Lukas 1:8 - Intas Etipup

⁸ Is amen aien, um ago nauritai o ilpu atimi ahlap aien an nuhup o Atua, is idivaig ilpu etoan,

Lukas 1:8 Iomraidhean Croise

1 Iji Tas Eled 24:19

Eris auritai is uce ara an napam ura anliin neom u Ihova, is idivaig nedo ura, irai Eron etpora, is idivaig is asaig ehelen a Ihova Atua u nup Isreel.

1 Iji Tas Eled 24:2

Ja erus mas ahwat raigki; nan, Netab im Abaihu an nopan umoh u etmarau, is ti ilpu hal urau: va nitai inigki erus ago nauritai u ilpu atimi ahlap ahwat raigki; nan, Eliesar im Idamar.

2 Niji Tas Eled 11:14

Eris udei tup nobohtan ura im niji uari pece ura a ilpu mapoi Livai, um apam Juta im Jerusalem: is ahlo ra a Jeroboam im ilpuhal o un, va eri jim ago nauritai u ilpu atimi ahlap ara vai Ihova:

2 Niji Tas Eled 31:19

im lep ilpu mapoi Eron, ilpu atimi ahlap irai iji uari obohtan ura, irai iji maliyum ura, athi um ethi ehni, eris alupai ra nitai caig incara, natimi iji ehki eris anvai ra, eris lep alupai ilpu atamaig asega irai ilpu atimi ahlap ara, im ra asega eris esvi ra pan irai ilpu mapoi Livai.

2 Niji Tas Eled 31:2

Is ikni niji irai ilpu atimi ahlap, im niji irai ilpu mapoi Livai a Hesekaia, is idivaig niji ira ra, mika eri ago nauritai ura, nikavaig, eri ahlap a ilpu atimi ahlap im ilpu mapoi Livai irai iji itai ahlap atnamud, im niji itai ahlap naaurinig, um auanaheca, um naaurinig, um acesaces nohraiitai irai eucse eom an neom u Ihova.

2 Niji Tas Eled 8:14

Is ikni niji ira atimi ahlap aien, is idivaig is asaig a Tevit etman par ago nauritai ura; im ilpu mapoi Livai va nauritai ura, mika eri acesaces nohraiitai, um auanaheca an nuhup u ilpu atimi ahlap, is idivaig nauritai ura irai iji adiat: im lep niji ira atimi aminjinaig neucse eom asega: is idim uce intas alep u Tevit natimi u Atua.

Esra 6:18

Eris ahaig ilpu atimi ahlap ara, im ilpu mapoi Livai, um ikni ra, par ago nauritai vai Atua Jerusalem; is idivaig eris aged an nitaasviitai u Moses.

Eksotus 28:1

NAMU aniv Eron etwam aiek, im ilpu hal o un irai up Isreel, mika eri aheca unyak ara, um ago nauritai u ilpu atimi ahlap, Eron marom, im lep Netab, im Abaihu, im Eliesar, im Idamar, ilpu halav atamaig u Eron.

Eksotus 28:41

Namu aso Eron etwam iran aiek, im lep ilpu hal o un; um aspi ra, um ikni ra, um acis yi alwai ra mika eri itap ara, mika eri aheca unyak ara, um ago nauritai u ilpu atimi ahlap.

Eksotus 29:1

NAMU ago nedo inig vai ra aiek, mika eri itap ara par aheca unyak an nauritai u ilpu atimi ahlap: Namu leh kurimatau atamaig takuras yi ethi aiek, im siip atamaig yi ero, et ti nitai has irai ehtaij,

Eksotus 29:44

Ekpu lep imiitap neom asjapicnaig o un ainyak, im natau: ekpu lep imiitap Eron ainyak, im ilpu hal o un, mika eri aheca unyak ara, um ago nauritai u ilpu atimi ahlap.

Eksotus 29:9

um ati niji itai ahid ira Eron im ilpu hal o un, um ati niji cat adgaig ira ra: erumu lep ago nauritai u ilpu atimi ahlap ara, intas alep nigki imi iji mesese: namu ikni Eron im ilpu halav atamaig o un aiek.

Eksotus 30:30

Namu lep aspi Eron aiek im ilpu hal o un, um ikni ra, va erupu aheca unyak ara, um ago nauritai u ilpu atimi ahlap.

Numera 18:7

Va nitai inigki namu aminjinaig nauritai u ilpu atimi ahlap aiek, im ilpu hal unyum irai iji itai asega an natau, im lep niji itai an nuarin er atapin an napelumai; akumu auanaheca aijaua: ek mun ikni caua ainyak mika aki ago nauritai u ilpu atimi ahlap aijaua vai intup naiheuc unyak vai caua: uhmu atgei natimi et eche et apam ubutpotet aien.

Lukas 1:5

AN NAOPAN iyehki is wat atimarid an pece Jutaia a Herot, is eteuc natimi ahlap is ethi, nidan Sakaraias, is mapoi Abaija aien: is lep mapoi Eron a ehgan, nidan Elisabed.

Lukas 1:7

Ja is ti inhal urau, is eti asvalav a Elisabed; erus mun efatimi arau.