a Nesgan Upene, erus apan Selusea arau: erus lep ahes eahki arau um atau an nelcau, um apan alaig Saiprus.

Niji auritai o ilpu Apostolo 20:28

Akumu aminjinai caua aijaua, im lep siip o un asega is ikni caua ilpu atimi aminjinai ra a Nesgan Upene, par alayi nup an nakalasia o Atua, is auarimta ra aien an ja iran.

Niji auritai o ilpu Apostolo 22:21

Is um ika ehelek aien, Apan aiek: ekpu abrai euc ainyak mika an apan aiek itac acen ehele nup urai taka pece.

Niji auritai o ilpu Apostolo 8:4

Va nedo ineigki eris apan irai iji uari-pece ara sji eigki eris terimterim ara, um asuptecnaig intas-upene.

1 Nupu Korindus 12:28

Is ikni nahaiji atimi a Atua an nakalasia o un, uhup irai ilpu apostolo, ja par apitac irai ilpu profeta, im lep ilpu atimi esege, im lep ilpu atimi ago niji auritai esjilid, im ilpu atimi ago cehcehe atimi, im, ilpu aheca, im ilpu atimi tas alep, im ilpu atimi tas an tas irai iji pece.

1 Nupu Korindus 15:10

Ja et ahes an naiheuc o Atua nedo unyak asega: is eti takitai naiheuc o un vai nyak; ja kis auritai ainyak um esjilid ira ra asega: ja kis eti ispuk ago ainyak, jai naiheuc o Atua is amen ehelek.

2 Nupu Korindus 6:1

IM lep ineig, ek ated caua ainyak, natimi ehrauritai ehelen, mika aki jim leh has naiheuc o Atua aijaua;

Nupu Filipai 2:21

era aktaktai niji itai ura ache natimi asega, jam eti aktaktai niji itai u Iesu Kristo;

Nupu Filipai 2:25

Jai kis aktaktai ainyak mika, et upene nabraig pam vaig Ipafrotaitus ehelemia, et etoak aien, um atimi imtaam auritai ehelek, um eucsupo atau imi nyak, jai naheca unyimia, im lep natimi is aiheuc vai nyak aien an nihki natimi unyak:

Nupu Filipai 2:30

va nitai ineig, nikavaig, is ubutpotet u unmas o un aien va nauritai u Kristo, ja is eti imyicoho nohun aien, mika yi asitu iramia, um ago ehni naheca ineig vai nyak, akis eti ago aijaua.

Nupu Kolose 1:29

ek idim auritai ainyak va nitai ineigki, um imyiisjis emda et idiva nauritai o un et auritai emda irak aien.

Nupu Kolose 4:12

Et aiheuc vai caua a Epafras, et up uran pece unyimia aien, um lep aheca u Kristo, et ugni emda vai caua aien irai iji adiat ira alaigaheni, mika aki aiji aktit aijaua um upene asega an tas asega o Atua.

1 Nupu Desalonaika 2:9

Eka imyiehva aijaua, ak ilpu etoak, nauanaheca unyak im nauritai: kis ago itai ainyak irai iji adiat im niji epeig, vai ki jim ehtipidaig tah caua ainyak, um asuptecnaig ehelemia intas-upene o Atua.

1 Nupu Desalonaika 5:12

EK lep ugni caua ainyak, ak ilpu etoak, mika aki ato ra aijaua era auritai ehelemia ara, um aminjinai caua irai Natimarid, um ated caua;

2 Nupu Desalonaika 3:1

IM lep ineig, ak ilpu etoak, akumu alaigaheni vai nyak aijaua, mika yi auroauro um apaahni intas o Natimarid, um esjilid, et idivaig ehelemia;

1 Timodeus 4:10

Va nitai ineigki inta auritai akaija, um leucse nohocred vai intas has u atimi, ja inta aitgai Atua umoh ineig akaija, et imyiatamaig atimi asega aien, jam imyiatamaig esjilid ilpu atimi asgeig iran.

2 Timodeus 4:5

Jam aminjinai euc aiek an niji itai asega, um leucse nohocred, um ago nauritai u natimi asuptecnaig intas-upene, um ago ehni nauritai unyum.

Filimon 1:1

AK etoamrau Filimon, natimi imtaam auritai ehelemrau, ecrau aiheuc vai euc aijumrau, Paulo, natimi ineig eris arore nyak vai Iesu Kristo, im Timodeus etoaijau,

Ilpu Hibru 3:6

ja et idivaig Inhal o un a Kristo, um esjilid anneom o un; inta lep eom o un akaija, ele ta apol aktit akaija an tas emda, im nitai ineig inta aitgaig akaija um tas alupas vaig, um yetpan an nehni o un.

Nitai ehvaig 2:1

NAMU aged intas aiek imi nagelo an nakalasia Efesus, um ika, Et asan tas iji eigki aien, et asjiraig inmoijeuv et seven an matan aien, um atga an niblai lamp colt et seven, um ika,