Lukas 10:16 - Intas Etipup

¹⁶ Aien et atahaijeg caua aien, et idim atahaijeg nyak aien; aien et amcel vai caua aien, et idim amcel vai nyak aien; aien et amcel vai nyak aien, et idim amcel vai yin aien is abrai nyak aien.

Lukas 10:16 Iomraidhean Croise

Eksotus 16:7

etu wit lahlah an nuhialeg, akupu ecetai natimi alupas u Ihova aijaua; et idim atahaijeg intas edemda unyimia aien vai Ihova: ecrau lep he aijumrau, mika eka edemda vai cumrau aijaua?

Eksotus 16:8

Is ika a Moses, Akupu ato nitai inigki aijaua, etu wit alupai caua nitai caig incamia a Ihova an jupura, im lep nitai caig an nuhialeg, akupu geije iran aijaua; et idim atahaijeg a Ihova intas edemda iji ig eka asaig vai yin aijaua: ecrau he aijumrau? eka eti asan tas edemda vai cumrau aijaua, ja vai Ihova.

Malakai 1:6

Et ecen vai etman a inhal o un, et lep ecen vai natimi alupas o un a naheca o un: ek idim etmai ilpu atimi unyak ainyak, ja era eti ecen vai nyak ara; ek idim atimi alupas u ilpu aheca unyak ainyak, ja era eti imtitai nyak ara; et uce intas o Ihova ehelemia, ak ilpu atimi ahlap iji igki, eka amcel vai nidak aijaua. Ja eka ika aijaua, Ecra mun amcel vai nidam an he aijama?

Numera 14:11

Is ika a Ihova ehele Moses, Erupu imiedohalav nyak natimi iji igki um yetpan an nahopan? erupu eti imiisjis ninveijec vai nyak ara um yetpan an nahopan, va niji itai asjaaicnaig asega kis ehvaig ehele ra ainyak?

Numera 14:2

Eris ehti Moses im Eron a nup Isreel asega: eris lep ika ehele rau natimi asega, El ecris emesmas aijama an pece Ijipt el is upene! el ecris emesmas aijama an namasacen inigki el is upene!

Numera 16:11

Va nitai inigki eka mun asjapicnaig aijaua asega vai Ihova: di nigki Eron mika aki asan tas has vai yin aijaua?

Madius 10:40

Aien et leh caua aien, et leh nyak aien; aien et leh nyak aien, et leh yin aien is abrai nyak aien;

Madius 18:5

aien et leh tah inhalav aien, et idivaig inhalav ineigki, va nidak, et leh nyak aien:

Markus 9:37

Aien et leh inhalav et idivaig ineig aien an nidak, et leh nyak aien; aien et leh nyak aien, et eti leh nyak ache aien, ja et leh yin aien is abrai nyak aien.

Lukas 9:48

um ika ehele ra, Aien etpu leh inhalav ineigki an nidak aien, et leh nyak aien; aien etpu leh nyak aien, et leh yin aien is abrai nyak aien: aien et upoupo aien iramia asega, etpu esjilid aien.

Joanes 12:44

¶ Is efehtas a Iesu, um ika, Aien et asgeig irak aien, et eti asgeig irak ache aien, ja et lep asgeig iran aien is abrai nyak aien.

Joanes 12:48

et eteuc tah par aru nedo o un et esjum vai nyak aien, um eti leh niji tas unyak: uhpu asuptecnaig nimtan imi yin an nadiat apitac an tas ineigki ek mun asuptecnaig ainyak.

Joanes 13:20

Et idim inivaijec ineig ek asaig ehelemia ainyak mika, Aien et leh ra aien ek abrai ra ainyak, et leh nyak aien; aien et leh nyak aien, et leh yin aien is abrai nyak aien.

Niji auritai o ilpu Apostolo 5:4

as wat eti ahtai aiek, is unyum; ja na wat ahtai aiek, is lep unyum nimtan: na auri aiek par aktaktai nitai ineigki anliinmopom? na eti ahcil aiek ehele atimi, jai ehele Atua.

Nupu Calesya 4:14

akis eti amcel vai nyak aijaua, um eti esjum vai nyak va nohocred an nohuk; ja akis leh nyak aijaua is idiva nagelo o Atua, um lep idivai Iesu Kristo.

1 Nupu Desalonaika 4:8

Va nitai ineigki aien et imyipalea aien, et eti imyipalea atimi aien, jai Atua, aien aigki is lep alupai caija Nesgan Upene aien.