Lukas 1:77 - Intas Etipup

⁷⁷ um asuptecnaig intas imyiatamaig caija ehele ilpu atimi o un, va uhpu iknipagki nedo has ura,

Lukas 1:77 Iomraidhean Croise

Jeremaia 31:34

Et ika a Ihova, Erupu eti lep esege imi ilpu atimi eblaamnem ura, im lep ilpu etwara natimi asega, athi um athi ehni, um ika, Namu ato Ihova aiek: vaig inig nikavaig, erupu ato nyak ara asega ahes irai ilpu atimi alupas ira ra um yetpan irai tup atimi ira ra: ekpu ohpodohpod nedo acalacal ura ainyak, um eti lep imiehva nedo has ura.

Lukas 3:3

Is apan aien irai iji uari pece asega u Jortan, um asuptecnaig nabaptiso mika eri adumoij anliinmopura atimi va uhpu iknipagki nedo has ura;

Lukas 3:6

erupu ecetai nitai imyiatamaig ra o Atua natimi asega.”

Joanes 1:29

¶ Is wat lahlah an tak apnyin, is ecet Iesu a Joanes napanvaig ehelen, um ika, Almoi Lam o Atua aijaua, aien aigki et iknipagki nedo has aien an nobohtan:

Joanes 1:34

Kis ecetai ainyak um asuptecnaig, um ika, Inhal o Atua ineigki.

Niji auritai o ilpu Apostolo 10:43

Eris tas vai yin a ilpu profeta asega, um ika, Ara asega era asgeig iran ara, eri eti aru nedo has ura va nidan.

Niji auritai o ilpu Apostolo 19:4

Is um ika a Paulo, Is idim baptiso ira atimi a Joanes an nabaptiso ineig eri adumoij anliinmopura ara, um ika ehele atimi eri asgeig iran ara etpu apitac pam iran aien, Iesu Kristo marom.

Niji auritai o ilpu Apostolo 2:38

Is um ika ehele ra a Pitrus, Akumu adumoij anliinmopomia aijaua, um leh nabaptiso iramia asega an nidai Iesu Kristo, va uhpu eti aru nedo has unyimia; akupu leh nitai tup ahtai ineig aijaua, Nesgan Upene:

Niji auritai o ilpu Apostolo 3:19

Akumu adumoij anliinmopomia aijaua, um ahidai caua, va uhpu ohpodohpod nedo has unyimia, va inyetpam naopan upene iyehki etpu ahes ehele Natimarid;

Niji auritai o ilpu Apostolo 5:31

ja is imyiatidai yin a Atua an matan mika yi Atimarid aien, um Atimi imyiatamaig caija, va etpu alupai nupu Isreel aien inliinmopura adumoij, uhpu eti lep aru nedo has ura;

Nupu Roma 3:25

aien aigki is ati yin a Atua mika yi itai ahlap aien va nasgeig an ja iran uja, va uhpu ehvaig nika o un et atoh nedo o atimi, va neti aruvaig nedo has eris upyi ago, va nedo erop o Atua;

Nupu Efesus 1:7

aien aigki is auanimtara aien an ja iran, nikavaig, eris iknipagki nedo has uja, et idiva naiheuc esjilid acen o un;