Lukas 10:15 - Intas Etipup

¹⁵ Ak nupu Kaperneum, eris atijai caua an nohatag, ja uhpu ethainse caua sepagko an naupat.

Lukas 10:15 Iomraidhean Croise

Jenesis 11:4

Eris ika ara, Ti apan akaija um actaig inmaliyum, um lep actaig neom ijinies yi ethi yi ahlau jai an nohatag; um ati aktit nidaija, vai ti jim terimterim jipe akaija an nobohtan asega.

Aiseya 5:14

Va nitai inigki et ika a Uma atmas yi alupas, et mun asalgei alupas nipjineucsen: era lep asuol sepan iran a ilpu atimi alupas ura, im tup natimi et ahinag ura, im ilpu atimi esjilid ura, im ilpu atimi imiacitak ura,

Jeremaia 51:53

Et ika a Ihova, El era mun aridjipam an nohatag a nup u Babelon, im lep inig, el era mun ago emda nuarin ijinies an nemda ura ara, ja erupu ahes ehelek a ilpu atimi atoraliak itai, um apan ehele ra.

Esikiel 26:20

Eku wit imiasuol caua ainyak ehele ra sji ig era asuol an nehpanitai ara, ehele ilpu atimi emesmas itu acen, um iknise caua irai uarin nobohtan sepagko, irai uarin iji ig is umaruma itu acen, ehele ra sji ig era asuol an nehpanitai ara, mika eri jim amen natimi an maliyum unyimia; um jim imiahpas caua ehele ilpu atimi umumoh.

Esikiel 31:18

Na mun idivaig di aiek an natimi alupas unyum im nemda unyum irai iji cai Itena? ja erupu imiasuol euc ara ehele niji cai Itena irai uari obohtan sepagko: napu asjeuc aiek ehele ilpu atimi apat ehele ra sji ig eris atgei ra an nedoa. Et ika a Natimarid Ihova: Fero mun igki im ilpu atimi asega o un era ahinag ara.

Esikiel 32:18

Ak inhal u natimi, namu aunyauwaig aiek vai nup Ijipt era ahinag ara, um ika eri erekhaigse ra, im lep nup urai iji pece esjilid, irai uari obohtan sepagko, ehele ra sji ig era asuol an nehpanitai ara.

Esikiel 32:20

Erupu eropropse ara ehele ra sji ig eris atgei ra an nedoa: er atcijai ra ehele nedoa: uhmu ahiaig pan ra im natimi asega ura era ahinag ara.

Esikiel 32:27

Era idim asjeuc ara ehele ilpu atimi emda iji ig eris atgei ra irai ilpu atimi apat, eris lep asuol an nehpanitai ara, um lucsei niji ij va atimi ura: eris ilaig ira auitoga ura, et lep amen ira ra nedo has ura; vaig inig nikavaig, eris wat umumoh ara eris imtitaig alupas ra a ilpu atimi emda.

Obataia 1:4

Et ika a Ihova; El et ijinies nuarin amen iran unyimia um idivaig nuarin amen iran u inmeijcap alupas, el eka ago niji asiom imi caua aijaua irai iblai moijeuv an nohatag, ekpu imiasuol caua ainyak eahki.

Madius 10:28

Jim imtitai ra aijaua era atgei ohu atimi ara, jam auatialidi par auahas nesgara: akumu imtitai yin aijaua et emda aien par auahas nohumia im lep nesgamia an pece has.

Madius 11:23

Ak nupu Kaperneum, eris atijai caua an nohatag, ja uhpu ethainse caua sepagko an naupat: el eris ago nauritai esjilid iji eigki an pece Sotom eris mun ago iramia, el et eteuc an naopan ineig.

Madius 4:13

is ude Nasared aien, um apan um amen Kaperneum, ubutpotet u injop an niblan pece Sebulon im Naftalai:

Lukas 13:28

Aku wit almoi Ebraham aijaua, im Aisak, im Jekob, im ilpu profeta asega, an nelcau o Atua, ja uhpu ahlo pan itac caua, akupu aunyauwaig aijaua um ataktit eijimia.

Lukas 16:23

is erekinman iran aien an pece has, is easji pan aien, um ecet Ebraham itac acen, im lep Lasarus an ritin.

Tyuteronome 1:28

Intupu apan eda akaija? era mun auahas inliinmopja a ilpu etwaija, um ika, Era alupas a nup eahki um esjilid iraija; et esjilid niji maliyum ura, et lep aridjai nathatahau iran an nohatag; ecris lep ecet nup Enak eahki aijama.

2 Pitrus 2:4

El is eti aiheuc vai ilpu agelo a Atua eris ago nedo has ara, jam ethaigse ra an nuarin aupat, um arore ra an wau an naupat, par aitgaig nadiat asuptecnaig nimtan iran;