Lukas 1:79 - Intas Etipup

⁷⁹ par lah ehele ra era amen an naupat ara, et ahelmon ra inmas, um lep atau iraija an nefalaig eigpa.

Lukas 1:79 Iomraidhean Croise

Nitaasviitai u Job 10:22

inpece u napat, im inmehcim ahtu; et eteuc nalmun mas iran; et ti upene itai iran; et tup apat ache inlah iran.

Nitaasviitai u Job 3:5

Etmu eteuc inmehcim iran im nalmun mas; etmu amen iran nepig; uhmu imtitaig an nadiat, iyehki va napat.

Saam 107:10

Et mun ai itai aien vai ra era amen an mehcim ara im napat ahtu, era lep ohocred ara va narore ra ira atau hat;

Saam 107:14

Is imialau ijo ra aien vai inmehcim im napat ahtu, um ahtamud niji itai arore ra.

Saam 23:4

Im lep inig, eku wit atga ainyak an niskanse apat acen, inki eti imtitaig tah nitai has ainyak; na idim amen ehelek aiek; etpu ago emda nyak inmopul unyum im niseuc unyum.

Saam 25:12

El et eteuc tah et imtitai Ihova aien, etpu atau iran aien an nefalaig inig et merit vaig aien.

Saam 44:19

ja na mun ati nohocred aiek an nuarin amen nan niji itai aleg, um ataluopni pam cama an napat u inmas.

Niji tas Arapakau 3:17

Er imiacitak an nedo o un; et igpa niji efalaig asega o un.

Niji tas Arapakau 8:20

Ek uhup ainyak an nefalaig atoh; ek uhup ainyak an nesgan nefalaig inveijec:

Aiseya 42:16

Ekpu atau irai ilpu atimi apat nesganimtara ainyak an nefalaig inig eris eti ato ara; ekpu lep ika ainyak eri atga irai efalaig iji ig ara eris eti ato ara: ekpu lep ika ainyak yi isjeupigmoig napat inlah an nuhup ura, um lep ika yi marara niji uarin tipetipe. Intas upyi asaig unyak ji igki kis asaig ainyak jam eti ahnag iran.

Aiseya 42:7

par ika eri alum itai a ilpu atimi apat nesganimtara, um imiahlau ijo ilpu atimi eris arore ra an neom ipjin, um imiaha ilpu atimi amen an napat va neom eris atapnes ra iran.

Aiseya 48:17

Et ika a Ihova, Natimi imiatamaig caua, Atua Upene u nup Isreel; Ek Ihova ainyak Atua unyimia, aien aigki et esege imi caua aien par ago niji itai upene, um atau iramia an nefalaig inig aki atga iran aijaua.

Aiseya 48:22

Et ika a Ihova, Et eti eteuc nigpa vai ilpu atimi auatatimi.

Aiseya 49:6

Is ika aien, Nauritai haklin nigki mika an aheca unyak aiek par imiatidai ilpu teuc irai Jekob, um imiadumoij pam ilpu ahri nup Isreel: ek mun lep ati euc ainyak mika an nitai lah imi nup urai iji pece, mika ki imiatamaig atimi ainyak vai euc um yetpan irai tid au nobohtan.

Aiseya 49:9

um ika ehele ilpu atimi eris arore ra, Akumu ahlau ijo aijaua; im lep ehele ra era amen an napat ara, Akumu ehcohos pam aijaua. Erupu hag irai efalaig ura ara, erupu leh nitai caig incara ara irai edoon asega.

Aiseya 59:8

Era mun eti ato nedo igpa ara; et eti atoh tah nitai era ago ara; era mun ago acalacal niji efalaig ura ara vai ra: etpu eti ato nigpa tah et atga iran aien.

Aiseya 9:2

Natimi iji ig era atga an napat ara, era mun ecetai inlah alupas ara: natimi iji ig era amen ara an pece u napat im inmas, et mun aridjai inlah imi ra.

Jeremaia 2:6

Eris eti ika ara, Ihova yek eda, aien aigki is imiaridjipam caija aien ahes an pece Ijipt, is atau iraija aien an namasacen, an pece iyehki is ti inwai iran, is amen nehpaiitai iran, an pece iyehki eris ahvig wai iran, an pece u nalmun mas, an pece iyehki is eti ahced iran tah natimi, is lep eti amen iran tah natimi?

Jeremaia 6:16

Et ika a Ihova, Akumu aiji irai efalaig aijaua, um almoi, um ahodai atimi vai iji efalaig itu, um ika, Nefalaig upene yek eda? um atga iran; akupu leh nitai atumop iran imi nesgamia aijaua. Ja eris ika ara, Ecrupu eti atga iran aijama.

Madius 4:16

era mun ecetai inlah alupas ara sji eigki eris amen an naupat ara; et mun aridjai inlah imi ra eris amen an nuarin o naupat ara im inmas.”

Lukas 2:32

mika yi itai lah aien imi nup urai iji pece, im lep nitai imyiahpas imi nupu Isreel unyum.

Joanes 1:9

Is itai lah inivaijec iyehki, is ham aien an nobohtan mika eri lah natimi asega vai yin.

Joanes 12:46

Kis ham ainyak par itai lah an nobohtan, mika eri jim amen an naupat a ilpu atimi asgeig irak asega.

Joanes 8:12

Is lep tas ehele ra a Iesu, um ika, Ek itai lah an nobohtan ainyak: aien etpu apitac nyak aien, inyi ti atga an naupat aien, etpu leh nitai lah aien, um umoh.

Joanes 9:5

ek wat amen ainyak an nobohtan, ek itai lah an nobohtan ainyak.

Niji auritai o ilpu Apostolo 10:36

Intas ineig is imyiapan ehele nupu Isreel a Atua, nasuptecnaigvaig neigpa vai Iesu Kristo: (et Atimarid aien ira atimi asega:)

Niji auritai o ilpu Apostolo 26:18

va apu asalgei nesganimtara aiek, mika eri ahidai ra an naupat pam u inlah, um lep ahidai ra u nemda o Satana pam iran u Atua, va uhpu eti aru nedo has ura, mika eri ehrileh namen upene ehele ilpu atimi upene, va nasgeig irak ura.

Nupu Roma 3:17

era eti ato nedo eigpa ara:”

Nupu Efesus 5:8

Akis idim aupat aijaua itu acen, ja eka lah aijaua an naopan ineig vai Natimarid: akumu ago nedo o ilpu atimi lah aijaua;