Lukas 10:14 - Intas Etipup

¹⁴ Inyi idim tintin nohocred o nupu Tairus im nupu Saiton, an nadiat almaijidjid, ja etpu idim esjilid nohocred unyimia.

Lukas 10:14 Iomraidhean Croise

Joel 3:4

Ak nup u Tairus, im nup u Saiton, im nup urai iji uarin pece asega Filistia, akupu ago inhe aijaua vai nyak? akupu imiapam neruvaig imtak aijaua ka oʼo? el eka ago neruvaig imtak aijaua, ekpu auroauro ainyak, eti itu iyehki, um imiadumoij neruvaig unyimia irai idjinimia.

Emos 1:9

Et ika a Ihova; Inki eti atipagki ainyak nimtan nedo has et dri ka et for u nup u Tairus; va nedo ura, nikavaig, eris atcijaig ehele nup Itom atimi asega iji ig ara eris lucsei ra ara an nedoa, um eti imiehva intas etipup eris asaig ehele ilpu raimu ura ara:

Emos 3:2

Kis mun ato caua ache ainyak irai up urai iji pece asega an nobohtan: va nitai inigki ekpu aru iramia ainyak va nedo has asega unyimia.

Madius 10:15

Et inivaijec ineig ek asaig ehelemia ainyak mika, Inyi tintin nohocred o nupu Sotom im nupu Comora an nadiat almoijidjid, ja etpu esjilid nohocred o nup an nuarin-pece iyehki.

Madius 11:21

Aʼa, auwe vai caua, ak nupu Koresin! aʼa, auwe vai caua, ak nupu Bedseta! el eris ago nauritai esjilid iji eigki an nuhup u nupu Tairus im nupu Saiton eris mun ago an nuhup unyimia, el eris adumoij anliinmopura ara itu acen, um aso ra irai apelumai ucai, um ereuc an nohpa.

Joanes 3:19

Eris ika erupu emesmas atimi va nedo ura, nikavaig, is ham inlah an nobohtan, ja is aiyu inliinmopoi atimi va naupat, jam has inliinmopura ara vai inlah, va nedo has ura.

Nupu Roma 2:1

VA nitai ineigki et ehka vai euc intasvaig, ak natimi ira ra asega, na ated intak atimi aiek: na wit ated intak atimi aiek va nedo o un, na ated euc aiek; na ated intak atimi aiek, jam idim ago nedo o un.

Nupu Roma 2:27

el era imyiaiji intas alep a ilpu atimi iji eig era eti aperitome ira ra an tup nedo ura, erupu idim ated euc ara, na auahas intas alep aiek, an namen u intas itaup ehelum im naperitome.